POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ພັກຍາມໃດກໍໃກ້ຊິດຕິດແທດ ແລະ ໃຫ້ທິດຊີ້ນຳທຸກອົງການຈັດຕັ້ງ ຢ່າງສະເໝີພາບ
ເວລາອອກຂ່າວ: 2025-03-17 09:40:35 | ຜູ້ຂຽນ : admin1 | ຈຳນວນຄົນເຂົ້າຊົມ: 4033 | ຄວາມນິຍົມ:

ສະຫາຍ ພັນເອກ ນາງ ປາ ວົງສະແຫວງ ຮອງຫົວໜ້າຫ້ອງການສະຫະພັນແມ່ຍິງກອງທັບ ໄດ້ຕາງໜ້າໃຫ້ຄະນະຫ້ອງ ການສະຫະພັນແມ່ຍິງກອງທັບ ສະແດງທັດສະນະຕໍ່ພັກປະຊາ ຊົນປະຕິວັດລາວ ໃນໂອກາດວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ວ່າ: ຕະ ຫຼອດໄລຍະ 70 ປີຜ່ານມາ ນັບ ແຕ່ໄລຍະຕໍ່ສູ້ກູ້ຊາດຢ່າງລະອິດ ລະອ້ຽວ ຍ້ອນຄວາມສະຫຼາດ ສ່ອງໃສຂອງພັກ ຈຶ່ງສາມາດ ຍາດເອົາເອກະລາດມາໃຫ້ປະ ຊາຊົນລາວບັນດາເຜົ່າ, ໄດ້ກາຍ ເປັນເຈົ້າຂອງປະເທດຊາດຢ່າງແທ້ຈິງ, ພັກປະຊາຊົນປະຕິວັດລາວ ແມ່ນກອງນຳໜ້າທີ່ມີການ ຈັດຕັ້ງ, ແມ່ນການຈັດຕັ້ງການ ເມືອງສູງສຸດ ຂອງຊົນຊັ້ນກຳ ມະກອນ ແລະ ຂອງລະບອບປະຊາທິປະໄຕ ປະຊາຊົນລາວ, ເປັນຕົວແທນທີ່ຈົງຮັກພັກດີ ຢ່າງສະເໝີຕົ້ນສະເໝີປາຍ ຕໍ່ສິດ ແລະ ຜົນປະໂຫຍດຂອງຊົນຊັ້ນກຳມະກອນ, ຊາວຜູ້ອອກ ແຮງງານບັນດາເຜົ່າ, ພັກປະ ຊາຊົນປະຕິວັດລາວ ເປັນພັກກຳອຳນາດ, ເປັນແກນນຳໃນລະບົບການເມືອງ ຂອງລະບອບປະຊາທິປະໄຕປະຊາຊົນ, ຮັບ ປະກັນສິດເປັນເຈົ້າຂອງປະຊາ ຊົນ; ພັກເປັນຜູ້ນຳພາ ແລະ ວາງ ແນວທາງ, ແຜນນະໂຍບາຍ, ກຳນົດທິດທາງການຂະຫຍາຍ ຕົວຂອງປະເທດຊາດ ໃຫ້ສອດ ຄ່ອງກັບກົດເກນຂະຫຍາຍຕົວຂອງສັງຄົມ ຕອບສະໜອງຄວາມມຸ້ງມາດປາດຖະໜາອັນແຮງກ້າ ຂອງປະຊາຊົນບັນດາເຜົ່າ ແລະ ຮັບປະກັນຄວາມສາມັກຄີເປັນເອກະພາບທົ່ວປວງຊົນລາວທັງຊາດ, ຢຶດໝັ້ນລັດທິມາກ-ເລນິນ, ແນວຄິດ ໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ບົນພື້ນຖານແນວຄິດ, ທິດສະດີຂອງພັກ, ເປັນເຂັມຊີ້ທິດ ໃຫ້ແກ່ການຈັດຕັ້ງ ແລະ ການ ເຄື່ອນໄຫວວຽກງານຕົວຈິງໃຫ້ ມີຜົນສຳເລັດ, ພັກໄດ້ນຳພາ ປະຕິບັດພາລະກິດປົກປັກຮັກ ສາ ແລະ ສ້າງສາລະບອບໃໝ່ ຮຽກຮ້ອງໃຫ້ບັນດາອົງການຈັດ ຕັ້ງພັກຢູ່ແຕ່ລະຂົງເຂດ, ເອົາໃຈ ໃສ່ໃນການກໍ່ສ້າງອົງການຈັດຕັ້ງຂອງຕົນ ໃຫ້ມີຄວາມໜັກແໜ້ນ, ເຂັ້ມແຂງໃນທຸກດ້ານ, ມີຄວາມສາມັກຄີເປັນເອກະພາບຢ່າງໜັກແໜ້ນ ແນໃສ່ເຮັດໃຫ້ບົດບາດໃນການນຳພາຂອງພັກສູງເດັ່ນຂຶ້ນ, ເປັນເຈົ້າການປະດິດສ້າງໃນການໝູນໃຊ້ທິດສະດີບົດຮຽນດ້ານຕ່າງໆ ເຂົ້າກັບເງື່ອນໄຂຕົວຈິງ ແລະ ສະພາບຈຸດພິເສດຂອງປະເທດຊາດ, ມີການສະຫຼຸບຖອດຖອນບົດຮຽນ ຈາກພຶດຕິກຳ, ປັບປຸງບູລະນະແນວທາງໃຫ້ສອດຄ່ອງ ແລະ ຢຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍ, ມີຄວາມຈົ່ງຮັກພັກດີຕໍ່ອຸດົມການປະຕິວັດ ແລະ ເພື່ອຜົນປະໂຫຍດຂອງປະ ຊາຊົນລາວບັນດາເຜົ່າ, ພັກໄດ້ເຕົ້າໂຮມຄວາມສະມັກຄີເປັນປຶກແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳໜ້າ, ຮັກສາໄດ້ຄຸນທາດການເມືອງ ຄຸນສົມບັດສິນທຳປະຕິວັດ ແລະ ໄດ້ຮັບຄວາມເຊື່ອໝັ້ນຈາກປະຊາຊົນລາວບັນດາເຜົ່າ. ຕະຫຼອດ 70 ປີແຫ່ງການເຕີບໃຫຍ່ເຂັ້ມແຂງ, ໜັກແໜ້ນ ໃນອຸດົມການສັງຄົມນິຍົມ ໄດ້ນຳເອົາຜົນປະໂຫຍດອັນໃຫຍ່ຫຼວງມາໃຫ້ປະຊາຊົນບັນດາເຜົ່າ, ໃນທ່າມກາງບັນຍາກາດທີ່ມີຄວາມຫຍຸ້ງຍາກສັບສົນໃນພາກພື້ນ ແລະ ສາກົນ ນັບທັງສິ່ງເອື້ອຍອຳນວຍ ແລະ ສິ່ງທ້າທາຍຫຼາຍປະການ ດ້ວຍຈິດໃຈອັນສະຫຼາດສ່ອງໃສຂອງພັກ, ຮູ້ໝູນໃຊ້ທຸກກາລະໂອກາດ, ບົດຮຽນ, ຈຸດພິເສດຂອງປະເທດໃນສະພາບເງື່ອນໄຂຕົວຈິງ ໂດຍຢຶດໝັ້ນຕໍ່ອຸດົມການສັງຄົມນິຍົມ ປະຕິບັດຕາມແນວທາງປ່ຽນແປງໃໝ່ ຢ່າງມີຫຼັກການຂອງພັກ ນຳພາສ້າງສາ, ພັດທະນາປະເທດຊາດ ນັບມື້ມີຄວາມຈະເລີນຮຸ່ງເຮືອງ ແລະ ມີຜົນສຳເລັດເປັນກ້າວໆມາ. ພາຍໃຕ້ການນຳພາ-ຊີ້ນຳຂອງພັກ ຕະຫຼອດໄລຍະ 70 ຜ່ານມາ ໃນຖານະທີ່ເປັນອົງການຈັດຕັ້ງມະຫາຊົນຂອງພັກ ໄດ້ເອົາໃຈໃສ່ໂຄສະນາປຸກລະດົມຂົນຂວາຍສະມາຊິກສະຫະພັນແມ່ຍິງ ເຊື່ອມຊຶມກຳແໜ້ນແນວ ທາງແຜນນະໂຍບາຍຂອງພັກໃນແຕ່ລະໄລຍະ, ພັກຍາມໃດກໍໃກ້ສິດຕິດແທດ ແລະ ໃຫ້ທິດຊີ້ນຳ, ພັກໄດ້ເອົາໃຈໃສ່ປັບປຸງຕົນເອງ ໃຫ້ມີຄວາມໜັກແໜ້ນ, ເຂັ້ມແຂງທຸກດ້ານ ໂດຍສະເພາະດ້ານການເມືອງ-ແນວຄິດ, ການ ຈັດຕັ້ງ, ແບບແຜນວິທີນຳພາ, ໄດ້ສ້າງການຫັນປ່ຽນຢ່າງແຂງ ແຮງ, ເລິກເຊິ່ງຮອບດ້ານທົ່ວພັກໄດ້ພ້ອມກັນຍູ້ແຮງການກໍ່ສ້າງພັກໃຫ້ປອດໃສ ເຂັ້ມແຂງ ໜັກແໜ້ນ ໂດຍຖືເອົາຄຸນນະພາບເປັນບັນຫາຕົ້ນຕໍ. ເພື່ອເປັນການສ້າງຂະບວນ ການຂໍ່ານັບຮັບຕ້ອນວັນສຳຄັນ ດັ່ງກ່າວໃຫ້ມີເນື້ອໃນຄວາມ ໜາຍເລິກເຊິ່ງ, ເຕັ້ມໄປດ້ວຍ ບັນຍາກາດຟົດຟື້ນ ແລະ ກວ້າງ ຂວາງ, ຫ້ອງການສະຫະພັນແມ່ ຍິງກອງທັບ ໄດ້ສຸມໃສ່ສ້າງຂະ ບວນການດ້ານຕ່າງໆ ໃນນີ້, ຂະບວນການທີ່ພົ້ນເດັ່ນແມ່ນຫ້ອງການສະຫະພັນແມ່ຍິງກອງ ທັບ ຮ່ວມກັບຄອບຄົວການນຳ, ສະຫະພັນແມ່ຍິງສະພາແຫ່ງຊາດໄປຢ້ຽມຢາມມອບເຄື່ອງ ຊ່ວຍເຫຼືອໃຫ້ນາຍ ແລະ ພົນທະ ຫານ ຢູ່ກອງພັນໃຫຍ່ 497 ແລະ ໂຮງຮຽນປະຖົມສີບຸນເຮືອງ ເມືອງທຸລະຄົມ ແຂວງວຽງຈັນ, ຈັດຕັ້ງນຳພາສະມາ ຊິກແມ່ຍິງ ສ້າງຂະບວນການອອກແຮງງານຕັດຫຍ້າ-ອະນາ ໄມ, ປັບປຸງບູລະນະຄ້າຍຄູໃຫ້ສະອາດຈົບງາມ, ຈັດຕັ້ງນຳພາສະມາຊິກແມ່ຍິງ ເຂົ້າຊົມຫໍພິພິທະພັນປະຫວັດສາດກອງທັບ ແລະ ອະນຸສອນສະຖານ ຄຸກກັກຂັງທ່ານຜູ້ນຳ ແລະ ຫໍມູນເຊື້ອແມ່ຍິງລາວ, ຈັດງານຕະຫຼາດນັດເພື່ອວາງສະແດງສິນຄ້າກະສິກຳ-ຫັດຖະກຳ, ການປຸງແຕ່ງອາຫານພື້ນເມືອງຫຼາຍປະເພດ, ເຄື່ອງຈັກສານ ແລະ ເຄື່ອງໃຊ້ຕ່າງໆ ທີ່ຜະລິດຈາກສີໄມ້ລາຍມື້, ຄວາມສາມາດບົ່ມຊ້ອນ ແລະ ຄວາມດຸ ໝັ່ນຂະຫຍັນພຽນຂອງເອື້ອຍນ້ອງແມ່ຍິງໃນທົ່ວກອງທັບ ເພື່ອເປັນການຊຸກຍູ້ສົ່ງເສີມ, ສ້າງໂອກາດໃຫ້ເອື້ອຍນ້ອງແມ່ຍິງທົ່ວກອງທັບ ໄດ້ພົບປະແລກປ່ຽນສິນຄ້າ ເຊິ່ງກັນ ແລະ ກັນ ພ້ອມທັງເປັນການຮັດແໜ້ນຄວາມສາ ມັກຄີ ໃຫ້ເປັນປຶກແຜ່ນແໜ້ນໜາ ແລະ ສ້າງຂະບວນການກິລາ, ສິ ລະປະ-ວັນນະຄະດີ ຢ່າງເປັນຂະບວນຟົດຟື້ນ. ສະຫາຍ ພັນເອກ ນາງ ປາ ວົງສະແຫວງ ຍັງໄດ້ຕາງໜ້າໃຫ້ຄະນະຫ້ອງການສະຫະພັນແມ່ຍິງກອງທັບ ກ່າວອວຍພອນໄຊອັນປະເສີດມາຍັງການນຳພັກ-ລັດ, ການນຳກະຊວງປ້ອງກັນປະເທດ ຈົ່ງມີສຸຂະພາບແຂງແຮງ, ມີພາ ລະນາໄມສົມບູນ ເຮັດສຳເລັດໜ້າທີ່ວຽກງານອັນມີກຽດຂອງບັນດາທ່ານ ແລະ ສືບຕໍ່ຊີ້ນຳ-ນຳພາກຳລັງປະກອບອາວຸດ ກອງທັບປະຊາຊົນລາວ ໃຫ້ນັບມື້ເຕີບໃຫຍ່ໜັກແໜ້ນ ເຂັ້ມແຂງ ແລະ ກ້າວໜ້າຂຶ້ນຢ່າງບໍ່ຢຸດຢັ້ງ, ອວຍພອນໄຊອັນປະເສີດໃຫ້ບັນ ດາສະຫາຍສະມາຊິກພັກມີສຸຂະ ພາບເຂັ້ມແຂງ, ປະສົບຜົນສຳເລັດໃນໜ້າທີ່ການເມືອງທຸກປະການ ສືບຕໍ່ເປັນກຳລັງແຮງອັນໃຫຍ່ຫຼວງໃຫ້ແກ່ພັກປະຊາຊົນປະຕິວັດລາວຂອງພວກເຮົາ. ໂດຍ: ອາຫວຸ້ນ

news to day and hot news