ວັນສຸກ, ວັນທີ 24 ມັງກອນ 2025
ໜ່ວຍພັກກອງຮ້ອຍ 21 ທະຫານແຂວງຜົ້ງສາລີ ມອບ-ຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023
ເວລາອອກຂ່າວ: 2024-12-06 09:20:06 | ຜູ້ຂຽນ : admin1 | ຈຳນວນຄົນເຂົ້າຊົມ: 697 | ຄວາມນິຍົມ: 
ທ້າຍເດືອນ ພະຈິກ 2024 ນີ້, ກອງຮ້ອຍ 21 ທະຫານແຂວງຜົ້ງສາລີ ໄດ້ຈັດຕັ້ງພິທີມອບ-ຮັບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2023, ໂດຍການເປັນປະທານຂອງ ສະຫາຍ ພັນເອກ ສົມຈັນ ລອດສຸລີ ຫົວໜ້າຫ້ອງການເມືອງ ກອງບັນຊາການທະຫານແຂວງຜົ້ງສາລີ, ມີສະຫາຍ ພັນໂທ ບຸນໄຊ ສຸລິຄອນ ເລຂາໜ່ວຍພັກ, ຫົວໜ້າການເມືອງກອງຮ້ອຍ 21, ມີຄະນະພັກ-ຄະນະບັນຊາກົມກອງ, ຄະນະໜ່ວຍພັກ, ແຂກຖືກເຊີນ ແລະ ສະມາຊິກພັກສົມ ບູນ-ສຳຮອງ ເຂົ້າຮ່ວມ.
ສະຫາຍ ພັນໂທ ບຸນໄຊ ສຸລິຄອນ ເລຂາໜ່ວຍພັກ ຫົວໜ້າການເມືອງກອງຮ້ອຍ 21 ໄດ້ຜ່ານບົດສະຫຼຸບ ແລະ ທິດທາງແຜນການ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃນໄລຍະ 1 ປີຜ່ານມາ, ໜ່ວຍພັກກອງຮ້ອຍ 21 ພະນັກງານສະມາຊິກພັກ, ນັກຮົບ ໄດ້ປະຕິບັດໜ້າທີ່ວິຊາສະເພາະໃນຂອບເຂດຄວາມຮັບຜິດຊອບຂອງຕົນໃນແຕ່ລະໄລຍະ, ເສີມຂະຫຍາຍສິດເປັນເຈົ້າທາງດ້ານສະຕິປັນ ຍາ, ຫົວຄິດປະດິດສ້າງຂອງພະ ນັກງານ-ສະມາຊິກພັກ, ມີຄວາມຫ້າວຫັນ, ດຸໝັ່ນຂະຍັນພຽນ ແລະ ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບມອບໝາຍມີຜົນສຳເລັດເປັນກ້າວໆ, ປະຕິບັດຕາມ 5 ຫຼັກ ການ 3 ທິດນຳຂອງພັກ, ປະຕິບັດຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະ, ແບ່ງບຸກຄົນຮັບຜິດຊອບຢ່າງຈະແຈ້ງ, ນຳພາປັບປຸງອົງການຈັດຕັ້ງພັກ, ອົງການຈັດຕັ້ງມະຫາຊົນຂອງກົມກອງ ເຄື່ອນໄຫວຕາມພາລະບົດບາດ, ສິດ, ໜ້າທີ່, ພ້ອມກັບການເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ເຮັດໃຫ້ຂອບເຂດຄວາມຮັບຜິດຊອບມີຄວາມສະຫງົບປອດໄພ. ພ້ອມນັ້ນ ສະຫາຍ ພັນຕີ ບຸນຮຽງ ໄຊປະເສີດ ຄະນະໜ່ວຍພັກ ຮອງຫົວໜ້າການເມືອງກອງຮ້ອຍ 21 ໄດ້ຜ່ານມະຕິຕົກລົງຂອງຄະນະປະຈຳພັກແຂວງຜົ້ງສາລີ ວ່າດ້ວຍການອະນຸມັດມອບໃບຢັ້ງຢືນ ໃຫ້ໜ່ວຍພັກ ກອງຮ້ອຍ 21 ເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023 ໂດຍການຂຶ້ມອບຂອງ ສະຫາຍ ພັນເອກ ສົມຈັນ ລອດສຸລີ ຫົວໜ້າຫ້ອງການເມືອງ ກອງບັນຊາການທະຫານແຂວງຜົ້ງສາລີຢ່າງສົມກຽດ.
ໂດຍ: ທອງສຸກ ຈັນຖະໜອມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
