POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ພຶດສະພາ 2025

ກອງບັນນາທິການ ໜັງສືພິມກອງທັບ ສະຫຼຸບວຽກງານຮອບດ້ານ ໄຕມາດທີ I ປີ 2025
ເວລາອອກຂ່າວ: 2025-04-24 09:41:25 | ຜູ້ຂຽນ : admin1 | ຈຳນວນຄົນເຂົ້າຊົມ: 771 | ຄວາມນິຍົມ:

ກອງບັນນາທິການ ໜັງສືພິມກອງທັບ ໄດ້ຈັດກອງປະຊຸມສະຫຼຸບວຽກງານຮອບດ້ານ ປະຈໍາໄຕມາດທີ I ປີ 2025 ແລະ ທິດທາງແຜນການວຽກງານປະຈໍາໄຕມາດທີ II ປີ 2025 ໃນວັນທີ 23 ເມສາ 2025 ນີ້, ໂດຍການເປັນປະທານ ຂອງສະຫາຍ ພັນເອກ ວັນເຮືອງ ສີວິໄລ ຫົວໜ້າບັນນາທິການ ໜັງສືພິມກອງທັບ, ມີຄະນະພັກ-ຄະນະບັນນາທິການ, ຫົວໜ້າ-ຮອງຫົວໜ້າພະແນກ ຕະຫຼອດຮອດພະນັກງານ-ນັກຮົບ ທົ່ວກອງບັນນາທິການໜັງສືພິມກອງທັບເຂົ້າຮ່ວມ. ສະຫາຍ ພັນໂທ ສຸພັນສາ ຄຳມີ ຫົວໜ້າພະແນກບໍລິຫານ ກອງບັນນາ ທິການໜັງສືພິມກອງທັບ ໄດ້ຜ່ານບົດສະຫຼຸບວຽກງານຮອບດ້ານໄຕມາດທີ I ໃນໄລຍະ 3 ເດືອນຜ່ານມາ ສາມາດເຮັດສຳເລັດວຽກງານຫຼາຍດ້ານ ເປັນຕົ້ນແມ່ນ ໄດ້ສຸມໃສ່ໂຄສະນາໃຫ້ແກ່ຂະບວນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກະຊວງ ປ້ອງກັນປະເທດ, ການ ເຄື່ອນໄຫວຂອງການນຳພັກ-ລັດ, ວັນສ້າງຕັ້ງພັກ ຄົບຮອບ 70 ປີ ແລະ ວັນປະຫວັດສາດສຳຄັນຂອງຊາດ, ຂອງພັກຕິດພັນກັບຂະບວນການປັບປຸງກໍ່ສ້າງກົມກອງ, ການເຝິກແອບຮ່ຳຮຽນກຽມພ້ອມສູ້ຮົບ, ການສ້າງພະລາທິການກັບທີ່, ການສ້າງເສດຖະກິດເອກະລາດເປັນຕົນເອງ ແລະ ການຫັນລົງກໍ່ສ້າງຮາກຖານການເມືອງພັດທະນາຊົນນະບົດ ເຊິ່ງໄດ້ຈັດຕັ້ງຈຸປະ ຈຳການເຮັດໜັງສືພິມໂດຍຜັດປ່ຽນໝູນວຽນກັນແຕ່ລະວັນລວມມີ 6 ຈຸ, ໃນໄຕມາດທີ I ປີ 2025 ນີ້ການຈໍາໜ່າຍໜັງສືພິມເຈ້ຍລາຍວັນເປັນປົກກະຕິທັງເຂດພາກເໜືືອ, ພາກກາງ ແລະ ພາກໃຕ້ໂດຍມອບໃຫ້ບໍລິສັດ ຂົນສົ່ງມີໄຊເປັນຜູ້ຮັບຜິດຊອບໃນການແຈກຢາຍ, ສຳລັບການຜະລິດໜັງສືພິມລາຍວັນ 63 ເທື່ອຈຳນວນ 36.540 ສະບັບ, ໄດ້ລົງເຄື່ອນໄຫວເກັບກຳຂ່າວ, ເຮັດວຽກວິຊາສະເພາະເປັນປົກກະຕິ, ໂດຍໄດ້ລົງຂ່າວ 1.560 ຂ່າວ, ຂ່າວຕ່າງປະເທດ, ຂ່າວວິທະຍາສາດ-ເຕັກນິກ, ຂ່າວການທະຫານ ແລະ ສິ່ງທີ່ຄວນຮູ້ຕ່າງໆ ໃນຄໍລຳຕ່າງໆ ຈຳນວນ 147 ຂ່າວ, ຂຽນບົດຕ່າງໆ 288 ບົດ, ກວດແກ້ຂ່າວໄດ້ 1.236 ຂ່າວ, ກວດແກ້ບົດໄດ້ 254 ບົດ, ຮູບພາບ 1.876 ຮູບ, ໄດ້ຈັດຕັ້ງການອັບເດດເວັບໄຊຫນັງສືພິມເອເລັກໂຕນິກພາສາລາວ ແລະ ພາສາອັງກິດໄດ້ 120 ຂ່າວ, ໃນໄຕມາດທີ I ປີ 2025 ນີ້ມີຜູ້ເຂົ້າເບິ່ງ 8.141.808 ກວ່າຄົນຈາກ 90 ກວ່າປະເທດໃນທົ່ວໂລກ ເຊິ່ງໄລຍະໄຕມາດ ທີ II ປີ 2025 ແມ່ນມີຜູ້ຕິດຕາມ ແລະ ເຂົ້າຊົມເພີ່ມຂຶ້ນ ນອກຈາກນັ້ນຍັງໄດ້ ສ້າງຄຣິບຂ່າວຕ່າງໆເພື່ອເປັນອີກຊ່ອງທາງໜຶ່ງໃນການນຳສະເໜີຂໍ້ມູນຂ່າວສານເພື່ອໃຫ້ເຂົ້າເຖິງຜູ້ຊົມ, ຜູ້ອ່ານ ແລະ ເໝາະສົມກັບສະພາບການໃນປັດຈຸບັນ, ໄດ້ເອົາໃຈໃສ່ໃນການປັບປຸງໜ້າແຟນເພດເຟດບຸກໃຫ້ມີຫຼາກຫຼາຍສີສັນເພື່ອດຶງດູດຜູ້ຊົມຜູ້ອ່ານ ແລະ ອັບເດດຂ່າວສານໃຫ້ວ່ອງໄວທັນຕໍ່ສະພາບການ ແລະ ຮັບປະກັນຄວາມຖືກຕ້ອງ, ໄດ້ຊີ້ນຳພະແນກຕາໜ່າງຂ່າວ ແລະ ເພື່ອນຮ່ວມງານແນະນຳບັນດາຕາໜ່າງຂ່າວເຄື່ອນ ໄຫວເກັບກຳຂໍ້ມູນຂ່າວສົ່ງໃຫ້ໜັງສືພິມກອງທັບ ພ້ອມທັງຮັບບົດ-ຂ່າວ ຈາກກົມກອງທ້ອງຖິ່ນທາງໂທລະສັບ, ອີເມວ ແລະ ວອດແອບ 874 ເທື່ອ, ໄດ້ເອົາໃຈໃສ່ຄຸ້ມຄອງວັດຖຸ, ພາຫະນະຮັບໃຊ້ວຽກງານ, ອຸປະກອນເຕັກນິກວິຊາ ສະເພາະ, ເງິນ ແລະ ນ້ຳມັນເຊື້ອໄຟ ໂດຍປະຕິບັດລະບອບສະຫຼຸບ ລາຍຮັບ-ລາຍຈ່າຍ ເສດຖະກິດເປີດເຜີຍໃຫ້ຄະນະພັກ-ຄະນະບັນນາທິການ ແລະ ມີການກວດກາໃນແຕ່ລະໄຕມາດ ເພື່ອຮັບປະກັນບໍ່ໃຫ້ມີການຕົກເຮ່ຍເສຍຫາຍ ແລະ ລະແວງສົງໄສເຊິ່ງກັນ ແລະ ກັນ. ສຳລັບທິດທາງແຜນການໃນໄຕມາດທີ II ປີ 2025 ຈະສືບຕໍ່ຜະລິດໜັງສືພິມລາຍວັນ ໃຫ້ເປັນປົກກະຕິ, ຮັບປະກັນທາງດ້ານເນື້ອໃນໃຫ້ອຸດົມສົມບູນ, ບໍ່ຜິດກັບແນວທາງນະໂຍບາຍຂອງພັກ, ໃຫ້ສົມກັບເປັນກະບອກສຽງຂອງກະຊວງປ້ອງກັນປະເທດ, ການສະເໜີຂ່າວ ແລະ ບົດ ມີຂໍ້ມູນອ້າງອີງລະອຽດຈະແຈ້ງ, ທັນເຫດການໂດຍເລັ່ງໃສ່ໂຄສະນາ ວັນປະຫວັດສາດສຳຄັນຕ່າງໆຂອງຊາດ, ບັນດາການເຄື່ອນໄຫວຂອງຜູ້ນຳ ພັກ-ລັດ, ການຜັນຂະຫຍາຍມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ກໍຄ ືກອງປະຊຸມໃຫຍ່ຄັ້ງທີ XI ຂອງພັກໃຫ້ທົ່ວເຖິງແຕ່ສູນກາງລົງຮອດທ້ອງຖິ່ນ, ຂະບວນການເຄື່ອນໄຫວປະຕິບັດໜ້າທີ່ວິຊາສະເພາະ, ການເພີ່ມພູນປູກຝັງ-ລ້ຽງສັດ, ເຮັດຫັດຖະກຳ, ຂະບວນການເຝິກແອບຮ່ຳຮຽນການເມືອງ-ການທະຫານ ແລະ ກຽມພ້ອມສູ້ຮົບ ຕາມມະຕິວ່າດ້ວຍ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ. ໂດຍ: ຈອນນີ້

news to day and hot news