ວັນພະຫັດ, ວັນທີ 20 ມີນາ 2025
ວນກ ຈັດຕັ້ງພິທີ ເຄົາລົບທຸງປະຈຳເດືອນກຸມພາ 2025
ເວລາອອກຂ່າວ: 2025-02-07 09:05:52 | ຜູ້ຂຽນ : admin1 | ຈຳນວນຄົນເຂົ້າຊົມ: 2958 | ຄວາມນິຍົມ: 
ວັນທີ 3 ກຸມພາ 2025, ວິທະຍາຄານ ນາຍທະຫານບົກ ກົມມະດຳ (ວນກ) ໄດ້ຈັດຕັ້ງພິທີເຄົາລົບທຸງປະຈຳເດືອນກຸມພາ 2025, ໂດຍການເປັນປະທານຂອງ ສະຫາຍ ພັນເອກ ປະດິດ ສິນທຳ ຫົວໜ້າຫ້ອງອົບຮົມ-ກໍ່ ສ້າງ ວນກ, ມີຄະນະພັກ-ຄະນະອຳນວຍການ, ຄະນະຫ້ອງ, ຄະນະວິຊາຄູ, ພະແນກການ, ກອງພັນ, ພະນັກງານ-ນັກຮົບ ແລະ ນັກຮຽນນັກສຶກສາ ເຂົ້າຮ່ວມ.
ສະຫາຍ ພັນເອກ ປະດິດ ສິນທຳ ໄດ້ຜ່ານບົດລາຍງານການຈັດຕັ້ງປະຕິບັດເຄື່ອນໄຫວວຽກງານປະຈຳເດືອນມັງກອນຜ່ານມາ ແລະ ວາງທິດທາງແຜນການ ປະຈຳເດືອນກຸມພາ ເຊິ່ງໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງໃນການປະຕິບັດໜ້າທີ່ວຽກງານຕ່າງໆ ຂອງກົມກອງໃນໄລຍະຜ່ານມາ ເປັນຕົ້ນ ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບເປັນກົກ, ພ້ອມທັງນຳພາ-ຊີ້ນຳພະນັກງານ-ນັກຮົບ ເຮັດສຳເລັດໜ້າທີ່ລວມຂອງກົມກອງ ແລະ ຕັ້ງໜ້າສ້າງຂະບວນການດ້ານຕ່າງໆ ເພື່ອສ້າງຜົນງານນຳເອົາໄປປະ ດັບເອ້ຂ່ຳນັບຮັບຕ້ອນວັນສຳຄັນຕ່າງໆ ຂອງພັກ, ຂອງລັດ, ຂອງກອງທັບ ໃຫ້ເປັນຂະບວນຟົດຟື້ນຕໍ່ເນື່ອງ. ທັ້ງນີ້, ເພື່ອປະຕິບັດຕາມລະບອບເຄົາລົບທຸງປະຈຳເດືອນ ໃຫ້ມີຄວາມເຂັ້ມແຂງດ້ານລະບຽບວິໄນ ກໍຄືການປະຕິບັດ 7 ລະບອບ 18 ວຽກໃນມື້ໜຶ່ງຂອງກອງທັບ.
ໂດຍ: ລຸນທອງ ສີບຸນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
