POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ສະມາຄົມທີ່ປຶກສາທູດປ້ອງກັນຊາດຕ່າງປະເທດ ປະຈຳລາວ ເຄື່ອນໄຫວທັດສະນະສຶກສາ ແລະ ທ່ອງທ່ຽວ ຢູ່ ແຂວງຄຳມ່ວນ
ເວລາອອກຂ່າວ: 2025-05-09 09:20:39 | ຜູ້ຂຽນ : admin1 | ຈຳນວນຄົນເຂົ້າຊົມ: 3909 | ຄວາມນິຍົມ:

ໃນລະຫວ່າງວັນທີ 6-8 ພຶດສະພາ 2025 ນີ້, ສະຫາຍ ພັນເອກ ວັນສົມ ສົມມຸງຄຸນ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດລາວ ໄດ້ນຳພາຄະນະສະມາຄົມທີ່ປຶກສາທູດປ້ອງກັນຊາດຕ່າງປະເທດປະຈຳ ສສປ ລາວ ເຄື່ອນໄຫວທັດສະນະສຶກສາ ແລະ ທ່ອງທ່ຽວຢູ່ແຂວງຄຳມ່ວນ. ການມາທັດສະນະສຶກສາ ແລະ ທ່ອງທ່ຽວຂອງຄະນະດັ່ງກ່າວໃນຄັ້ງນີ້, ໄດ້ເຂົ້າພົບປະຄະນະພັກ-ຄະນະບັນຊາ ກອງບັນຊາການທະຫານແຂວງຄຳມ່ວນ. ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານກອງບັນຊາການທະຫານແຂວງຄຳມ່ວນ ໄດ້ລາຍງານໂດຍຫຍໍ້ໃຫ້ຊາບ ສະພາບທີ່ຕັ້ງ, ຈຸດພິເສດ ແລະ ສະຖານທີ່ທ່ອງທ່ຽວຂອງແຂວງຄຳມ່ວນ ໃນໄລຍະຜ່ານມາ, ພ້ອມກັນນັ້ນກໍໄດ້ຍົກໃຫ້ເຫັນສະພາບການເຄື່ອນໄຫວຂອງກອງບັນຊາການທະຫານແຂວງຄຳມ່ວນ ເຊິ່ງເປັນກຳລັງຫຼັກແຫຼ່ງໃນການເຄື່ອນໄຫວວຽກງານປ້ອງກັນຊາດ-ປ້ອງກັນຄວາມສະ ຫງົບຮັກສາເຂດນ້ຳແດນດິນໃນຂອບເຂດຮັບຜິດຊອບ ໃຫ້ມີຄວາມສະຫງົບໂດຍພື້ນຖານ ຄຽງຄູ່ກັນກັນນີ້, ກອງບັນຊາການທະຫານແຂວງຄຳມ່ວນຍັງໄດ້ສົມທົບກັບກອງສຸລະສັກມົນຕີ ກອງທັບ ແຫ່ງລາຊາອານາຈັກໄທ ໃນການຕ້ານ ແລະ ສະກັດກັ້ນ ບັນຫາອາດສະຍາກຳຂ້າມຊາດ ແລະ ອື່ນໆ ສາມາດຮັກສາໄດ້ຄວາມສະຫງົບ ແລະ ຄວາມເປັນລະບຽບຮຽບຮ້ອຍດີຕາມຊາຍແດນ ລາວ-ໄທ, ໄທ-ລາວ. ນອກຈາກນີ້, ກອງບັນຊາການແຂວງຄຳມ່ວນຍັງໄດ້ສ້າງເງື່ອນໄຂຄວາມສະດວກໃຫ້ແກ່ການພັດທະນາເສດຖະກິດ-ສັງຄົມຂອງແຂວງໃຫ້ມີການຂະຫຍາຍຕົວຢ່າງຕໍ່ເນື່ອງ, ພ້ອມນີ້, ຊຸກຍູ້ບັນດາກົມກອງທຳການຜະລິດໂດຍເລັ່ງໃສ່ການປູກຝັງ-ລ້ຽງສັດ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ນັບມື້ດີຂຶ້ນ ແລະ ປະຕິບັດຫຼັກການພົວພັນກັບຕ່າງປະເທດໂດຍສະເພາະປະເທດເພື່ອນຍຸດທະສາດ ແລະ ປະເທດໃກ້ຄຽງທີ່ມີຊາຍແດນຕິດຈອດກັນໃຫ້ນັບມື້ສູງຂຶ້ນ. ຈາກນັ້ນ, ຄະນະທີ່ປຶກສາທູດປ້ອງກັນຊາດແຕ່ລະປະເທດ ໄດ້ມີຄຳຖາມເຈາະຈີ້ມ ແລະ ແລກປ່ຽນບົດຮຽນບາງບັນຫາສຳຄັນຢ່າງສ້າງສັນ ເພື່ອເປັນກໍລະນີສຶກສາ ເຮັດໃຫ້ຄະນະທີ່ປຶກສາທູດປ້ອງກັນຊາດຕ່າງປະເທດທີ່ມາປະຈຳການຢູ່ ສປປ ລາວ ເຂົ້າໃຈສະພາບຈຸດພິເສດຂອງແຂວງຄຳມ່ວນຫຼາຍຂຶ້ນ ໂອກາດນີ້, ຄະນະທີ່ປຶກສາທູດປ້ອງກັນຊາດຕ່າງປະເທດປະຈຳລາວ ຍັງໄດ້ມອບຄອມພິວເຕີຈຳນວນ 1 ຊຸດ ໃຫ້ກັບກອງບັນຊາການທະຫານແຂວງຄຳມ່ວນ ນອກຈາກໄດ້ພົບປະກັບກອງບັນຊາການທະຫານແຂວງແລ້ວ ຍັງໄດ້ຢ້ຽມຊົມ ສະຖານທີ່ທ່ອງທ່ຽວພູຜາມ່ານ, ຖໍາ້ກອງລໍ, ຖໍ້ານາງແອ່ນ, ທ່າຝຣັ່ງ ແລະ ທ່ຽວຊົມສະຖານທີ່ທ່ອງທ່ຽວຕ່າງໆຂອງແຂວງຄຳມ່ວນຕື່ມອີກ.

news to day and hot news