POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 13 ທັນວາ 2024

ຄະນະພັກກອງບັນຊາການທະຫານແຂວງຄຳມ່ວນ ຊຸກຍູ້ວຽກງານຮອບດ້ານ ຢູ່ບັນດາກົມກອງ
ເວລາອອກຂ່າວ: 2024-11-12 08:57:46 | ຜູ້ຂຽນ : admin1 | ຈຳນວນຄົນເຂົ້າຊົມ: 536 | ຄວາມນິຍົມ:

ວັນທີ 7 ພະຈິກ 2024 ນີ້, ຄະນະພັກກອງບັນຊາການທະ ຫານແຂວງຄຳມ່ວນ ໄດ້ເຄື່ອນ ໄຫວຊຸກຍູ້-ຊີ້ນຳ ວຽກງານຮອບດ້ານຢູ່ໂຮງຮຽນການທະຫານ- ການເມືອງ ແລະ ກອງບັນຊາການທະຫານ ເມືອງມະຫາໄຊເຊິ່ງນຳໂດຍສະຫາຍ ພັນເອກພັນມະຫາ ຈູມມະນີ ກໍາມະການຄະນະພັກກອງບັນຊາການ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຄຳມ່ວນ ພ້ອມດ້ວຍຄະນະພັກ-ຄະ ນະບັນຊາ 5 ຫ້ອງ, ພະແນກການທີ່ກ່ຽວຂ້ອງ ເຂົ້າຮ່ວມ. ການເຄື່ອນໄຫວຊຸກຍູ້ ແລະ ຊີ້ນຳວຽກງານຮອບດ້ານໃນຄັ້ງ ນີ້, ຄະນະພັກ-ຄະນະບັນຊາທັງສອງກົມກອງ ໄດ້ລາຍງານ ການຈັດຕັ້ງປະຕິບັດໜ້າທີ່ວຽກງານຂອງກົມກອງໃນໄລຍະຜ່ານມາ ໃຫ້ຄະນະພັກຂັ້ນເທິງຮັບຊາບ. ຈາກນັ້ນ ຄະນະຮັບຜິດຊອບອົງ ການ 5 ຫ້ອງກອງບັນຊາການ ທະຫານແຂວງໄດ້ຜັດປ່ຽນກັນ ປະກອບຄຳຄິດເຫັນ ພ້ອມທັງຊີ້ນຳໃນບາງວຽກງານທີ່ຍັງຄົງ ຄ້າງຕາມຂົງເຂດວຽກງານຮັບຜິດຊອບ ເຊິ່ງເປັນການຊອກຫາວິທີແກ້ໄຂໃຫ້ຖືກຕ້ອງ ແລະ ສອດຄ່ອງກັບທິດຊີ້ນຳຂອງຂັ້ນເທິງ ເພື່ອນຳໄປຈັດຕັ້ງປະຕິ ບັດ. ຈຸດປະສົງໃນການເຄື່ອນໄຫວໃນຄັ້ງນີ້ ເພື່ອຕິດຕາມກວດ ກາ ແລະ ຊຸກຍູ້ການຈັດຕັ້ງຜັນຂະຫຍາຍບັນດາມະຕິຂອງຄະນະພັກຂັ້ນເທິງ ໂດຍສະເພາະມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກອງບັນຊາການທະຫານແຂວງ ເຂົ້າສູ່ການຈັດຕັ້ງປະຕິບັດຕົວຈິງໃນທ້າຍສະໄໝ ໄປພ້ອມກັບການສ້າງຂະບວນການ ແລະ ກິດຈະກຳຕ່າງໆ ຕາມມະຕິ ວ່າດ້ວຍ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ໃຫ້ຟົດຟື້ນ, ກວ້າງຂວາງ ແລະ ມີເນື້ອໃນເລິກເຊິ່ງ ທັງເປັນການສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກອງບັນຊາການທະຫານແຂວງຄຳມ່ວນ ທີ່ຈະໄດ້ໄຂຂຶ້ນໃນຕໍ່ໜ້ານີ້ ໃຫ້ມີຂະບວນການຢ່າງຟົດຟື້ນ. ສະຫາຍ ພັນເອກ ພັນມະຫາຈູມມະນີ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ໃນການຈັດຕັ້ງປະຕິບັດໜ້າທີ່ວຽກງານຂອງທັງສອງກົມກອງໃນໄລຍະຜ່ານມາ ພ້ອມທັງຮຽກຮ້ອງມາຍັງຄະນະພັກ-ຄະນະບັນຊາກົມກອງ ຈົ່ງສືບຕໍ່ນຳພາ-ຊີ້ນຳພະນັກງານ-ນັກຮົບຂອງຕົນ ໂດຍຖືເອົາການສຶກສາອົບຮົມ ການເມືອງ-ນຳພາແນວຄິດເປັນກົກ, ສາມາດເປັນກຳລັງຫຼັກແຫຼ່ງ ຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ມີແບບແຜນນຳພາ ບັນຊາ ແບບມີວິທະຍາສາດ, ສາມາດກຽມພ້ອມສູ້ຮົບ ແລະ ແກ້ໄຂສະພາບການໃຫ້ທັນເວລາ ເພື່ອພ້ອມກັນເຮັດສຳເລັດໜ້າທີ່ການເມືອງຕາມການຈັດຕັ້ງຂັ້ນເທິງມອບໝາຍໃຫ້. ໂດຍ: ລາກີ ພົມມີສິດ

news to day and hot news