ວັນອັງຄານ, ວັນທີ 24 ມິຖຸນາ 2025
ຄະນະບໍລິຫານງານຊາວໜຸ່ມ ກະຊວງແຜນການ ແລະ ການລົງທຶນ ມອບເງິນອຸປະຖຳ ໃຫ້ຫ້ອງການຊາວໜຸ່ມກອງທັບ
ເວລາອອກຂ່າວ: 2025-05-16 09:26:35 | ຜູ້ຂຽນ : admin1 | ຈຳນວນຄົນເຂົ້າຊົມ: 2729 | ຄວາມນິຍົມ: 
ໃນວັນທີ 15 ພຶດສະພາ 2025 ນີ້, ຄະນະບໍລິຫານງານຊາວໜຸ່ມ ກະຊວງແຜນການ ແລະ ການລົງທຶນ ນຳໂດຍ ສະຫາຍ ປອ ວັນທະນາ ນໍລິນທາ ຫົວໜ້າກົມສົ່ງເສີມການລົງທຶນ, ເລຂາຄະນະບໍລິຫານງານຊາວໜຸ່ມ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໄດ້ມອບເງິນອຸປະຖຳ ຈຳນວນ 10.000.000 ກີບ ໃຫ້ແກ່ຫ້ອງການຊາວໜຸ່ມກອງທັບ ເພື່ອປະກອບສ່ວນຊຸກຍູ້ໃຫ້ກຳລັງໃຈ ພະນັກງານ-ນັກຮົບ ທີ່ກຳລັງປະຕິບັດໜ້າທີ່ ຢູ່ ແຂວງບໍ່ແກ້ວ ໂດຍການກ່າວຮັບຂອງ ສະຫາຍ ພັນເອກ ຫົງທອງ ສີຊານົນ ຫົວໜ້າຫ້ອງການຊາວໜຸ່ມກອງທັບ ພ້ອມດ້ວຍຄະນະ.
ໂອກາດນີ້, ສະຫາຍ ຫົວໜ້າຫ້ອງການຊາວໜຸ່ມກອງທັບ ຕາງໜ້າຄະນະນຳຫ້ອງການຊາວໜຸ່ມກອງທັບ ກໍຄື ພະນັກງານ-ນັກຮົບໃນຖັນແຖວກອງທັບ ສະແດງຄວາມຂອບໃຈ ແລະ ຮູ້ບຸນຄຸນຕໍ່ ຄະນະບໍລິຫານງານຊາວໜຸ່ມ ກະ
ຊວງແຜນການ ແລະ ການລົງທຶນ ທີ່ເຫັນໄດ້ຄວາມໝາຍຄວາມສຳຄັນຂອງວຽກງານປ້ອງກັນຊາດ-ປ້ອງກັນຄວາມສະຫງົບ ພ້ອມທັງໃຫ້ຄຳໝັ້ນສັນຍາວ່າ
ຈະນຳເອົາປັດໄຈດັ່ງກ່າວ ໄປມອບຕໍ່ໃຫ້ພະນັກງານ-ນັກຮົບທີ່ໄດ້ຮັບບາດເຈັບ ຈາກການປະຕິບັດໜ້າທ່ີ ແລະ ຜູ້ທີ່ກຳລັງປະຕິບັດໜ້າທີ່ຢູ່ແຂວງບໍ່ແກ້ວ ໃຫ້ມີຄວາມແທດເໝາະ ແລະ ສ່ອດຄອງ.
ໂດຍ: ນາງ ໜູແດງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
