ວັນອັງຄານ, ວັນທີ 11 ກຸມພາ 2025
ກອງວາລະສານປ້ອງກັນຊາດ ສະຫຼຸບວຽກງານຮອບດ້ານ ປະຈຳປີ 2024
ເວລາອອກຂ່າວ: 2025-01-17 09:09:05 | ຜູ້ຂຽນ : admin1 | ຈຳນວນຄົນເຂົ້າຊົມ: 636 | ຄວາມນິຍົມ: 
ວັນທີ 15 ມັງກອນ 2025 ນີ້, ກອງວາລະສານປ້ອງກັນຊາດ ໄດ້ສະຫຼຸບວຽກງານຮອບດ້ານ ປະຈຳ ປີ 2024 ແລະ ວາງທິດທາງແຜນການປະຈຳປີ 2025, ໂດຍການເປັນປະທານຂອງ ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ພ້ອມດ້ວຍພະນັກງານ-ນັກຮົບ ທົ່ວກອງວາລະສານປ້ອງກັນຊາດ ເຂົ້າຮ່ວມ.
ສະຫາຍ ພັນໂທ ບຸນໄມ ແສງອາລຸນ ຫົວໜ້າບັນນາທິການກອງວາລະສານປ້ອງກັນຊາດ ໄດ້ສະຫຼຸບການນຳພາ-ຊີ້ນຳຂອງຄະນະພັກ-ຄະນະບັນຊາ ໃນປີ
ຜ່ານມາ ຄະນະພັກ-ຄະນະບັນຊາ ໄດ້ເອົາໃຈໃສ່ ສຶກສາອົບຮົມພະ ນັກງານ-ນັກຮົບ ຢ່າງຕໍ່ເນື່ອງ ແລະ ດ້ວຍຫຼາຍຮູບການ, ຫຼາຍເນື້ອໃນເປັນຕົ້ນແມ່ນຈັດຕັ້ງ ເຜີຍແຜ່ເຊື່ອມຊຶມມະຕິ, ຄຳສັ່ງ, ເອກະສານຕ່າງໆຂອງພັກ-ລັດ, ຟັງປາຖະ ກະຖາວັນປະຫວັດສາດທີ່ສຳຄັນຂອງຊາດ ແລະ ຂອງເພື່ອນມິດສາກົນທີ່ຂັ້ນເທິງຈັດຂຶ້ນ, ສ່ວນວຽກງານວິຊາສະເພາະ ໄດ້ຈັດພິມວາລະສານສະບັບລາຍເດືອນໃນຈຳນວນ 3.200 ຫົວ, ຂຽນບົດ, ກວດແກ້ບົດລົງວາລະສານ 54 ບົດ, ຈຳໜ່າຍໂປດສະເຕີ ຄະນະບໍລິ ຫານງານສູນກາງພັກ ສະໄໝທີ XI ມີ 114 ໃບ, ຮູບພາບກົມການ ເມືອງສູນກາງພັກ 4 ຊຸດ, ພິມໃບ ຂ່າວພາບຄະນະພັກກະຊວງປ້ອງ ກັນປະເທດ ສະໄໝທີ V 30 ໃບ, ລົງເກັບກຳຖ່າຍພາບບັນດາກອງປະຊຸມໃຫຍ່, ປາຖາກະຖາ 32 ຄັ້ງ, ຮັບບົດຈາກຕານ່າງຂ່າວເພື່ອນຮ່ວມງານ 134 ບົດ, ຈຳໜ່າຍວາລະສານປ້ອງກັນຊາດໃຫ້ບັນດາອົງການ, ກົມກອງ, ທ້ອງຖິ່ນ ແລະ ເພື່ອນຮ່ວມງານ 3.258 ສະບັບ, ຮັບ ແລະ ຈຳໜ່າຍໜັງສືພິມກອງທັບ,ໜັງສືພິມປ້ອງກັນຄວາມສະຫງົບ ແລະ ໜັງສືພິມປະຊາຊົນ 3.840 ສະ
ບັບ, ຮັບ ແລະ ຈຳໜ່າຍວາລະສານຈຳປາ, ໜັງສືພິມປ້ອງກັນຄວາມສະຫງົບ,ອາລຸນໃໜ່, ກໍ່ສ້າງພັກ, ກະສິກຳປ່າໄມ້, ປ້ອງກັນຊາດທົ່ວປວງຊົນຫວຽດນາມ, ໂຄສະນາສູນກາງພັກ, ປະຫວັດ-ການທະຫານ 852 ສະບັບ ເເລະ ຈຳໜ່າຍຂ່າວຄົ້ນຄວ້າໃຫ້ການນຳ 683 ສະບັບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
