POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 16 ກໍລະກົດ 2025

ກອງບັນຊາການທະຫານເມືອງໄຊທານີ ເປີດຂະບວນການ ວຽກງານການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2025-06-02 10:47:02 | ຜູ້ຂຽນ : admin3 | ຈຳນວນຄົນເຂົ້າຊົມ: 3089 | ຄວາມນິຍົມ:

ໃນວັນທີ 29 ພຶດສະພາ 2025 ນີ້, ກອງບັນຊາການທະຫານເມືອງໄຊທານີ ນະຄອນຫຼວງວຽງຈັນ ໄດ້ເປີດຂະບວນການວຽກງານການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ 3 ບ້ານຄື: ບ້ານໂນນແຕ້, ບ້ານນາສາລາ ແລະ ບ້ານໜອງສອງຫ້ອງ, ໂດຍການເປັນປະທານຂອງ ສະຫາຍ ສິນລະປະກອນ ພົມມະໄຊສີ ຮອງເລຂາພັກເມືອງ ເມືອງໄຊທານີ, ມີ ສະຫາຍ ພັນໂທ ລືໄຊ ສຸຂະວົງ ຫົວໜ້າພະແນນກໍ່ສ້າງຮາກຖານ ຫ້ອງການເມືອງ ກອງບັນຊາການທະຫານນະຄອນຫຼວງວຽງຈັນ, ມີຄະນະພັກ-ຄະນະບັນຊາ ກົມກອງອ້ອມຂ້າງ, ມີຮອງຫົວໜ້າ ປກສ ເມືອງ, ຄະນະພັກຮາກຖານກຸ່ມ, ເລຂາພັກບ້ານ-ນາຍບ້ານ ທັງ 11 ກຸ່ມບ້ານ, ກອງຫຼອນກຸ່ມ, ຄະນະອຳນວຍການໂຮງຮຽນ ພ້ອມດ້ວຍບັນດາພະນັກງານວິຊາການ ແລະ ປະຊາຊົນພາຍໃນບ້ານເຂົ້າຮ່ວມ. ສະຫາຍ ພັນໂທ ບຸນແພງ ປິ່ນພະຫຍາ ຫົວໜ້າການເມືອງກອງບັນຊາການທະຫານເມືອງໄຊທານີໄດ້ຂຶ້ນຜ່ານແຜນການ ການເປີດຂະບວນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ເພື່ອເປັນການປະຕິບັດຕາມແຜນການຍຸດທະສາດຂອງພັກໃນການປົກປັກຮັກສາປະເທດຊາດ ແລະ ນຳພາປະຊາຊົນບັນດາເຜົ່າຫຼຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາກ້າວຂຶ້ນສູ່ສັງຄົມໃຫ້ມີຄວາມສະຫງົບສຸກ, ສາມັກຄີປອງດອງສີວິໄລຍຸຕິທຳ ທັງເປັນການສ້າງຕາໜ່າງປ້ອງກັນຊາດທົ່ວປວງຊົນ ຕິດພັນກັບການສ້າງບ້ານປ້ອມໝັ້ນ ກຸ່ມບ້ານສູ້ຮົບຕິດລຽນ ຕໍ່ບຸກຄົນ-ຄອບຄົວ ຂຶ້ນມາໃຫ້ເຮັດວຽກງານປ້ອງກັນຊາດ, ການປະເມີນຄອບຄົວ ແລະ ບ້ານປ້ອງກັນຊາດ ຈຳນວນ 11 ບ້ານ ໃນຄັ້ງນີ້ ບັນດາພະນັກງານວິຊາການຕ້ອງພ້ອມກັນສຸມໃສ່ເກັບກຳຂໍ້ມູນ, ວິໄຈຂໍ້ມູນ ແລະ ປະເມີນຜົນຕາມມາດຖານເງື່ອນໄຂການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ໃຫ້ໄດ້ຕາມລະດັບຄາດໝາຍ ພ້ອມກັນນັ້ນຍັງໄດ້ຈັດຕັ້ງເຊື່ອມຊຶມເອກະສານໃຫ້ອຳນາດການປົກຄອງບ້ານ ແລະ ປະຊາຊົນບັນດາເຜົ່າ, ໃນການດຳເນີນວຽກງານສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໃນຄັ້ງນີ້, ເພື່ອເຮັດໃຫ້ການປະເມີນສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ມີຄວາມຊັດເຈນ ແລະ ບັນລຸຕາມລະດັບຄາດໝາຍທີ່ວາງໄວ້. ຈາກນັ້ນ, ສະຫາຍ ຈິນດາ ສີໂນນາລາດ ຕາງໜ້າອົງການປົກຄອງບ້ານ ທັງ 3 ບ້ານ ໄດ້ລາຍງານກ່ຽວກັບສະພາບລວມ ແລະ ການພັດທະນາບ້ານໃນໄລຍະຜ່ານມາ. ພ້ອມນີ້, ສະຫາຍ ພັນໂທ ອານຸວົງ ສີສົມບັດ ຫົວໜ້າພະແນກການເມືອງ ກອງບັນຊາການທະຫານເມືອງໄຊທານີ ໄດ້ຜ່ານຂໍ້ຕົກລົງ ຂອງກອງບັນຊາການທະຫານເມືອງໄຊທານີ ວ່າດ້ວຍການແຕ່ງຕັ້ງຄະນະຮັບຜິດຊອບ ແລະ ພະນັກງານວິຊາການລົງປະຕິບັດວຽກງານສ້າງຄອບຄົວ-ບ້ານປ້ອງກັນຊາດເຂັ້ມແຂງ ຢູ່ບ້ານນາສາລາ, ບ້ານໂນນແຕ້ ແລະ ບ້ານໜອງສອງຫ້ອງ. ໂດຍ: ຈອນນີ້ ອິນທະວົງ

news to day and hot news