ວັນພະຫັດ, ວັນທີ 05 ທັນວາ 2024
ທະຫານແຂວງຈໍາປາສັກ ເຂົ້າວາງພວງມາລາ ທີ່ອະນຸສາວະລີ ນັກຮົບນິລະນາມ
ເວລາອອກຂ່າວ: 2024-11-12 10:59:23 | ຜູ້ຂຽນ : admin2 | ຈຳນວນຄົນເຂົ້າຊົມ: 682 | ຄວາມນິຍົມ: 
ໃນວັນທີ 12 ພະຈິກ 2024 ນີ້, ຄະນະພັກ-ຄະນະບັນຊາ ກອງບັນຊາການທະຫານແຂວງຈໍາປາສັກ. ນຳໂດຍ ສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງກອງບັນຊາການທະຫານແຂວງຈໍາປາສັກ, ພ້ອມດ້ວຍ ຄະນະພັກ-ຄະນະບັນຊາ 5 ຫ້ອງ, ພະແນກການ, ກົມກອງທີ່ຂຶ້ນກັບໄດ້ເຂົ້າ ວາງພວງມາລາຢູ່ທີ່ອະນຸສາວະລີນັກຮົບນິລະນາມ ແລະ ວາງກະຕ່າດອກໄມ້ທີ່ອະນຸສອນສະຖານ ປະທານ ໄກສອນ ພົມວິຫານ, ຢູ່ທີ່ເດີ່ນສະໝາມແດງ ນະຄອນປາກເຊ ແຂວງຈຳປາສັກ ເນື່ອງໃນໂອກາດກອງປະຊຸມໃຫຍ່ຜູ້ແທນ ສະມາຊິກພັກ ຄັ້ງທີ VI ຂອງອົງຄະນະພັກກອງບັນຊາການທະຫານແຂວງຈໍາປາສັກ
ການວາງພວງມາລາ ແລະ ກະຕ່າດອກໄມ້ຄັ້ງນີ້ ແມ່ນເພື່ອໄຫວ້ອາໄລເຖິງດວງວິນຍານຂອງວິລະຊົນປະຕິວັດ. ພ້ອມທັງສະແດງຄວາມເຄົາລົບ ແລະ ລະນຶກເຖິງຄຸນງາມຄວາມດີຄວາມກະຕັນຍູຮູ້ບຸນຄຸນອັນສູງສົ່ງຕໍ່ທ່ານຜູ້ນຳການປະຕິວັດ, ນັກຮົບນິລະນາມພ້ອມດ້ວຍປະຊາຊົນບັນດາເຜົ່າທີ່ເສຍສະຫຼະເລືອດເນື້ອອຸທິດໃຫ້ແກ່ປະເທດຊາດໃນພາລະກິດການຕໍ່ສູ້ກູ້ຊາດຍາດເອົາເອກະລາດ, ອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນມາໃຫ້ ປະຊາຊົນເພື່ອຄວາມສົມບູນພູນສຸກຂອງປະຊາຊົນບັນດາເຜົ່າໃຫ້ໄດ້ຢູ່ເຢັນເປັນສຸກຈົນມາເຖິງທຸກວັນນີ້. ເຊິ່ງບຸນຄຸນ ແລະ ຄຸນງາມຄວາມດີດັ່ງກ່າວຈະຢືນຍົງຄົງຢູ່ໃນພາລະກິດການປະຕິວັດລາວໄປຕະຫຼອດກາລະນານ.
ຂ່າວ-ພາບ: ດາວົງ ບຸດຕະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
