ວັນພະຫັດ, ວັນທີ 20 ມີນາ 2025
ກອງພັນໃຫຍ່ 703 ມອບເງິນນະໂຍບາຍອຸດໜູນ
ເວລາອອກຂ່າວ: 2025-02-17 09:25:07 | ຜູ້ຂຽນ : admin1 | ຈຳນວນຄົນເຂົ້າຊົມ: 774 | ຄວາມນິຍົມ: 
ວັນທີ 12 ກຸມພາ 2025, ກອງພັນໃຫຍ່ 703 ໄດ້ມອບເງິນນະໂຍບາຍອຸດໜູນໃຫ້ພະນັກງານພັກການຮັບບຳນານ, ໂດຍການເປັນປະທານຂອງ ສະຫາຍ ພັນເອກ ເພັງຄຳສຸກ ຂຸນສັກດາ ຫົວໜ້າການເມືອງ ກອງພັນໃຫຍ່
703, ມີຄະນະພັກ-ຄະນະບັນຊາ ຕະຫຼອດຮອດ ພະນັກງານທີ່ກ່ຽວ ຂ້ອງ ແລະ ພະນັກງານພັກການຮັບບຳນານ ເຂົ້າຮ່ວມ.
ສະຫາຍ ພັນໂທ ຈັນທະພອນ ວັນນາຈິດ ຊ່ວຍວຽກຂະແໜງພະນັກງານ ກອງພັນໃຫຍ່ 703 ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານພັກການຮັບບຳນານ ຈຳນວນ 11 ສະຫາຍ ລວມ
ເປັນເງິນທັງໝົດ 287.826.000 ກີບ ໃຫ້ແກ່ພະນັກງານພັກການຮັບບຳນານ ເປັນເງິນກ້ອນໜຶ່ງ ເພື່ອ ເປັນການປະກອບສ່ວນເຂົ້າໃນການສ້າງເສດຖະກິດຄອບຄົວ.
ສະຫາຍ ພັນເອກ ເພັງຄຳສຸກ ຂຸນສັກດາ ໄດ້ສະແດງຄຳຍ້ອງຍໍຊົມເຊີຍຕໍ່ຜົນງານ ທີ່ພະນັກງານພັກການຮັບບຳນານ ໄດ້ປະກອບ ສ່ວນອຸທິດເຫື່ອແຮງ ແລະ ສຸມທຸກ ສະຕິປັນຍາ ເພື່ອເປັນການປະ ກອບສ່ວນເຂົ້າໃນພາລະກິດປະ
ຕິວັດ ແລະ ເຮັດໜ້າທີ່ອັນສຳຄັນຂອງປະເທດຊາດມອບໝາຍໃຫ້ດ້ວຍຄວາມມານະອົດທົນ, ພ້ອມທັງຮຽກຮ້ອງໃຫ້ ພະນັກງານທີ່ພັກການຮັບບຳນານ ຈົ່ງພ້ອມ
ກັນສືບຕໍ່ເຮັດໜ້າທີ່ສຶກສາອົບຮົມວຽກງານການເມືອງ-ນຳພາແນວຄິດໃຫ້ລູກຫຼານປະຊາຊົນຢູ່ຮາກຖານທ້ອງຖິ່ນໃຫ້ເຂົ້າໃຈຕໍ່ແນວທາງນະໂຍບາຍປ່ຽນແປງໃໝ່ຂອງພັກ, ປະກອບສ່ວນເຂົ້າໃນໜ້າທີ່ວຽກງານສ້າງສາເສດ ຖະກິດຄອບຄົວໃຫ້ເປັນຄອບຄົວທີ່ອຸດົມສົມບູນໃນສັງຄົມ ແລະ ເປັນປະໂຫຍດສູງສຸດ.
ໂດຍ: ກອງສີ ຈັນເມືອງຊຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
