POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ທ່ານ ຮອງນາຍົກລັດຖະມົນຕີ ໄດ້ຮັບຫຼຽນກຽດຕິຍົດສູງສຸດຈາກລັດຖະບານຍີ່ປຸ່ນ
ເວລາອອກຂ່າວ: 2019-07-30 10:09:14 | ຜູ້ຂຽນ : admin3 | ຈຳນວນຄົນເຂົ້າຊົມ: 249 | ຄວາມນິຍົມ:

ໃນວັນທີ 25 ກໍລະກົດ 2019 ທີ່ນະຄອນຫຼວງວຽງຈັນ, ທ່ານ ທາເຄຊິ ຮິກິຮາຣະ ເອກ ອັກຄະຣາຊະທູດຍີ່ປຸ່ນປະຈຳ ສປປ ລາວ, ຕາງໜ້າລັດຖະບານ ຍີ່ປຸ່ນໄດ້ປະດັບຫຼຽນກຽດຕິຍົດ ລະດັບສູງຈາກສົມເດັດພະເຈົ້າ ຈັກກະພັດຍີ່ປຸ່ນໃຫ້ທ່ານ ສົມດີ ດວງດີ ຮອງນາຍົກລັດຖະມົນຕີລັດຖະມົນຕີກະຊວງການເງິນ; ທີ່ໄດ້ປະກອບສ່ວນອັນໃຫຍ່ຫຼວງ ເຂົ້າໃນການເສີມສ້າງຄວາມ ເຂັ້ມແຂງໃຫ້ແກ່ສາຍພົວພັນ ທາງດ້ານເສດຖະກິດລະຫວ່າງ ຍີ່ປຸ່ນ-ສປປ ລາວ ແລະ ສາຍພົວ ພັນຮ່ວມມືອັນດີງາມລະຫວ່າງ ສອງລັດຖະບານລາວ-ຍີ່ປຸ່ນ. ທ່ານ ສົມດີ ດວງດີ ຮອງນາ ຍົກລັດຖະມົນຕີ ລັດຖະມົນຕີກະ ຊວງການເງິນ ເກີດທີ່ແຂວງສະ ຫວັນນະເຂດ ໃນປີ 1952 ຈົບ ການສຶກສາລະດັບປະລິນຍາໂທ ຈາກອະດີດສະຫະພາບໂຊວຽດ ແລະ ປະເທດຝຣັ່ງກ່ອນທີ່ຈະກັບ ມາ ສປປ ລາວ, ເພື່ອປະກອບ ສ່ວນເຂົ້າໃນວຽກງານຂະແໜງ ເສດຖະກິດ ແລະ ການລົງທຶນ, ຈາກຜົນສຳເລັດທີ່ທ່ານໄດ້ຮັບ ມອບໝາຍໃຫ້ປະຕິບັດໜ້າທີ່ລະ ດັບສູງ, ສິ່ງທີ່ພົ້ນເດັ່ນແມ່ນຮັບ ໜ້າທີ່ເປັນລັດຖະມົນຕີກະຊວງ ແຜນການ ແລະ ການລົງທຶນນັບ ແຕ່ປີ 2012 ເຖິງ 2016 ຕໍ່ມາ ຮັບໜ້າທີ່ເປັນຮອງນາຍົກລັດຖະ ມົນຕີ ແລະ ລັດຖະມົນຕີກະຊວງ ການເງິນນັບແຕ່ປີ 2016 ເປັນ ຕົ້ນມາ. ໃນໄລຍະການປະຕິບັດໜ້າທີ່ ເປັນລັດຖະມົນຕີກະຊວງແຜນ ການ ແລະ ການລົງທຶນ, ທ່ານ ສົມດີ ດວງດີ, ໄດ້ປະກອບສ່ວນ ອັນສໍາຄັນເຂົ້າໃນການປັບປຸງ ສະພາບແວດລ້ອມການດຳເນີນ ທຸລະກິດ ແລະ ສົ່ງເສີມໃຫ້ບໍລິ ສັດຍີ່ປຸ່ນມາລົງທຶນໃນ ສປປ ລາວ ເພີ່ມຂຶ້ນ, ໂດຍສະເພາະການເປັນ ປະທານຮ່ວມກອງປະຊຸມ “ຄູ່ເຈ ລະຈາລະຫວ່າງພາກລັດ ແລະ ເອກະ ຊົນລາວ-ຍີ່ປຸ່ນ”, ຫຼັງຈາກ ຖືກແຕ່ງຕັ້ງເປັນຮອງນາຍົກລັດ ຖະມົນຕີ, ລັດຖະມົນຕີກະຊວງ ການເງິນຍັງໄດ້ມີໜ້າທີ່ຮັບຜິດ ຊອບໃນການນຳພາວຽກງານ ຂະແໜງເສດຖະກິດມະຫາພາກ ແລະ ການສ້າງສະຖຽນລະພາບ ດ້ານການເງິນນຳອີກດ້ວຍ. ໃນໂອກາດນີ້, ທ່ານ ສົມດີ ດວງດີ ໄດ້ມີຄໍາເຫັນວ່າ: ຫຼຽນ ກຽດຕິຍົດລະດັບສູງຂອງສົມ ເດັດພະເຈົ້າຈັກກະພັດຍີ່ປຸ່ນເປັນ ຫຼຽນກຽດຕິຍົດລະດັບຊາດທີ່ມີ ຄຸນຄ່າ ແລະ ຄວາມສຳຄັນກັບ ເພື່ອນຮ່ວມງານ, ພະນັກງານລັດ ຖະກອນທັງຂະແໜງການເງິນ ແລະ ຂະແໜງແຜນການ ແລະ ການລົງທຶນຂອງ ສປປ ລາວ. ການໄດ້ຮັບຫຼຽນກຽດຕິຍົດ ໄດ້ສະແດງໃຫ້ເຫັນເຖິງການປະ ກອບສ່ວນເຂົ້າໃນການຮ່ວມມື ລະຫວ່າງລັດຖະບານແຫ່ງ ສປປ ລາວ ແລະ ລັດຖະບານຍີ່ປຸ່ນກໍ ຄື ການເສີມຂະຫຍາຍການພົວພັນ ຮ່ວມມືອັນດີງາມລະຫວ່າງ 2 ລັດຖະບານ ແລະ ປະຊາຊົນ 2 ຊາດລາວ - ຍີ່ປຸ່ນ. ພ້ອມດຽວກັນ ນີ້, ຍັງເປັນການເສີມສ້າງການ ຮ່ວມມື ແລະ ຄວາມສາມັກຄີ ກັບບັນດາປະເທດໃນພາກພື້ນ ແລະ ສາກົນເວົ້າລວມ, ເວົ້າສະ ເພາະແມ່ນກັບປະເທດຍີ່ປຸ່ນ, ແນໃສ່ຊຸກຍູ້ສົ່ງເສີມການຮ່ວມ ມືລະຫວ່າງລັດຖະບານ, ສົ່ງເສີມ ການຄ້າ,ການລົງທຶນ ແລະ ການ ໄປມາຫາສູ່ຂອງປະຊາຊົນສອງ ປະເທດໃຫ້ນັບມື້ນັບເພີ່ມຂຶ້ນ.

news to day and hot news