ວັນພະຫັດ, ວັນທີ 05 ທັນວາ 2024
ມອບປື້ມໃຫ້ຫ້ອງວິທະຍາສາດ-ປະຫວັດສາດການທະຫານ ວນກ
ເວລາອອກຂ່າວ: 2024-11-13 11:51:27 | ຜູ້ຂຽນ : admin2 | ຈຳນວນຄົນເຂົ້າຊົມ: 865 | ຄວາມນິຍົມ: 
ວັນທີ 11 ພະຈິກ 2024 ນີ້, ຫ້ອງອົບຮົມ-ກໍ່ສ້າງໄດ້ນຳເອົາປື້ມມາມອບໃຫ້ຫ້ອງວິທະຍາສາດ-ປະຫັວດສາດການທະຫານ ວິທະຍາຄານນາຍທະຫານບົກກົມະດຳ ໂດຍການເປັນປະທານຂອງ ສະຫາຍ ພົນຈັດຕະວາ ບົວໄລ ສີລັກສາ ຫົວໜ້າການທະຫານ ວິທະຍາຄານນາຍທະຫານບົກກົມມະດຳ, ມີບັນດາຄະນະຫ້ອງ, ຄະນະວິຊາຄູ, ພະນັກງານເຂົ້າຮ່ວມ.
ສະຫາຍ ພັນໂທ ແສງສຸລິຍາ ພິມມະສອນ ຮອງຫົວໜ້າຫ້ອງອົບຮົມ-ກໍ່ສ້າງ ພ້ອມດ້ວຍຄະນະພັກ-ຄະນະບັນຊາຄະນະວິຊາຄູ 16 ຄະນະ, ໄດ້ນຳປື້ມມາມອບໃຫ້ຫ້ອງວິທະຍາສາດປະຫວັດສາດ-ການທະຫານ ວນກ ໂດຍການກ່າວຮັບຂອງ ສະຫາຍ ພັນເອກ ປະລິນຍາເອກ ອຸດົມໄຊ ເມືອງໂຄດ ຫົວໜ້າຫ້ອງ ວິທະຍາສາດ-ປະຫວັດສາດການທະຫານ ວນກ, ສຳລັບປື້ມທີ່ນຳມາມອບໃນຄັ້ງນີ້ມີປື້ມວິຊາຍຸດທະວິທີ ຈຳນວນ 2 ສະບັບ, ວິຊາບັນຊາ-ເສນາ ຈຳນວນ6 ສະບັບ, ວິຊາວຽກງານພັກ-ວຽກງານການເມືອງ ຈຳນວນ 2 ສະບັບ, ວິຊາທິດສະດີມາກ-ເລນິນ ຈຳນວນ 6 ສະບັບ, ວິຊາ ວິທີການອົບຮົມຈຳນວນ 14 ສະບັບ, ວິຊາສີນລະປະຍຸດ ຈຳນວນ 2 ສະບັບ, ວິຊາສຶບຂ່າວຈຳນວນ 2 ສະບັບ, ວິຊາຕີພິເສດຈຳນວນ 41 ສະບັບ, ວິຊາລົດຕັ່ງ-ຍານເກາະ ຈຳນວນ 2 ສະບັບ, ວິຊາ ປືນໃຫຍ່ໜ້າດິນ ຈຳນວນ 20 ສະບັບ, ວິຊາຊ່າງແສງ ຈຳນວນ 11 ສະບັບ, ວິຊາເຄມີ ຈຳນວນ 27 ສະບັບ, ວິຊາສື່ສານຈຳນວນ 12 ສະບັບ, ວິຊາລະບຽບ-ກິລາ ຈຳນວນ 2 ສະບັບ, ວິຊາສຶກສາ 5 ວິຊາ ຈຳນວນ 6 ສະບັບ ລວມຈຳນວນເອກະສານທັງໝົດ 162 ສະບັບ.
ໂອກາດດຽວກັນນີ້, ສະຫາຍ ພັນເອກ ປະດິດ ສິນທຳ ຫົວໜ້າຫ້ອງອົບຮົມ-ກໍ່ສ້າງ ວນກ ຍັງໄດ້ມອບປື້ມກົດໝາຍວ່າດ້ວຍການສຶກສາຂັ້ນສູງ ຈຳນວນ 25 ຫົວ ແລະ ສະຫາຍ ພັນໂທ ສິງຄຳ ສີສຸວັນ ຮອງຫົວໜ້າຄະນະວິຊາຄູຍຸດທະວິທີ ມອບປື້ມສີລະປະນຳໃຊ້ກຳລັງໃນຍຸດທະບັ້ນຮົບບຸກຕີ ຈຳນວນ 1 ຫົວ ທັງນີ້ກໍ່ເພື່ອມອບປື້ມດັ່ງກ່າວເຂົ້າຄັງຄວາມຮູ້ ຂອງວິທະຍາຄານ ກໍ່ຄືຫໍສະໝຸດ ເພື່ອເປັນຂໍ້ມູນພື້ນຖານໃຫ້ພະນັກງານ-ນັກຮົບ, ນັກຮຽນ-ນັກສຶກສາ ໄດ້ເຂົ້າມາທ່ຽວຊົມອ່ານ, ຄົ້ນຄວ້າສຶກສາຫາຄວາມຮູ້ຜັນຂະຫຍາຍອອກສູ່ສັງຄົມໄດ້ຫຼາຍຂຶ້ນ.
ຂ່າວ-ພາບ: ລຸນທອງ ສີບຸນເຮືອງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
