POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງພັນ 408 ກອງພົນທີ 3 ຕ້ອນຮັບການມາຢ້ຽມຢາມຂອງຫົວໜ້າກົມ 49
ເວລາອອກຂ່າວ: 2024-11-12 11:16:16 | ຜູ້ຂຽນ : admin2 | ຈຳນວນຄົນເຂົ້າຊົມ: 798 | ຄວາມນິຍົມ:

ພິທີຕ້ອນຮັບການມາຢ້ຽມຢາມເຮັດວຽກ ແລະ ພົບປະໂອ້ລົມຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງຢູ່ກອງພັນ 408 ທີ່ຂຶ້ນກັບກອງພົນທີ 3 ນໍາໂດຍ ສະຫາຍ ພົນຈັດຕະວາ ບຸນຕຽນ ໄຊຍຳວົງທັນ ຫົວໜ້າກົມ 49 ກົມໃຫຍ່ເສນາທິການກອງທັບ ພ້ອມດ້ວຍຄະນະ, ເຂົ້າຮ່ວມມີ ສະຫາຍ ພັນເອກ ສຸກສະຫວັດ ດາລາສຸກ ຫົວໜ້າຫ້ອງເສນາທິການກອງພົນທີ 3 ໃຫ້ກຽດຕ້ອນຮັບໂດຍສະຫາຍ ພັນໂທ ສົມຫວັງ ມະນີວົງ ຫົວໜ້າການເມືອງກອງພັນ 408 ພ້ອມດ້ວຍຄະນະ ແລະ ພະນັກງານຫຼັກແຫຼ່ງເຂົ້າຮ່ວມ. ໃນພິທີ ສະຫາຍ ພັນໂທ ສົມຫວັງ ມະນີວົງ ໄດ້ລາຍງານກ່ຽວກັບສະພາບ, ຈຸດພິເສດ, ທີ່ຕັ້ງ, ພາລະບົດບາດ, ໜ້າທີ່ການເມືອງໂດຍຫຍໍ້. ຈຸດພິເສດກອງພັນ408 ແມ່ນກົມກອງເຫຼົ່າຮົບວິຊາສະເພາະຕີພິເສດ ມີການຈັດຕັ້ງປະກອບແບບກະທັດຮັດເບົາບາງແຕກຕ່າງກັບເຫຼົ່າຮົບອື່ນ, ວິທີຕີແມ່ນເອົາໜ້ອຍຕີຫຼາຍ, ເອົານ້ອຍຊະນະໃຫຍ່, ເອົາຄຸນນະພາບຊະນະປະລິມານ, ເອົາຈິດໃຈອອກແຮງບຸກຕີ, ຕີຖືກເປົ້າໝາຍ, ຕີໄວດັບສູນກ້ຽງສົມທົບແໜ້ນກັບ 5 ຫຼັກການຂອງຕີພິເສດ. ໂດຍພາຍໃຕ້ການຊີ້ນໍາ-ນຳພາໂດຍກົງ, ຮອບດ້ານຈາກຄະນະພັກ-ຄະນະບັນຊາກອງພົນທີ 3 ເຮັດໜ້າທີ່ຊ່ວຍໜູນບັນດາກອງພັນທະຫານຮາບແກ້ໄຂສະພາບການ ທີ່ຈະເກີດຂຶ້ນຢູ່ 4 ແຂວງພາກເໜືອ. ໃນຊຸມປີຜ່ານມາກົມກອງໄດ້ຫັນເອົາພະນັກງານລົງກໍ່ສ້າງຮາກຖານການເມືອງ ຕາມຂອບເຂດກົມກອງຕັ້ງທັບສົມທົບກັບອຳນາດການປົກຄອງທ້ອງຖິ່ນ ແລະ ຕາໜ່າງປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ສະພາບຂອບເຂດກົມກອງຮັບຜິດຊອບມີຄວາມສະຫງົບໂດຍພື້ນຖານ. ພ້ອມກັນນັ້ນ, ກໍໄດ້ເອົາໃຈໃສປັບປຸງກໍ່ສ້າງກຳລັງໃຫ້ເຂັ້ມແຂງໃນທຸກດ້ານ, ສຸມໃສ່ວຽກງານອົບຮົມຫັດແອບປັບປຸງລະບຽບແບບແຜນໃຫ້ມີຄວາມຮັດກຸມເປັນເອກະພາບຊີ້ນຳຄະນະພັກ-ຄະນະບັນຊາແຕ່ລະກອງຮ້ອຍສ້າງພະລາທິການກັບທີ່ຕາມທິດຊີ້ນຳເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ສາມາດຍາດໄດ້ຜົນສຳເລັດຫຼາຍດ້ານ. ໂອກາດດັ່ງກາວ, ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ໄດ້ຕີລາຄາສູງ ແລະ ຊົມເຊີຍຕໍ່ຜົນສຳເລັດວຽກງານຫຼາຍດ້ານທີ່ກົມກອງຍາດມາໄດ້ໃນໄລຍະຜ່ານມາພ້ອມທັງໄດ້ຍົກໃຫ້ເຫັນສະພາບການຂອງໂລກພາກພື້ນ ແລະ ສາກົນ. ອີງໃສຄວາມຮຽກຮ້ອງຕ້ອງການໜ້າທີ່ການເມືອງຂອງກອງທັບໃນໄລຍະໃໝ່ສະຫາຍໄດ້ຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນຕ້ອງເປັນເຈົ້າການສຶກສາອົບຮົມການເມືອງ-ແນວຄິດ, ໃຫ້ຖັນແຖວພະນັກງານ, ສະມາຊິກພັກ-ນັກຮົບຖືເປັນບັນຫາສໍາຄັນຕົ້ນຕໍ ເພື່ອເຮັດໃຫ້ເຂົາເຈົ້າໄດ້ຮັບຮູ້ເຂົ້າໃຈແຈ້ງຕໍ່ແນວທາງນະໂຍບາຍຂອງພັກ-ລັດໃນໄລຍະໃໝ່. ພ້ອມນັ້ນກໍ່ຕ້ອງສືບຕໍ່ປັບປຸງລະບຽບແບບແຜນ, ເຝິກແອບຮໍ່າຮຽນການເມືອງ-ການທະຫານ, ພະລາທິການ-ເຕັກນິກແລະວິຊາສະເພາະຂອງກົມກອງໃຫ້ມີຄວາມຊໍານິຊໍານານ, ເປັນກຳລັງຫຼັກແຫຼ່ງໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຫັນເອົາກໍາລັງລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ໃຫ້ແຂງແຮງກວ່າເກົ່າ ເດັດດ່ຽວຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆທີ່ກໍ່ໃຫ້ເກີດຄວາມບໍ່ສະຫງົບ. ເອົາໃຈໃສ່ປັບປຸງແບບແຜນວິທີເຮັດວຽກແບບແຜນນໍາພາທີ່ດີຂອງຄະນະພັກ-ຄະນະບັນຊາແຕ່ລະຂັ້ນໃຫ້ມີຄວາມເປັນເອກະພາບ, ຖືກຕ້ອງ, ສອດຄ່ອງກັບຈຸດພິເສດເງື່ອນໄຂຕົວຈິງຂອງກົມກອງ, ໄປພ້ອມກັນກັບການຈັດຕັ້ງປະຕິບັດຕາມຂໍ້ກຳນົດ7ລະບອບ 18 ວຽກ ໃນມື້ໜຶ່ງຂອງກອງທັບໂດຍຕິດພັນກັບການສ້າງພະລາທິການກັບທີ່ຕາມທິດຊີ້ນໍາເພິ່ງຕົນເອງ ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ ໂດຍປິ້ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ແລະ ປັບປຸງກໍ່ສ້າງກົມກອງໃຫ້ມີຄວາມເຂັ້ມແຂງໜັກແໜ້ນຕາມທິດທາງກໍ່ສ້າງກອງທັບປະຕິວັດ ມີລະບຽບແບບແຜນ ແລະ ທັນສະໄໝເທື່ອລະກ້າວ. ໃນໂອກາດທີ່ມາເຮັດວຽກຂອງຄະນະຜູ້ແທນຈາກກົມ 49 ໃນຄັ້ງນີ້ ຍັງໄດ້ມອບເຄື່ອງໃຫ້ກົມກອງອີກຈຳນວນ 50 ຊຸດ. ໂດຍ: ທືນ ມະນີວັນ

news to day and hot news