ວັນສຸກ, ວັນທີ 13 ທັນວາ 2024
ກອງພົນທີ 2 ປິດຊຸດອົບຮົມ - ຫັດແອບ, ການປັບປຸງລະບຽບແບບແຜນເຝິກຝົນກໍາລັງແຮງກາຍ
ເວລາອອກຂ່າວ: 2024-11-13 15:22:09 | ຜູ້ຂຽນ : admin2 | ຈຳນວນຄົນເຂົ້າຊົມ: 1285 | ຄວາມນິຍົມ: 
ໃນວັນທີ 13 ພະຈິກ 2024 ນີ້, ກອງພົນທີ 2 ໄດ້ປິດຊຸດອົບຮົມ-ຫັດແອບ, ການປັບປຸງລະບຽບແບບແຜນເຝິກຝົນກໍາລັງແຮງກາຍ ປະຈໍາປີ 2024. ໂດຍການປເປັນປະທານຂອງ ສະຫາຍ ພົນຈັດຕະວາ ຄໍາດີ ໄຊຍະວົງ ຫົວໜ້າການທະຫານກອງພົນທີ 2, ມີສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2, ມີຄະນະຫ້ອງ, ພະແນກການ, ກົມກອງ, ຕະຫຼອດພະນັກງານ-ນັກຮົບເຂົ້າຮ່ວມ.
ສະຫາຍ ພັນໂທ ສົມລົດ ວິລະວົງ ຫົວໜ້າພະແນກອົບຮົມ ຫ້ອງເສນາທິການ ກອງພົນທີ 2 ໄດ້ຜ່ານບົດສະຫຼຸບວຽກງານອົບຮົມ - ຫັດແອບ, ປັບປຸງລະບຽບແບບແຜນເຝິກຝົນກໍາລັງແຮງກາຍ ປະຈໍາປີ 2024 ໂດຍອີງຕາມຜົນການຈັດຕັ້ງປະຕິບັດແຜນການອົບຮົມ - ຫັດແອບຕົວຈິງ ເຊິ່ງໄດ້ຈັດຕັ້ງຜັນຂະຫຍາຍຄໍາສັ່ງແນະນໍາອົບຮົມ - ຫັດແອບ ປະຈໍາປີ 2024 ຂອງກົມອົບຮົມ ກົມໃຫຍ່ເສນາທິການກອງທັບວາງອອກໃຫ້ກາຍເປັນຮູບປະທໍາ, ນໍາເອົາເນື້ອໃນຈິດໃຈ ຂອງຄໍາສັ່ງເຂົ້າສູ່ການປະຕິບັດຕົວຈິງ ຢູ່ແຕ່ລະກົມກອງ ສາມາດຕີລາຄາຜົນໄດ້ຮັບ ໃນການອົບຮົມ - ຫັດແອບ ຈໍານວນ 27 ຫົວໜ່ວຍກົມກອງ, ໂດຍໄດ້ກໍານົດເວລາອົບຮົມທັງໝົດ 180 ວັນ, ໃນນັ້ນ, ໄດ້ແບ່ງອອກເປັນ 2 ໄລຍະ; ໄລຍະທີ 1 ເລີ່ມແຕ່ເດືອນກຸມພາ - ເດືອນມິຖຸນາ, ໄລຍະທີ 2 ເລີ່ມແຕ່ເດືອນກໍລະກົດ- ເດືອນພະຈິກ ໃນນັ້ນ, ອົບຮົມພາກການເມືອງຜົນໄດ້ຮັບສະເລ່ຍເທົ່າກັບ 93,03%, ອົບຮົມ - ຫັດແອບການທະຫານຜົນໄດ້ຮັບສະເລ່ຍເທົ່າກັບ 70,06%, ອົບຮົມ - ຫັດແອບພະລາທິການ ຮັບໃຊ້ສູ້ຮົບຜົນໄດ້ຮັບສະເລ່ຍເທົ່າກັບ 71,81%, ອົບຮົມ - ຫັດແອບພາກເຕັກນິກ ຮັບໃຊ້ສູ້ຮົບຜົນໄດ້ຮັບສະເລ່ຍເທົ່າກັບ 70,11% ແລະ ຍັງໄດ້ອົບຮົມ - ຫັດແອບ ວິຊາສະເພາະບັນດາກົມກອງເຫຼົ່າຮົບຄື: ເຫຼົ່າຮົບປືນໃຫຍ່ໜ້າດິນ, ເຫຼົ່າຮົບປ້ອງກັນອາກາດ, ເຫຼົ່າຮົບລົດຕັ່ງ - ຍານເກາະ, ເຫຼົ່າຮົບສື່ສານ, ເຫຼົ່າຮົບຊ່າງແສງ, ເຫຼົ່າຮົບຕີພິເສດ, ເຫຼົ່າຮົບສືບຂ່າວ, ເຫຼົ່າຮົບເຄມີສາດ ແລະ ເຫຼົ່າຮົບເສນາຮັກ.
ໂດຍ: ຄໍາຮັກ ໄຊວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
