POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 08 ກໍລະກົດ 2025

ປະກາດການຮັບຮອງເອົາ 10 ບ້ານ ທີ່ຂຶ້ນກັບເມືອງນາໝໍ້ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2025-06-02 10:52:56 | ຜູ້ຂຽນ : admin3 | ຈຳນວນຄົນເຂົ້າຊົມ: 2796 | ຄວາມນິຍົມ:

ໃນບໍ່ດົນຜ່ານມານີ້, ກອງບັນຊາການທະຫານເມືອງນາໝໍ້ ແຂວງອຸດົມໄຊ ໄດ້ຈັດພິທີປະກາດການຮັບຮອງເອົາບ້ານນໍ້າເງິນ, ບ້ານສະປຶ, ບ້ານຕືກາ, ບ້ານເພຍໄມ້ໃຫຍ່, ບ້ານເພຍໄມ້ນ້ອຍ, ບ້ານຜາຄຳ, ບ້ານນໍ້າຢອນ, ບ້ານຫ້ວຍຫຼັກ-ວັງແວນ, ບ້ານຫົວນາ ແລະ ບ້ານນໍ້າແດງ (ກຸ່ມບ້ານນໍ້າເງິນ) ເປັນບ້ານປ້ອງກັນຊາດເຂັ້ມແຂງ, ເຊິ່ງເປັນບ້ານທີ 11, 12, 13, 14, 15, 16, 17, 18, 19 ແລະ 20 ຂອງເມືອງນາໝໍ້, ເປັນບ້ານທີ 53, 54, 55, 56, 57, 58, 59, 60, 61 ແລະ 62 ຂອງແຂວງອຸດົມໄຊ, ໂດຍການເປັນປະທານຂອງ ສະຫາຍ ພັນໂທ ສົມພອນ ແສນອາລິນ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງອຸດົມ ໄຊ, ມີສະຫາຍ ຈັກກີ ໄພອິນຕາ ເລຂາພັກກຸ່ມບ້ານນ້ຳເງິນ, ມີສະຫາຍ ພັນຕີ ບຸນເຈີນ ຮັກມີໄຊ ຮອງຫົວໜ້າການເມືອງ ກອງບັນຊາການທະຫານເມືອງນາໝໍ້, ມີ ພະແນກການທີ່ກ່ຽວຂ້ອງ, ແຂກຖືກເຊີນຕະຫຼອດຮອດ ອຳນາດການປົກຄອງບ້ານ ແລະ ພໍ່ແມ່ປະຊາຊົນພາຍໃນ 10 ບ້ານ ເຂົ້າຮ່ວມ. ສະຫາຍ ພັນຕີ ບຸນເຈີນ ຮັກມີໄຊ ຮອງຫົວໜ້າການເມືອງ ກອງບັນຊາການທະຫານເມືອງນາໝໍ້ ໄດ້ຜ່ານບົດສະຫຼຸບການຈັດຕັ້ງປະຕິບັດປະເມີນຜົນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ເຊິ່ງໄດ້ຍົກໃຫ້ເຫັນດ້ານດີທີ່ຕັ້ງໜ້າ ເປັນຕົ້ນແມ່ນ ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນກົກ, ອົງການປົກຄອງບ້ານ ໄດ້ນຳເອົາມະຕິຄຳສັ່ງຕ່າງໆ ຂອງພັກ-ລັດ ໂດຍສະເພາະແມ່ນ ເອກະສານກ່ຽວກັບການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ເອກະສານວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ກົດໝາຍຂອງລັດ ແລະ ເອກະສານອື່ນໆ ລົງຈັດຕັ້ງເຜີຍແຜ່ໃຫ້ພໍ່ແມ່ປະຊາຊົນຮັບຮູ້ເຊື່ອມຊຶມຢ່າງທົ່ວເຖິງ ເຮັດໃຫ້ພໍ່ແມ່ປະຊາຊົນ ມີຄວາມຕື່ນຕົວເປັນເຈົ້າການປະກອບສ່ວນອັນສຳຄັນ ເຂົ້າໃນວຽກງານປ້ອງກັນຊາດ-ປ້ອງກັນ ຄວາມສະຫງົບຢ່າງຕັ້ງໜ້າ ພ້ອມກັນເຮັດໜ້າທີ່ຕິດຕາມສະພາບການເຄື່ອນໄຫວຂອງກຸ່ມຄົນບໍ່ຫວັງດີ ແລະ ຂອບເຂດຮັບຜິດຊອບຂອງບ້ານ ຢ່າງເຂັ້ມງວດ, ຕ້ານ ແລະ ສະກັດກັ້ນປະກົດການຫຍໍ້ທໍ້ໃຫ້ທັນເວລາ ພ້ອມນັ້ນ, ປະຊາຊົນພາຍໃນບ້ານ ຍັງໄດ້ເອົາໃຈໃສ່ສ້າງເສດຖະກິດແກ້ໄຂຊີວິດການເປັນຢູ່ຂອງຄອບຄົວ ຕາມທ່າແຮງບົ່ມຊ້ອນຂອງຕົນ ເຊັ່ນ: ການຄ້າຂາຍ, ການປູກຝັງ-ລ້ຽງສັດ ແລະ ອື່ນໆ ເຮັດໃຫ້ແຕ່ລະຄອບຄົວສາມາດຫຼຸດພົ້ນອອກຈາກຄວາມທຸກຍາກເທື່ອລະກ້າວ. ກຸ່ມບ້ານນໍ້າເງິນມີເນື້ອທີ່ທັງໝົດ 37,529 ເຕັກຕາ, ມີພົນລະເມືອງທັງໝົດ 4.757 ຄົນ, ຍິງ 2.330 ຄົນ, ມີ 895 ຫຼັງຄາເຮືອນ, ມີ 1.287 ຄອບຄົວ. ຜ່ານການປະເມີນຜົນຕົວຈິງ ສາມາດຮັບຮອງເປັນບ້ານປ້ອງກັນຊາດເຂັ້ມແຂງທັງ 10 ບ້ານ ແລະ ສາມາດຮັບຮອງເປັນຄອບຄົວປ້ອງກັນຊາດເຂັ້ມແຂງ ຈຳນວນ 1.250 ຄອບຄົວ ເທົ່າກັບ 97%. ໂອກາດດຽວກັນນີ້, ຍັງໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງອຸດົມໄຊ ວ່າດ້ວຍການຢັ້ງຢືນ ແລະ ຮັບຮອງເອົາບ້ານນ້ຳເງິນ, ບ້ານສະປຶ, ບ້ານຕືກາ, ບ້ານເພຍໄມ້ໃຫຍ່, ບ້ານເພຍໄມ້ນ້ອຍ, ບ້ານຜາຄຳ, ບ້ານນ້ຳຢອນ, ບ້ານຫ້ວຍ ຫຼັກ-ວັງແວນ, ບ້ານຫົວນາ ແລະ ບ້ານນ້ຳແດງ ເມືອງນາໝໍ້ ແຂວງອຸດົມໄຊ ເປັນບ້ານປ້ອງກັນຊາດເຂັ້ມແຂງ ແລະ ຜ່ານມະຕິຕົກລົງຂອງຄະນະປະຈຳພັກແຂວງອຸ ດົມໄຊ ວ່າດ້ວຍການມອບໃບຢັ້ງຢືນ ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024 ໃຫ້ຈຳນວນ 9 ໜ່ວຍພັກ. ຈາກນັ້ນ, ກໍໄດ້ຮ່ວມກັນເປີດປ້າຍ ບ້ານປ້ອງກັນຊາດເຂັ້ມແຂງ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນໃຫ້ 10 ບ້ານດັ່ງກ່າວຕື່ມອີກ. ໂດຍ: ສົມພູນ

news to day and hot news