ວັນພະຫັດ, ວັນທີ 16 ເມສາ 2026
ທະຫານເມືອງບຸນໃຕ້ ແຂວງຜົ້ງສາລີ ສະຫຼຸບ ຖອດຖອນບົດຮຽນວຽກງານ ປະຈຳ 6 ເດືອນຕົ້ນປີ 2025
ເວລາອອກຂ່າວ: 2025-07-08 08:43:06 | ຜູ້ຂຽນ : admin1 | ຈຳນວນຄົນເຂົ້າຊົມ: 1154 | ຄວາມນິຍົມ: 
ໃນວັນທີ 2 ກໍລະກົດ 2025, ກອງບັນຊາການທະຫານເມືອງບຸນໃຕ້ ແຂວງຜົ້ງສາລີ ໄດ້ສະຫຼຸບຖອດຖອນບົດຮຽນວຽກງານ ປະຈຳ 6 ເດືອນຕົ້ນປີ 2025 ແລະ ວາງທິດທາງແຜນການ 6 ເດືອນທ້າຍປີ 2025, ໂດຍການເປັນປະທານຂອງ ສະຫາຍ ພັນໂທ ທອງດີ ພົມປັນຍາ ຫົວໜ້າການເມືອງກອງບັນຊາການທະ ຫານເມືອງບຸນໃຕ້, ມີ ສະຫາຍ ພັນໂທ ທອງວັນ ສຸວັນ ຫົວໜ້າການທະຫານກອງບັນຊາການທະ ຫານເມືອງບຸນໃຕ້, ຄະນະພັກ-ຄະ ນະບັນຊາ ພ້ອມດ້ວຍນາຍ ແລະ ພົນທະຫານ ເຂົ້າຮ່ວມ.
ສະຫາຍ ພັນໂທ ຈຳເຈນ ອິນທະແສນ ຫົວໜ້າຫ້ອງການບໍລິຫານ ໄດ້ຜ່ານບົດສະຫຼຸບການ ຈັດຕັ້ງປະຕິບັດວຽກງານໃນໄລ ຍະ 6 ເດືອນຕົ້ນປີ 2025; ຄະ ນະພັກ-ຄະນະບັນຊາໄດ້ເອົາໃຈ ໃສ່ວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ມີແນວຄິດອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ, ປະຕິບັດໜ້າທີ່ວິຊາສະເພາະທີ່ໄດ້ຮັບການມອບໝາຍມີຜົນສຳເລັດ, ວຽກງານເຮັດໃຫ້ສະພາບມີຄວາມສະຫງົບ ໄດ້ເຄື່ອນໄຫວຕິດຕາມກວດກາໃນຂອບເຂດຄວາມຮັບຜິດຊອບມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ ພ້ອມທັງລາຍງານໃຫ້ຂັ້ນເທິງຢ່າງເປັນປົກກະຕິ, ວຽກງານພະລາທິການໄດ້ຊຸກຍູ້ພະນັກງານ-ນັກຮົບເອົາ ໃຈໃສ່ເພີ່ມພູນຜະລິດຜົນປູກຝັງ-ລ້ຽງສັດ, ປູກພືດລົ້ມລຸກຕາມລະ ດູການ ສາມາດສ້າງລາຍຮັບເຂົ້າ ກົມກອງໄດ້ 80 ລ້ານກວ່າກີບ, ວຽກງານເຕັກນິກໄດ້ປົກປັກຮັກ ສາ, ບົວລະບັດຜັດເຊັດພາຫະນະເຕັກນິກ, ອາວຸດລູກກະສຸນທີ່ມີຢູ່ໃຫ້ນຳໃຊ້ໄດ້ຍາວນານ.
ສະຫາຍ ພັນໂທ ທອງດີ ພົມປັນຍາ ໄດ້ຮຽກຮ້ອງໃຫ້ນາຍ ແລະ ພົນທະຫານ ສືບຕໍ່ປະຕິບັດໜ້າທີ່ວຽກງານທີ່ຂັ້ນເທິງມອບໝາຍໃຫ້ມີຜົນສຳເລັດ, ຕ້ານການ ຫຼິ້ນກິນຟຸມເຟີຍ, ປະກົດການຫຍໍ້ ທໍ້ຕ່າງໆທີ່ຈະເກີດຂຶ້ນພາຍໃນກົມກອງ ແລະ ສ້າງໃຫ້ກົມກອງມີຄວາມເຂັ້ມແຂງຢ່າງບໍ່ຢຸດຢັ້ງ.
ໂດຍ: ທອງຈັນ ຍິງຟອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
