POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 24 ມັງກອນ 2025

ຄະນະພັກຮາກຖານ ກອງພັນ 411 ສຳເລັດກອງປະຊຸມໃຫຍ່ສະມາຊິກພັກ ຄັ້ງທີ VII
ເວລາອອກຂ່າວ: 2024-12-05 09:19:33 | ຜູ້ຂຽນ : admin1 | ຈຳນວນຄົນເຂົ້າຊົມ: 406 | ຄວາມນິຍົມ:

ໃນວັນທີ 29 ພະຈິກ 2024 ນີ້, ຄະນະພັກຮາກຖານກອງພັນ 411 ທະຫານແຂວງໄຊຍະບູລີ ໄດ້ສຳເລັດກອງປະຊຸມໃຫຍ່ສະມາຊິກພັກ ຄັ້ງທີ VII ໂດຍການເປັນປະທານຂອງ ສະຫາຍ ພັນເອກ ບຸນພົບ ວິໄລສັກ ກໍາມະການຄະນະພັກກອງບັນຊາການ, ຫົວໜ້າຫ້ອງການເມືອງ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາ, ແຂກຮັບເຊີນ ພ້ອມດ້ວຍສະມາຊິກພັກສົມບູນ ແລະ ສຳຮອງພາຍໃນກົມກອງເຂົ້າຮ່ວມ. ສະຫາຍ ພັນໂທ ວິໄລວັນ ພິລະຈັນ ເລຂາຄະນະພັກຮາກຖານ, ຫົວໜ້າການທະຫານ ກອງ ພັນ 411 ທະຫານແຂວງໄຊຍະບູລີ ໄດ້ຜ່ານບົດລາຍງານການເມືອງທັງສອງພາກ ເຊິ່ງຕະຫຼອດໄລຍະ 5 ປີຜ່ານມາ ຄະນະພັກຮາກຖານ ກອງພັນ 411 ໄດ້ເອົາໃຈໃສ່ສຶກສາອົບ ຮົມການເມືອງ-ນຳພາແນວຄິດ ດ້ວຍການເຜີຍແຜ່ເຊື່ອມຊຶມເອກະສານການເມືອງໃຫ້ຮັບຮູ້ເຂົ້າໃຈ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ ໂດຍສະເພາະຫຼັກການກໍ່ສ້າງພັກແມ່ນໄດ້ເອົາໃຈໃສ່ປະ ຕິບັດຕາມ 5 ຫຼັກການ 3 ທິດນຳຂອງພັກຢ່າງຕັ້ງໜ້າ, ຖືເອົາການດຳເນີນຊີວິດການເມືອງພາຍໃນໜ່ວຍພັກເປັນການກວດກາ, ຕີລາຄາຄືນຄວາມຮັບຜິດຊອບທາງດ້ານການເມືອງ, ແບບແຜນການນຳພາ ແລະ ວິທີເຮັດວຽກຂອງຄະນະໜ່ວຍພັກ ເພື່ອເສີມຂະຫຍາຍດ້ານດີທີ່ຕັ້ງໜ້າ, ແກ້ໄຂດ້ານອ່ອນຄົງຄ້າງ ແລະ ປະ ກົດການຫຍໍ້ທໍ້ຕ່າງໆ. ພ້ອມກັນ ນີ້ ໄດ້ເອົາໃຈໃສ່ປັບປຸງກໍ່ສ້າງ ສະມາຊິກພັກໃຫ້ມີຄວາມເຂັ້ມ ແຂງໜັກແໜ້ນໄປພ້ອມກັບການກໍ່ສ້າງພັກ-ພະນັກງານທັງ 3 ຮຸ່ນຢ່າງຕໍ່ເນື່ອງ ເພື່ອສືບທອດປ່ຽນແທນ, ຄະນະພັກຮາກຖານກອງພັນ 411 ປະກອບມີ 5 ໜ່ວຍພັກຂຶ້ນກັບ, ມີສະມາຊິກພັກ 110 ສະຫາຍ. ດ້ານວຽກງານ ແກ້ໄຂຊີວິດການເປັນຢູ່ ໂດຍປະ ຕິບັດຕາມທິດນຳ 4 ປູກ 4 ລ້ຽງ ຂອງກົມໃຫຍ່ພະລາທິການວາງ ອອກ ໃນນີ້, ໄດ້ນຳພາ-ຊີ້ນຳພະ ນັກງານ-ນັກຮົບເອົາໃຈໃສ່ປູກ ຝັງ-ລ້ຽງສັດ ເພື່ອຮັບປະກັນໃນການສ້າງພະລາທິການກັບທີ່ ເຮັດໃຫ້ກຳລັງ ກໍຄືກົມກອງມີຊີວິດການເປັນຢູ່ທີ່ດີຂຶ້ນ ເປັນຕົ້ນແມ່ນ ປູກມັນຕົ້ນເນື້ອທ່ີ 4 ເຮັກຕາ ສາມາດເກັບກູ້ຜົນຜະລິດຄິດເປັນເງິນ 168.567.000 ກີບ, ປູກພືດຜັກ-ພືດລົ້ມລຸກປ້ອນເຂົ້າເຮືອນຄົວລວມໄດ້ 19.360 ກິໂລກຣາມ ແລະ ປູກໄມ້ປະດັບ-ໄມ້ໃຫ້ໝາກຈຳນວນ 185 ຕົ້ນ, ລ້ຽງງົວ 30 ໂຕ, ລ້ຽງແບ້ 45 ໂຕ, ລ້ຽງໝູ 8 ໂຕ, ລ້ຽງສັດປີກ 3.540 ໂຕ ແລະ ລ້ຽງປາ ຈຳນວນ 4.000 ໂຕ. ກອງປະ ຊຸມຍັງໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ໄດ້ຕາມຄາດໝາຍ. ໂອກາດນີ້, ສະຫາຍ ພັນເອກ ບຸນພົບ ວິໄລສັກ ໄດ້ເນັ້ນໜັກໃຫ້ຄະນະພັກຊຸດໃໝ່ຈົ່ງສືບຕໍ່ປະ ຕິບັດໜ້າທີ່ການເມືອງຂອງຕົນທີ່ໄດ້ຮັບການມອບໝາຍໃຫ້ສຳ ເລັດຜົນ, ນຳພາ-ຊີ້ນຳໜ່ວຍພັກ, ສະມາຊິກພັກພາຍໃນກົມກອງປະຕິບັດໜ້າທີ່ວິຊາສະເພາະຂອງຕົນໃຫ້ດີ ແລະ ມີຜົນສຳເລັດ, ເຮັດວຽກມີແບບແຜນ, ລວມສູນປະຊາທິປະໄຕ, ເປັນໝູ່ຄະນະແບ່ງຄວາມຮັບຜິດຊອບໃຫ້ບຸກຄົນ, ເອົາໃຈໃສ່ສຶກສາອົບຮົມ ການເມືອງນຳພາ-ແນວຄິດໃຫ້ພະນັກງານ-ນັກຮົບໃນກົມກອງໃຫ້ເປັນປົກກະຕິ, ເຕົ້າໂຮມຄວາມສາມັກຄີພາຍໃນໃຫ້ໜັກແໜ້ນ, ພາຍນອກໃຫ້ກວ້າງຂວາງ ຄຽງ ຄູ່ກັນນັ້ນ, ກໍຕ້ອງສ້າງພະລາທິ ການກັບທີ່ຕາມທິດນຳ 4 ປູກ 4 ລ້ຽງ ເພື່ອສ້າງກົມກອງເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

news to day and hot news