POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ສາເຫດທີ່ພາໃຫ້ເກີດ ການຂາດແຄນຄູສອນ ຢູ່ເຂດຫ່າງໄກສອກຫຼີກ
ເວລາອອກຂ່າວ: 2025-05-08 09:21:16 | ຜູ້ຂຽນ : admin1 | ຈຳນວນຄົນເຂົ້າຊົມ: 3366 | ຄວາມນິຍົມ:

ໃນໄລຍະຜ່ານມາ, ຫຼາຍທ່ານອາດຈະເຄີຍໄດ້ເຫັນ ຫຼື ອ່ານຂ່າວ ກ່ຽວກັບການຂາດແຄນຄູສອນ, ຄູອາສາ ຢູ່ເຂດຫ່າງໄກສອກຫຼີກ ແລະ ການປະລະການຮຽນ ຂອງນັກຮຽນ. ຜ່ານການເຄື່ອນໄຫວຊຸກຍູ້, ເກັບກຳຂໍ້ມູນ, ສະຖິຕິຕົວເລກ ທັງຕິດຕາມກວດກາວຽກງານການສຶກສາໃນ 6 ແຂວງພາກເໜືອ ເຫັນວ່າ ຂົງເຂດການສຶກສານັ້ນ ແມ່ນໜ້າເປັນຫ່ວງຫຼາຍ ເປັນຕົ້ນແມ່ນຄຸນນະພາບການສຶກສາຍັງຕ່ຳ ໂດຍສະເພາະຢູ່ໃນເຂດຊົນນະບົດ ການປະລະການຮຽນຊັ້ນປະຖົມ, ແຕ່ສຳລັບ ເຂດໃນເມືອງ ແມ່ນປະລະການຮຽນຊັ້ນມັດທະຍົມ. ສຳລັບສາເຫດທີ່ພາໃຫ້ເກີດການຂາດແຄນຄູສອນ (ຢູ່ເຂດຫ່າງໄກສອກຫຼີກ), ການປະລະການຮຽນ ແລະ ຄຸນນະພາບການສຶກສາຕ່ຳອັນທີໜຶ່ງ ແມ່ນຍ້ອນສະ ຖານທີ່ທຸລະກັນດານ, ການໄປ-ມາບໍ່ສະດວກ ບັນຫານີ້ ເປັນປັດໄຈຫຼັກທີ່ຈູງໃຈເຮັດໃຫ້ພະນັກງານຄູ ບໍ່ຢາກໄປສອນຢູ່ໂຮງຮຽນ ແລະ ເຂດດັ່ງກ່າວ.ອັນທີ ສອງ ຍ້ອນບັນຫາເສດຖະກິດ ຄ່າຄອງຊີບທີ່ນັບມື້ແພງຂຶ້ນ ແຕ່ລາຍຮັບຍັງຄົງທີ່ ສະນັ້ນ, ຈຶ່ງເຮັດໃຫ້ມີແນວຄິດຄອນແຄນ, ຄູກໍບໍ່ຢາກມາສອນ, ນັກຮຽນກໍບໍ່ຢາກມາຮຽນ ແລະ ອັນທີສາມ ແມ່ນຍ້ອນການຈັດແບ່ງໂຄຕາບໍ່ສົມດຸນກັນ ຕົວຢ່າງ: ຢູ່ໃນເມືອງ ມີຄູຫຼາຍ, ຄູເຫຼືອ ຫ້ອງໜຶ່ງມີຄູສອນປະມານ 2-3 ຄົນ ແຕ່ກົງກັນຂ້າມ ຢູ່ເຂດຫ່າງໄກສອກຫຼີກ ຄູພັດບໍ່ພໍ ຕ້ອງໄດ້ສອນຫ້ອງຄວບ, ຖ້າສອນຫ້ອງຄວບແລ້ວ ຖືວ່າການຮັບປະກັນທາງດ້ານຄຸນນະພາບການສຶກສາ ແມ່ນບໍ່ໄດ້, ເອົານັກຮຽນຂຶ້ນຫ້ອງ ກໍຂຶ້ນໄປລ້າໆ. ເຖິງຢ່າງໃດກໍຕາມ, ຕໍ່ບັນຫາດັ່ງກ່າວ ລັດຖະບານ ໄດ້ເອົາໃຈໃສ່ຮີບຮ້ອນແກ້ໄຂແບບລົງເລິກເຖິງຖອງ ໂດຍໄດ້ອອກມະຕິຄຳສັ່ງ ເລກທີ 09/ລບ ວ່າດ້ວຍ ນະໂຍບາຍ ແລະ ມາດຕະການແກ້ໄຂການຂາດແຄນຄູສອນ, ການປະລະການຮຽນ ແລະ ສົ່ງເສີມເຂົ້າຮຽນວິຊາຊີບ ເຊິ່ງໄດ້ຊີ້ນຳໃຫ້ ກະຊວງປ້ອງກັນປະເທດ ແລະ ກະຊວງສຶກສາທິການ ແລະ ກິລາ ຮ່ວມກັນຄົ້ນຄວ້າ, ປຶກສາຫາລື ແລະ ເອກະພາບກັນ ໃນນີ້, ກະຊວງປ້ອງກັນປະເທດ ເປັນເຈົ້າການໃນການປຸກລະດົມ, ຄັດເລືອກ ເອົານາຍ ແລະ ພົນທະຫານ ຜູ້ທີ່ມີຄວາມສະໝັກໃຈ ແລະ ມີມາດຖານເງື່ອນໄຂເຂົ້າມາເຝິກອົບຮົບວິຊາຄູຊັ້ນປະຖົມສຶກສາ ໃນໄລຍະສັ້ນ. ສ່ວນກະຊວງສຶກສາທິການ ແລະ ກິລາ ໄດ້ເປັນເຈົ້າການໃນປຸກລະດົມເອົາຄູອາສາທີ່ສອນຢູ່ແລ້ວນັ້ນ ເຂົ້າມາສັງກັດເປັນກຳລັງໃໝ່ ຢູ່ໃນຖັນແຖວກອງທັບ ໂດຍຈະຖືກສັບຊ້ອນໃຫ້ເປັນທະຫານຊາຍແດນ ໃນໂຄຕາທັງໝົດ ຈຳນວນ 2.000 ຄົນ. ອ່ານມາຮອດນີ້, ຫຼາຍທ່ານອາດຈະສົງໄສວ່າ ການແກ້ໄຂບັນຫາຍັງບໍ່ຖືກຈຸດ ແລະ ບໍ່ສອດຄ່ອງເທື່ອ, ບາງທ່ານອາດສົງໄສ ແລ້ວເປັນຫຍັງ ຈຶ່ງບໍ່ຄົ້ນຄວ້າແກ້ໄຂເອົາຄູອາສາທີ່ສອນຢູ່ແລ້ວບັນຈຸເຂົ້າເປັນລັດຖະກອນ ແລະ ສົ່ງເຂົາເຈົ້າໄປສອນຢູ່ເຂດທີ່ຕ້ອງການຄູ, ຈຳເປັນບໍ່ທີ່ຈະຕ້ອງເອົາກຳລັງທະຫານໄປຊ່ວຍສອນ ຄຳຕອບຄື: ຄູສອນ, ຄູອາສາສ່ວນຫຼາຍແລ້ວ ບໍ່ມີໃຜຢາກໄປສອນຢູ່ເຂດທຸລະກັນດານ (ໝາຍຄວາມວ່າ ເຂດທີ່ບໍ່ມີໄຟຟ້າ, ນ້ຳປະປາ, ສັນຍານອິນເຕິເນັດ, ເສັ້ນທາງໄປບໍ່ຮອດ, ເຂດຊາຍແດນ) ແລະ ການທີ່ເອົາກຳລັງທະຫານໄປຊ່ວຍນັ້ນ ກໍເປັນການແກ້ໄຂສະເພາະໜ້າ ສົມມຸດ ມີໂຮງຮຽນແຫ່ງໜຶ່ງ ມີຄູສອນຜູ້ໜຶ່ງໃນກໍລະນີທີ່ເຈັບເປັນ, ເກີດລູກ, ແກ້ໄຂວຽກຄອບຄົວ ໃນເວລານີ້ ທະຫານຜູ້ທີ່ສຳເລັດການເຝິກອົບຮົບວິຊາຄູ ຈະເຂົ້າໄປເຮັດໜ້າທີ່ສອນແທນ ແລະ ພາຍຫຼັງທີ່ຄູປະຈຳກັບມາ ທະຫານກໍກັບໄປເຮັດໜ້າປ້ອງກັນຊາດຄືເກົ່າ. ໂດຍ: ຈິດ ເພັດພູທອງ

news to day and hot news