ວັນຈັນ, ວັນທີ 14 ຕຸລາ 2024
ຈັດການແຂ່ງຂັນກິລາມວນຊົນທົ່ວກົມ 213
ເວລາອອກຂ່າວ: 2019-08-01 10:12:50 | ຜູ້ຂຽນ : admin3 | ຈຳນວນຄົນເຂົ້າຊົມ: 297 | ຄວາມນິຍົມ: 
ຂະບວນການແຂ່ງຂັນກີລາ ມວນຊົນໄລຍະສັ້ນຂໍ່ານັບຮັບ
ຕ້ອນກອງປະຊຸມໃຫຍ່ ຄັ້ງທີ V
ຂອງຄະນະພັກ ອົງການກົມ 213
ໄດ້ຈັດຂຶ້ນໃນ ຕອນເຊົ້າວັນທີ 26 ກໍລະກົດນີ້, ທີ່ເດີ່ນກີລາ ກອງພັນ 233 ໂດຍການເປັນປະ ທານ ຂອງສະຫາຍ ພັນເອກ ທອງພັນ ຊິງວົງໄຊ ຮອງເລຂາ ຄະນະພັກອົງການກົມ, ຮອງ
ຫົວໜ້າກົມ 213, ມີສະຫາຍ
ພັນໂທ ທຸມມາ ພົມມະທຳ ຄະນະ ພັກອົງການກົມ, ຮອງຫົວໜ້າ ກົມ 213 ທັງເປັນຫົວໜ້າຄະ
ນະຊີ້ນຳວຽກງານຂະບວນການ ແຂ່ງຂັນກີລາໃນຄັ້ງນີ້, ມີສະຫາຍ ພັນໂທ ຄຳໄພ ສຳມະວົງ ເລຂາ ຄະນະພັກຮາກຖານ, ຫົວໜ້າການ
ເມືອງກອງພັນ 233 ພ້ອມດ້ວຍ ຄະນະ, ມີບັນດາຄະນະຮັບຜິດ ຊອບ ແລະ ອະນຸກຳມະການ ຕະ
ຫຼອດຮອດນັກກີລາແຕ່ລະກົມ ກອງເຂົ້າຮ່ວມຢ່າງເປັນຂະບວນ ການຟົດຟື້ນ.
ກີລາທີ່ນຳມາແຂ່ງໃນຄັ້ງນີ້ ມີ: ກີລາບານເຕະຊາວໜຸ່ມ, ກີລາ ບານສົ່ງ ຊາຍ-ຍິງ, ກີລາເປຕັງ ຊາຍ-ຍິງ, ພາກສ່ວນກົມກອງເຂົ້າ ຮ່ວມແຂ່ງຂັນມີ: ທີມກີລາບັນດາ ຫ້ອງການຂອງກົມ 213, ໂຮງ ຮຽນ 306, ໂຮງຮຽນ 301, ສູນ 13, ສູນ 35, ສູນ 32, ກອງພັນ 433, ກອງພັນ 233 ເຊິ່ງຜົນ ການແຂ່ງຂັນກີລາບານເຕະຊີງ ຊະນະເລີດກອງພັນ 233 ເອົາຊະ ນະທີມອົງການກົມ 213 ໄປ 5 ຕໍ່ 4 ປະຕູ, ພ້ອມຂອງຂວັນລາງວັນ ເງິນສົດ 500.000 ກີບ,ທີ 2 ແມ່ນອົງການກົມ 213 ຮັບເງິນ ສົດ 300.000 ກີບ, ທີມບານສົ່ງ ຊາຍ: ຊະນະເລີດແມ່ນກອງພັນ 233 ເອົາຊະນະທີມອົງການກົມ 213 ໄປ 2 ຕໍ່ 1 ເຊັດ, ພ້ອມຂອງ ຂວັນລາງວັນເງິນສົດ 300.000 ກີບ, ທີ 2 ແມ່ນອົງການກົມ 213 ຮັບເງິນສົດ 200.000 ກີບ, ທີມ ບານສົ່ງຍິງ: ຊະນະເລີດແມ່ນອົງ ການກົມ 213 ເອົາຊະນະທີມ ກອງພັນ 233 ໄປ 3 ຕໍ່ 1 ເຊັດ, ພ້ອມຂອງຂວັນລາງວັນເງິນສົດ 300.000 ກີບ, ທີ 2 ແມ່ນກອງ ພັນ 233 ຮັບເງິນສົດ 200.000 ກີບ, ທີມເປຕັງຊາຍ: ຊະນະເລີດ ໄດ້ແກ່ໂຮງຮຽນ 301 ພ້ອມຂອງ ຂວັນລາງວັນເງິນສົດ 200.000 ກີບ, ທີ 2 ແມ່ນສູນ 32 ຮັບເງິນ ສົດ 150.000 ກີບ, ທີ 3 ແມ່ນ ສູນ 13 ຮັບເງິນສົດ 100.000 ກີບ, ທີມກີລາເປຕັງຍິງ: ຊະນະ ເລີດໄດ້ແກ່ກົມ 213 ພ້ອມຂອງ ຂວັນລາງວັນເງິນສົດ 200.000 ກີບ, ທີ 2 ແມ່ນ ສູນ 35 ຮັບເງິນ ສົດ 150.000 ກີບ, ທີ 3 ແມ່ນ ສູນ
13 ຮັບເງິນສົດ 100.000 ກີບ.
ໃນການເປີດຂະບວນການ ແຂ່ງຂັນໃນຄັ້ງນີ້ກໍເພື່ອຮັດແໜ້ນ ຄວາມສາມັກຄີລະຫວ່າງກົມ ກອງ, ສູນ, ໂຮງຮຽນທີ່ຂຶ້ນກັບ ກົມ 213 ເພື່ອພ້ອມກັນສ້າງຂະ ບວນການຕ່າງໆຕ້ອນຮັບກອງ ປະຊຸມໃຫຍ່ ຄັ້ງທີ Vຂອງຄະນະ ພັກອົງການກົມ 213 ໃຫ້ມີບັນ ຍາກາດຟົດຟື້ນຢ່າງຕໍ່ເນື່ອງ.
ໂດຍ: ໄມບຸນຫົນ ສຸດທິບັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
