ວັນພະຫັດ, ວັນທີ 20 ມີນາ 2025
ກອງບັນຊາການທະຫານແຂວງວຽງຈັນ ມອບເງິນນະໂຍບາຍອຸດໜູນ
ເວລາອອກຂ່າວ: 2025-02-07 09:04:23 | ຜູ້ຂຽນ : admin1 | ຈຳນວນຄົນເຂົ້າຊົມ: 2958 | ຄວາມນິຍົມ: 
ໃນວັນທີ 30 ມັງກອນ 2025, ກອງບັນຊາການທະຫານແຂວງວຽງຈັນ ໄດ້ມອບເງິນນະໂຍບາຍອຸດໜູນໃຫ້ຄອບຄົວພະນັກງານ ທີ່ເສຍຊີວິດ, ໂດຍການເປັນປະທານຂອງ ສະຫາຍ ພັນໂທ ຫຸມພັນ ສີສົມພອນ ຮອງຫົວໜ້າຫ້ອງການເມືອງ ກອງບັນຊາການທະ ຫານແຂວງວຽງຈັນ, ມີຄະນະພັກ-ຄະນະບັນຊາ ພະແນກການທີ່ກ່ຽວຂ້ອງ ຕະຫຼອດຮອດຄອບຄົວພະນັກງານທີ່ເສຍຊີວິດເຂົ້າຮ່ວມ.
ການມອບເງິນນະໂຍບາຍອຸດໜູນເສຍຊີວິດໃນຄັ້ງນີ້ ມີ 9 ຄອບຄົວ ລວມເປັນເງິນທັງໝົດ 655.590.400 ກີບ, ໂດຍແມ່ນ ສະຫາຍ ພັນໂທ ຫຸມພັນ ສີສົມພອນ ເປັນຜູ້ກ່າວມອບ ແລະ ມີຄຳເຫັນໂອ້ລົມຕໍ່ຄອບຄົວ ພະນັກງານທີ່ເສຍຊີວິດໃຫ້ມີຄວາມເຂົ້າໃຈ ກ່ຽວກັບນະໂຍບາຍຂອງພັກ-ລັດຖະບານ ທີ່ມີຕໍ່ພະນັກງານ-ນັກຮົບ ບໍ່ວ່າຍາມມີຊີວິດ ຫຼື ເສຍຊີວິດ ກໍຈະໄດ້ຮັບການເອົາໃຈໃສ່ ແລະ ເບິ່ງແຍງ ຂອງພັກ-ລັດຕາມລະບຽບການ; ພ້ອມທັງຮຽກຮ້ອງໃຫ້ຄອບຄົວ ພະນັກງານທີ່ເສຍຊີວິດ ຈົ່ງນຳໃຊ້ເງິນນະໂຍບາຍດັ່ງກ່າວໃນທາງທີ່ຖືກຕ້ອງ ແລະ ເປັນກ້ອນທຶນໃນການສ້າງສາພັດທະນາຄອບຄົວໃຫ້ມີຊີວິດການເປັນຢູ່ໃຫ້ດີຂຶ້ນ.
ໂດຍ: ເລມ໋ອນ ສຸວັນນະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
