
ຄະນະພັກຮາກຖານ ຫ້ອງເຕັກນິກ ດຳເນີນກອງປະຊຸມໃຫຍ່ສະມາຊິກພັກ ຄັ້ງທີ II
ເວລາອອກຂ່າວ: 2025-01-22 09:22:48 | ຜູ້ຂຽນ : admin1 | ຈຳນວນຄົນເຂົ້າຊົມ: 344 | ຄວາມນິຍົມ:
ກອງປະຊຸມໃຫຍ່ສະມາຊິກພັກ ຄັ້ງທີ II ຂອງຄະນະພັກຮາກຖານຫ້ອງເຕັກນິກ ກອງບັນຊາການທະຫານແຂວງຊຽງຂວາງ ໄດ້ຈັດຂຶ້ນ ໃນວັນທີ 16 ມັງກອນ 2025 ນີ້, ໂດຍການເປັນປະທານ ຂອງ ສະຫາຍ ພັນເອກ ບຸນຊູ
ໄຊລາສີ ຄະນະປະຈຳພັກແຂວງ, ຮອງເລຂາພັກ, ຫົວໜ້າການທະຫານ ກອງບັນຊາການທະຫານແຂວງ, ມີຄະນະພັກ-ຄະນະບັນຊາ ອົງການ 4 ຫ້ອງ ກອງບັນຊາການ, ຫ້ອງການ ປກຊ-ປກສ ແຂວງ, ແຂກຖືກເຊີນ ພ້ອມດ້ວຍພະນັກງານສະມາຊິກພັກສົມບູນທົ່ວຫ້ອງເຕັກນິກ ເຂົ້າຮ່ວມ.
ສະຫາຍ ພັນໂທ ບຸນຊູ ແສນສະຖິດ ຄະນະພັກກອງບັນຊາການ, ເລຂາຄະນະພັກຮາກຖານ, ຫົວໜ້າຫ້ອງເຕັກນິກ ໄດ້ຜ່ານບົດລາຍງານການເມືອງທັງສອງພາກ ໃນໄລຍະ 5 ປີຜ່ານມາ ຄະນະພັກຮາກຖານຫ້ອງເຕັກນິກ ໄດ້ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ຕິດພັນກັບການສ້າງພັກຕາມ 5 ຫຼັກການ 3 ທິດນຳ, ເຮັດໃຫ້ສະມາຊິກພັກມີແນວຄິດການເມືອງໜັກແໜ້ນ ເຂັ້ມແຂງທາງດ້ານການຈັດຕັ້ງ ແລະ ມີແບບແຜນວິທີເຮັດວຽກ, ເປັນເສນາທິການໃຫ້ແກ່ຄະນະພັກກອງບັນຊາການ, ເຮັດວຽກງານຮັບປະກັນທາງດ້ານວັດຖຸເຕັກນິກ, ໄດ້ສ້ອມແປງລົດ 174 ຄັ້ງ, ມີ 1 ໜ່ວຍພັກ ໄດ້ຮັບໃບຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 1 ສະໄໝ, ຂະຫຍາຍສະມາຊິກພັກໄດ້ 16 ສະຫາຍ, ນຳສົ່ງພະນັກງານໄປຮຽນທັງພາຍໃນ ແລະ ຕ່າງປະເທດ 63 ສະຫາຍ, ໄດ້ຮັບການເລື່ອນຊັ້ນ 83 ສະຫາຍ, ໄດ້ຮັບນາມມະຍົດເປັນໜ່ວຍຊາວໜຸ່ມ 4 ບຸກ 3 ສະໄໝ, ແມ່ຍິງ 3 ດີ 3 ສະໄໝ, ໄດ້ຮັບການຍ້ອງຍໍປະເພດຕ່າງໆ 29 ສະຫາຍ, ລ້ຽງງົວ 12 ໂຕ, ສາມາດສ້າງລາຍຮັບໄດ້ 198 ລ້ານກວ່າກີບ. ຈາກນັ້ນ, ກອງປະຊຸມ ກໍໄດ້ປ່ອນບັດຄັດເລືອກເອົາຄະນະພັກຊຸດໃໝ່ ເຊິ່ງເລືອກໄດ້ ສະຫາຍ ພັນໂທ ບຸນອັ້ນ ພອນຄຳເພັດ ເປັນເລຂາຄະນະພັກຮາກຖານ, ສະຫາຍ ພັນໂທ ວົງພອນ ກ່ອງພາວັນ ເປັນຮອງເລຂາ, ສະຫາຍ ພັນໂທ ສີໄພ ສີພັນທອງ, ສະຫາຍ ພັນໂທ ບຸນໂນ ໜູກ້ຽວບຸນທະວີ, ສະຫາຍ
ພັນໂທ ຕຸ້ຍ ເພັດຄຳດີ, ສະຫາຍ ພັນໂທ ຄຳຜາຍ ສີບຸນມາລາ ແລະ ສະຫາຍ ພັນໂທ ບຸນມີ ແສງວິໄລ ເປັນຄະນະ.
ໂດຍ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ