ວັນອັງຄານ, ວັນທີ 24 ມິຖຸນາ 2025
ກອງປະຊຸມໃຫຍ່ ຄັ້ງທີ VI ຂອງກຳມະບານຮາກຖານ ໂຮງພິມກອງທັບ
ເວລາອອກຂ່າວ: 2025-05-09 09:18:28 | ຜູ້ຂຽນ : admin1 | ຈຳນວນຄົນເຂົ້າຊົມ: 2994 | ຄວາມນິຍົມ: 
ວັນທີ 8 ພຶດສະພາ 2025 ນີ້, ກອງປະຊຸມໃຫຍ່ ຄັ້ງທີ VI ຂອງກຳມະ ບານຮາກຖານ ໂຮງພິມກອງທັບ ໄດ້ໄຂຂຶ້ນ ແລະ ອັດລົງດ້ວຍຜົນສຳເລັດຢ່າງຈົບງາມ, ໂດຍການເປັນປະທານ ຂອງ ສະຫາຍ ພັນເອກ ບຸນຄ່ອງ ອຸດທະຈັນດີ ກຳມະການຄະນະບໍລິຫານງານ ສູນກາງສະຫະພັນກຳມະບານລາວ, ຫົວໜ້າຫ້ອງການກຳມະບານກອງທັບ, ມີຄະນະພັກ-ຄະນະອຳນວຍການ, ຄະນະກຳມະບານຮາກຖານ ແລະ ສະມາຊິກກຳມະບານ-ກຳມະກອນ ໂຮງພິມກອງທັບ ເຂົ້າຮ່ວມ.
ສະຫາຍ ພັນໂທ ສົມໝາຍ ພົນທິລາດ ປະທານກຳມະບານຮາກຖານ ໂຮງພິມກອງທັບ ໄດ້ຜ່ານບົດລາຍງານການເມືອງທັງສອງພາກ ເຊິ່ງໃນໄລຍະ 5 ປີຜ່ານມາ, ກຳມະບານຮາກຖານ ໂຮງພິມກອງທັບ ໄດ້ຖືເອົາການກໍ່ສ້າງ ແລະ ຄຸ້ມຄອງພະນັກງານເປັນວຽກທີ່ສຳຄັນຕົ້ນຕໍ ເວົ້າລວມ, ເວົ້າສະເພາະແມ່ນອີງຕາມ ທິດທາງແຜນການຂອງກົມກອງ ໃນນັ້ນ, ວຽກງານປັບປຸງ ແລະ ກໍ່ສ້າງພະນັກງານ ໄດ້ຮັບທຶນໄປຮຽນວຽກງານກຳມະບານ 2 ທຶນ ຕາມການແບ່ງປັນ ຂອງຫ້ອງການກຳມະບານກອງທັບ, ໄດ້ສຳເລັດການເຝິກອົບຮົມດ້ານວິຊາສະເພາະ ທີ່ກົມກອງໄດ້ຈັດຂຶ້ນ, ສຳເລັດການເຝິກອົບຮົມວິຊາສະເພາະ ທີ່ ສສ ຫວຽດນາມ ເປັນເວລາ 1 ເດືອນ ມີ 3 ຄັ້ງ, ມີຈຳນວນພົນທັງໝົດ 26 ສະຫາຍ, ຍິງ 6 ສະຫາຍ. ນອກຈາກນັ້ນ, ຍັງມີສະມາຊິກກຳມະບານ-ກຳ
ມະກອນຈຳນວນໜຶ່ງໄປຮຽນຢູ່ພາຍໃນດ້ວຍທຶນຕົນເອງ. ດ້ານວຽກງານວິຊາສະເພາະ ແລະ ວຽກງານຂະບວນການຕ່າງໆ ເຊັ່ນ: ອອກແຮງງານ, ສ້ອມແປງ, ອະນາໄມຄ້າຍຄູຕ່າງໆ ມີ 1.800 ແຮງງານ, ສ້າງຂະບວນການກິລາ, ສີລະປະ-ວັນນະຄະດີ ທີ່ກົມກອງ ແລະ ຂັ້ນເທິງຈັດຂຶ້ນ ທັງໝົດ 5 ຄັ້ງ, ມີ 240 ເທື່ອຄົນ, ພິມໜັງສືພິມກອງທັບ 1.265 ຄັ້ງ ຈຳນວນ 733.700 ສະບັບ, ພິມໜັງສືພິມນັກຮົບເກົ່າ ຈຳນວນ 30.000 ສະບັບ, ພິມເອກະສານປະເພດເປັນຫົວ ຈຳນວນ 151.305 ຫົວ, ພິມປະຕິທິນ ຈຳນວນ 57.500 ຊຸດ.
ກອງປະຊຸມ ໄດ້ຜັດປ່ຽນກັນປະກອບຄຳຄິດເຫັນຢ່າງກົງໄປກົງມາ ໃສ່ບົດລາຍງານທັງສອງພາກ ເພື່ອໃຫ້ມີເນື້ອໃນຄົບຖ້ວນສົມບູນ ພ້ອມທັງ, ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະກຳມະບານຮາກຖານ ຊຸດໃໝ່ ຈຳນວນ 5 ສະຫາຍ ເຊິ່ງກອງປະຊຸມຄັ້ງປະຖົມມະລຶກເຫັນດີເປັນເອກະພາບເລືອກເອົາຄະນະກຳມະບານຮາກຖານ ຊຸດໃໝ່ ປະກອບມີ: ສະຫາຍ ພັນໂທ ຄຳຜິວ ພົມມະຈັນ ເປັນປະທານ, ສະຫາຍ ພັນໂທ ພອນສະຫວັນ ພົມເມືອງ ເປັນຮອງປະທານ, ສະຫາຍ ພັນໂທ ບຸນເພັງ ວັນນະວົງ, ສະຫາຍ ພັນໂທ ຄຳກອນ
ສີວົງໄຊ ແລະ ສະຫາຍ ພັນໂທ ນາງ ຄຳພັດ ເປັນກຳມະການ.
ໂດຍ: ຈອນນີ້
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
