POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 24 ມັງກອນ 2025

ກອງພັນ 302 ສຸມໃສ່ວຽກງານ 4 ປູກ 4 ລ້ຽງ ເພື່ອຮັບປະກັນຊີວິດການເປັນຢູ່ຂອງພະນັກງານ-ນັກຮົບ
ເວລາອອກຂ່າວ: 2024-12-05 09:24:58 | ຜູ້ຂຽນ : admin1 | ຈຳນວນຄົນເຂົ້າຊົມ: 490 | ຄວາມນິຍົມ:

ວຽກງານພະລາທິການແມ່ນວຽກງານໜຶ່ງທີ່ສຳຄັນ ໃນການຄຸ້ມຄອງ-ລ້ຽງດູທັບ ເພື່ອຮັບ ປະ ກັນເຮັດໃຫ້ຊີວິດການເປັນຢູ່ຂອງພະນັກງານ-ນັກຮົບ ໄດ້ກິນອີ່ມນຸ່ງອຸ່ນ, ມີສຸຂະພາບແຂງແຮງ ກຽມພ້ອມປະຕິບັດໜ້າທີ່ ຕາມການມອບໝາຍຂອງຂັ້ນເທິງ. ໃນນີ້, ເວົ້າສະເພາະຢູ່ກອງພັນ 302 ໂຮງຮຽນ 307, ເຊິ່ງຍາມໃດຄະນະພັກ-ຄະນະບັນຊາ ກໍໄດ້ເອົາໃຈໃສ່ປະຕິບັດທິດນຳ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ທີ່ກົມໃຫຍ່ພະລາທິການກອງທັບວາງອອກ ເພື່ອສູ້ຊົນປະ ຕິບັດບັນດາຕົວເລກຄາດໝາຍແຕ່ລະດ້ານ ໃຫ້ມີຜົນສຳເລັດ ທັງຮັບປະກັນແກ້ໄຂຊີວິດການເປັນຢູ່ຂອງພະນັກງານ-ນັກຮົບໃນກົມກອງ ໃຫ້ດີຂຶ້ນເປັນກ້າວໆ. ສະຫາຍ ພັນຕີ ບຸນແທ່ງ ບຸດດາຮາວ ຮອງຮັບຜິດຊອບວຽກງານພະລາທິການ ກອງພັນ 302 ໃຫ້ຮູ້ວ່າ: ໂດຍປະຕິບັດຕາມທິດນຳເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງນັ້ນ, ໃນຜ່ານມາ ກໍຄື ປັດຈຸບັນ ຄະນະພັກ-ຄະນະບັນຊາພວກເຮົາ ໄດ້ເອົາໃຈໃສ່ຊີ້ນຳພະນັກງານ-ນັກຮົບພາຍໃນກົມກອງສ້າງພະລາທິການກັບທີ່ ຕາມທິດນຳ 4 ປູກ 4 ລ້ຽງ ທີ່ກົມໃຫຍ່ພະລາທິການກອງທັບວາງອອກ ໃນນີ້, ຄະນະພັກ-ຄະນະບັນຊາ ໄດ້ເອົາໃຈໃສ່ສຶກສາ ອົບຮົມການເມືອງ-ນຳພາແນວຄິດ ເຮັດໃຫ້ພະນັກງານ-ນັກຮົບ ເຫັນໄດ້ເຖິງຄວາມໝາຍຄວາມສຳຄັນຂອງວຽກງານດັ່ງກ່າວ ແລະ ພ້ອມກັນຈັດຕັ້ງຜັນຂະ ຫຍາຍເຂົ້າໃນຊີວິດປະຈຳວັນ ດ້ວຍຄວາມຮັບຜິດຊອບສູງ, ສະແດງອອກໃນໜຶ່ງປີຜ່ານມາ ກົມກອງສາມາດປູກຜັກຕາມລະດູການເກັບກູ້ໄດ້ 12.000 ກິໂລກຣາມ, ລ້ຽງງົວ 7 ໂຕ, ລ້ຽງໝູ 13 ໂຕ, ລ້ຽງກົບ, ປາ, ໄກ່ ແລະ ເປັດ ອີກຈຳນວນຫຼາຍ, ສາມາດຕອບສະໜອງດ້ານຊີ້ນ-ປາ ແລະ ພືດຜັກຕ່າງໆ ໄດ້ 75% ຂຶ້ນໄປ, ໂດຍສະເພາະຊີ້ນໝູ ຮັບປະກັນໄດ້ 100%. ຜ່ານການເພີ່ມພູມຜະລິດຜົນ ປູກຝັງ-ລ້ຽງສັດ ສາມາດສ້າງລາຍຮັບໄດ້ເກືອບ 300 ລ້ານກີບ. ສະຫາຍ ຍັງໃຫ້ຮູ້ຕື່ມອີກວ່າ: ສຳລັບແຜນການໃນຕໍ່ໜ້າ ຄະນະພັກ-ຄະນະບັນຊາພວກເຮົາ ຈະສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈວຽກງານ 4 ປູກ 4 ລ້ຽງ, ເຊີດຊູນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ສຸມໃສ່ຂຸດຄົ້ນທ່າແຮງບົ່ມຊ້ອນທີ່ມີພາຍໃນກົມກອງ ເພື່ອທຳການຜະລິດໃຫ້ໄດ້ຫຼາຍກວ່າເກົ່າ, ເອົາໃຈໃສ່ຕໍ່ວຽກງານຜະລິດແກ້ໄຂ້ຊີວິດການເປັນຢູ່ພາຍໃນກົມກອງ ດ້ວຍການປຸກລະດົມຊຸກຍູ້ບັນດາພະແນກ, ຂະແໜງ ແລະ ອົງການຈັດຕັ້ງມະຫາຊົນ ປູກພືດຜັກຕາມລະດູການ ແລະ ລ້ຽງສັດປະເພດຕ່າງໆ ຕາມເງື່ອນໄຂຕົວຈິງ ເພື່ອສະໜອງຊີ້ນ-ປາ ເຂົ້າເຮືອນຄົວລວມ ໃຫ້ບັນລຸຕາມຄາດໝາຍ ແລະ ຂາຍແກ້ໄຂຊີວິດການເປັນຢູ່ຂອງພະນັກງານ-ນັກຮົບພາຍໃນໂຮງຮຽນ, ສືບຕໍ່ປັບປຸງກໍ່ສ້າງສະຖານທີ່ຄ້າຍຄູ ໃຫ້ແໜ້ນໜາຖາວອນ ເພື່ອຮັບປະກັນໃຫ້ກົມກອງເຮັດສຳເລັດໜ້າທີ່ ຕາມການມອບໝາຍຂອງຂັ້ນເທິງ.

news to day and hot news