POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 08 ກໍລະກົດ 2025

ກອງພົນທີ 1 ສຳເລັດການອົບຮົມວຽກງານພະລາທິການ ປະຈຳປີ 2025
ເວລາອອກຂ່າວ: 2025-06-02 10:43:55 | ຜູ້ຂຽນ : admin3 | ຈຳນວນຄົນເຂົ້າຊົມ: 2794 | ຄວາມນິຍົມ:

ໃນວັນທີ 22 ພຶດສະພາ 2025, ກອງພົນທີ 1 ໄດ້ສຳເລັດການອົບຮົມ ວຽກງານພະລາທິການ ໄລຍະສັ້ນ ປະຈຳປີ 2025, ໂດຍເປັນປະທານຂອງ ສະຫາຍ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານກອງພົນທີ 1, ມີຄະນະພັກ-ຄະນະບັນຊາ ອົງການ 5 ຫ້ອງ, ກອງພັນໃຫຍ່, ກອງພັນ, ກອງຮ້ອຍເອກະລາດ ແລະ ນັກເຝິກອົບຮົມ ເຂົ້າຮ່ວມ. ສະຫາຍ ພັນໂທ ພອນຄຳ ອິນທະວົງ ຫົວໜ້າພະແນກແຜນການ ຫ້ອງພະລາທິການ ກອງພົນທີ 1 ໄດ້ຜ່ານບົດສະຫຼຸບການອົບຮົມວຽກງານພະລາທິການ ປະຈຳປີ 2025; ຜ່ານການຈັດຕັ້ງອົບຮົມ-ຫັດແອບ ສຳເລັດດ້ວຍໝາກຜົນອັນຈົບງາມ; ການເຝິກ ອົບຮົມຄັ້ງນີ້ ແນໃສ່ເພື່ອຍົກສູງລະດັບຄວາມຮູ້, ຄວາມສາມາດ ໃຫ້ພະນັກງານ-ນັກຮົບ ວິຊາສະເພາະພະລາທິການ, ຮັບຮູ້ ແລະ ເຊື່ອມຊຶມ, ກຳໄດ້ພາລະບົດບາດ, ຄວາມໝາຍ, ຄວາມສຳຄັນຂັ້ນພື້ນຖານຂອງວຽກງານພະລາທິ ການທີ່ຕົນເອງຮັບຜິດຊອບໃຫ້ສອດຄ່ອງກັບວຽກງານຕົວຈິງ ກໍຄືໜ້າທີ່ວິຊາສະເພາະ. ຜ່ານໄລຍະການເຝິກອົບຮົມ-ຫັດແອບ ສາມາດເຫັນໄດ້ວ່າ ຄະນະຮັບ ຜິດຊອບໄດ້ເອົາໃຈໃສ່ຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ສຸ່ມທຸກສະຕິປັນຍາຄວາມຮູ້ ຄວາມສາມາດເຂົ້າໃນຊຸດອົບຮົມ, ການກະກຽມດ້ານເອກະສານແມ່ນມີຄວາມລະອຽດ, ຄົບຖ້ວນ, ຊັດເຈນ, ການອະທິບາຍບົດ ຮຽນແມ່ນເຂົ້າໃຈງ່າຍ ແລະ ກວ້າງຂວາງ ເຮັດໃຫ້ນັກເຝິກອົບຮົມມີຄວາມເຂົ້າໃຈຢ່າງເລິກເຊິ່ງສາມາດຕີລາຄາຜົນການເຝິກອົບຮົມ-ຫັດແອບ ວຽກງານເສນາພະລາບັນລຸໄດ້ 96%, ວຽກງານການເງິນ 95%, ວຽກງານອຸປະໂພກ-ບໍລິໂພກ 95%, ວຽກງານເສນາຮັກ 95%, ວຽກງານຜະລິດກະສິກຳ 94%, ຕີລາຄາຜົນໄດ້ຮັບທັງໝົດໃນການອົບຮົມ-ຫັດແອບ ໄດ້ 95%. ສະຫາຍ ພັນເອກ ຄຳຊາວ ລິນທະກຸນແກ້ວ ໄດ້ເນັ້ນໜັກໃຫ້ນັກເຝິກອົບຮົມທຸກສະຫາຍ ຈົ່ງນຳເອົາບົດຮຽນທີ່ເຝິກອົບຮົມວຽກງານພະລາທິການໃນຄັ້ງນີ້ ໄປຈັດຕັ້ງປະຕິບັດເຂົ້າໃນໜ້າທີ່ວຽກງານຕົວຈິງຢູ່ກົມກອງ, ເພີ່ມທະວີຄວາມຮັບຜິດຊອບໃນວິຊາສະເພາະຂອງຕົນ, ປະຕິບັດ 7 ລະບອບ 18 ວຽກໃນມື້ໜຶ່ງຂອງ ກອງທັບ ແລະ ເຮັດສຳເລັດໜ້າທີ່ໃນການມອບໝາຍ ໂດຍສະເພາະແມ່ນວຽກງານການປູກ ຝັງ-ລ້ຽງສັດ ແລະ ວຽກງານຮັບ ປະກັນອື່ນໆ ໂດຍປະຕິບັດຕາມຄຳຂວັນ ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອພັດທະນາກົມກອງໃຫ້ດີຂຶ້ນເລື້ອຍໆ. ໂດຍ: ຄຳພຸດ ພານຸວົງ

news to day and hot news