POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ສຸມໃສ່ແກ້ໄຂບັນຫາການປະລະການຮຽນ ແລະ ພາວະຂາດແຄນຄູສອນຢູ່ເຂດຫ່າງໄກສອກຫຼີກ
ເວລາອອກຂ່າວ: 2025-02-14 09:03:05 | ຜູ້ຂຽນ : admin1 | ຈຳນວນຄົນເຂົ້າຊົມ: 4037 | ຄວາມນິຍົມ:

ວຽກງານການສຶກສາເປັນ ວຽກງານໃຈກາງໃນການພັດ ທະນາຊັບພະຍາກອນມະນຸດ ແລະ ສົ່ງເສີມໃຫ້ພົນລະເມືອງ ເຂົ້າເຖິງການສຶກສາທີ່ມີຄຸນນະພາບ, ສະເໝີພາບ ແລະ ເທົ່າທຽມກັນ ລະຫວ່າງ ຕົວເມືອງ ແລະ ຊົນນະບົດ, ແຕ່ຢ່າງໃດກໍຕາມ ເນື່ອງຈາກສະພາບຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາໄພທຳມະຊາດ ລວມທັງບັນດາປະກົດການຫຍໍ້ທໍ້ ແລະ ປັດໄຈດ້ານອື່ນໆ ທີ່ເກີດຂຶ້ນໃນປັດຈຸບັນ ໄດ້ສົ່ງຜົນກະທົບເຮັດໃຫ້ອັດຕາການປະລະການຮຽນຂອງນັກຮຽນ ແລະ ການຂາດແຄນຄູສອນ ໂດຍສະເພາະ ແມ່ນຢູ່ເຂດຫ່າງໄກສອກຫຼີກ ມີອັດຕາທີ່ສູງຂຶ້ນ. ຕໍ່ກັບບັນຫາດັ່ງກ່າວ, ພັກ-ລັດຖະບານ ໄດ້ຮີບຮ້ອນແກ້ໄຂ ໂດຍສຸມກຳລັງແຮງສ້າງທຸກເງື່ອນໄຂ ເພື່ອໃຫ້ທຸກຄົນໄດ້ເຂົ້າເຖິງການສຶກສາ, ເພື່ອເປັນການຜັນຂະຫຍາຍບັນດາມະຕິ, ຄຳສັ່ງ ຂອງຂັ້ນເທິງໃຫ້ເປັນຮູບປະທຳ ດັ່ງນັ້ນ, ກະຊວງປ້ອງກັນປະເທດສົມທົບກັບກະຊວງສຶກ ສາທິການ ແລະ ກິລາ ຈຶ່ງໄດ້ເປີດເຝິກອົບຮົມວິຊາຄູຊັ້ນປະຖົມສຶກສາໃຫ້ແກ່ພະນັກງານ-ນັກຮົບກຳ ລັງປ້ອງກັນຊາດ ເພື່ອໄປຊ່ວຍ ສິດສອນຢູ່ເຂດຊົນນະບົດ, ຫ່າງ ໄກສອກຫຼີກ ໃນລະຫວ່າງວັນທີ 7-14 ກຸມພາ 2025 ນີ້, ຢູ່ທີ່ວິທະຍາໄລຄູສະຫວັນນະເຂດ. ສະຫາຍ ພັນໂທ ຄຳພັນ ອິນລາວົງ ຫົວໜ້າພະແນກວັດຖຸ ກົມໂຮງຮຽນ ກົມໃຫຍ່ເສນາທິການກອງທັບ ໃຫ້ຮູ້ວ່າ: ໂດຍປະຕິບັດຕາມທິດຊີ້ນຳຂອງສອງກະຊວງ ຄື: ກະຊວງປ້ອງກັນປະເທດ ແລະ ກະຊວງສຶກສາທິການ ແລະ ກິລາ ໃນການຮ່ວມມືພັດທະນາວຽກງານການສຶກສາທົ່ວປະເທດ ກໍຄື ການແກ້ໄຂບັນຫາຄູອາສາສະໝັກ, ບັນຫາຄູສອນບໍ່ພຽງພໍໃນເຂດຊົນນະບົດ, ຫ່າງໄກສອກຫຼີກ ເຊິ່ງໄດ້ເລີ່ມຈັດຕັ້ງປະຕິບັດຢູ່ແຂວງສະຫວັນນະເຂດ, ກຳນົດເອົາເມືອງເຊໂປນເປັນເມືອງທຳອິດ ເພື່ອເປັນເມືອງຕົ້ນແບບໃນການຈັດຕັ້ງປະຕິບັດຢູ່ບັນດາແຂວງ ແລະ ເມືອງເປົ້າໝາຍຕ່າງໆ ໃນທົ່ວປະເທດ. ພາຍຫຼັງທີ່ໄດ້ລົງເກັບກຳຂໍ້ມູນສະຖິຕິຄູສອນ, ນັກຮຽນ ແລະ ໂຮງຮຽນຊັ້ນປະຖົມທີ່ຂາດແຄນຄູສອນ ພ້ອມທັງປຸກລະດົມຄູອາສາສະໝັກ ທີ່ສອນມາຫຼາຍປີໃຫ້ເຂົ້າເປັນທະຫານ ເພື່ອເຮັດໜ້າທີ່ໃນການສິດສອນປົກກະຕິ, ສ່ວນນະໂຍບາຍຕໍ່ຄູອາສາທີ່ເຂົ້າເປັນທະຫານແລ້ວນັ້ນ ແມ່ນຈະໄດ້ຮັບນະໂຍບາຍຕາມລະບຽບຫຼັກການຂອງກອງທັບ ເປັນຕົ້ນແມ່ນ ນະໂຍບາຍທຽບຊັ້ນ, ການ ເລື່ອນຊັ້ນ ແລະ ເລື່ອນຂັ້ນຕ່າງໆ. ການລະດົມຄັ້ງນີ້ບັນດາຄູອາສາສະໝັກແຕ່ລະຈຸດສຸມ ກໍມີຄວາມສະໝັກໃຈ ແລະ ດີໃຈ ຕໍ່ກັບແນວທາງນະໂຍບາຍຂອງພັກ-ລັດ ໃນການແກ້ໄຂບັນຫາຄູອາ ສາມາຫຼາຍປີ ພ້ອມທັງຍັງເປັນການແກ້ໄຂບັນຫາການປະລະການຮຽນຂອງນັກຮຽນໃນເຂດຊົນນະບົດ, ຫ່າງໄກສອກຫຼີກໃຫ້ຫຼຸດລົງເທື່ອລະກ້າວ. ສະຫາຍ ພັນໂທ ຄຳພັນ ອິນລາວົງ ຍັງໄດ້ກ່າວຕື່ມວ່າ: ປັດຈຸບັນນີ້, ກະຊວງປ້ອງກັນປະເທດໄດ້ສົມທົບກັບກະຊວງສຶກສາທິການ ແລະ ກິລາ ພວມດຳເນີນການອົບຮົມວິຊາຄູຊັ້ນປະ ຖົມສຶກສາໃຫ້ແກ່ພະນັກງານ-ນັກຮົບ ເພື່ອໄປຊ່ວຍສິດສອນຢູ່ເຂດຫ່າງໄກສອກຫຼີກ ຊຸດທີ 1, ຢູ່ທີ່ວິທະຍາໄລຄູສະຫວັນນະເຂດ, ໂດຍໄດ້ຄັດເລືອກເອົາ ພະນັກງານ-ນັກຮົບຜູ້ທີ່ມີເງື່ອນ ໄຂຈາກບັນດາກອງປະຕິບັດງານ, ກອງຮ້ອຍທະຫານຊາຍແດນທີ່ຂຶ້ນກັບກອງບັນຊາການທະຫານແຂວງພາກກາງ ແລະ ພາກໃຕ້ເຂົ້າຮ່ວມ. ຈຸດປະສົງ, ກໍເພື່ອແນໃສ່ຍົກລະດັບວິຊາຄູໃຫ້ນາຍ ແລະ ພົນທະຫານ ມີຄວາມຮູ້ຄວາມສາມາດ, ຊຳນິຊຳນານໃນການສິດສອນ, ທັງເປັນການຍົກສູງຄຸນນະພາບ, ຖືກຕ້ອງຕາມຫຼັກວິຊາຄູ, ແນໃສ່ເຮັດໃຫ້ແຕ່ລະສະຫາຍຮູ້ຫຼັກວິຊາຄູ, ຮູ້ສ້າງແຜນການ, ຮູ້ບາດກ້າວດຳເນີນການສອນ, ການສົ່ງຄວາມຮູ້, ການແຕ່ງບົດສອນ ແລະ ອື່ນໆ ທີ່ພົວພັນເຖິງການຮຽນ-ການສອນ ແລະ ຜູ້ທີ່ຖືກຊັບຊອນໄປເຮັດໜ້າທີ່ຊ່ວຍສອນນັ້ນ ຈະໄດ້ຮັບເງິນອຸດໜູນ 70% ຂອງເງິນ ເດືອນ ຈາກກະຊວງສຶກສາທິການ ແລະ ກິລາ. ບັນຫາການປະລະການຮຽນ ຂອງນັກຮຽນ ແລະ ການຂາດ ແຄນຄູສອນຢູ່ເຂດຫ່າງໄກສອກ ຫຼີກ ຖືເປັນບັນຫາສຳຄັນທີ່ຕ້ອງໄດ້ຮີບຮ້ອນແກ້ໄຂ ແລະ ການແກ້ໄຂບໍ່ແມ່ນໜ້າທີ່ຂອງໃຜຜູ້ ໃດຜູ້ໜຶ່ງ ແຕ່ແມ່ນໜ້າທີ່ລວມຂອງໝົດທຸກຄົນໃນຊາດ ທີ່ຈະຕ້ອງໄດ້ພ້ອມກັນຍົກສູງຄວາມຮັບຜິດຊອບຂອງຕົນ ທັງເປັນເຈົ້າການໃນການປຸກລະດົມລູກຫຼານໃນໄວຮຽນ ໃຫ້ເຫັນໄດ້ເຖິງຄວາມສຳຄັນຂອງການສຶກສາ ເພາະບັນຫາດັ່ງກ່າວນີ້ ຈະສົ່ງຜົນກະທົບໂດຍກົງຕໍ່ການພັດ ທະນາຊັບພະຍາກອນມະນຸດ, ພັດທະນາລະບົບການສຶກສາ ກໍຄື ການພັດທະນາປະເທດຊາດ ໃນອະນາຄົດ. ໂດຍ: ຈິດ ເພັດພູທອງ

news to day and hot news