ວັນອາທິດ, ວັນທີ 19 ເມສາ 2026
ກອງຮ້ອຍ 15 ທະຫານແຂວງອຸດົມໄຊ ຮັບສະມາຊິກພັກໃໝ່
ເວລາອອກຂ່າວ: 2025-07-16 09:56:17 | ຜູ້ຂຽນ : admin1 | ຈຳນວນຄົນເຂົ້າຊົມ: 2372 | ຄວາມນິຍົມ: 
ໃນວັນທີ 9 ກໍລະກົດ 2025, ໜ່ວຍພັກກອງຮ້ອຍ 15 ກອງບັນຊາການທະຫານແຂວງອຸດົມໄຊໄດ້ຈັດພິທີຮັບມະຫາຊົນຜູ້ກ້າວ ໜ້າເຂົ້າເປັນສະມາຊິກພັກສະໄໝສຳຮອງ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ, ໂດຍການເປັນປະທານຂອງ ສະຫາຍ ພັນໂທ ສົມພອນ ແສນອາລິນ ຮອງຫົວໜ້າຫ້ອງການເມືອງ ກອງບັນຊາການທະ ຫານແຂວງອຸດົມໄຊ, ມີຄະນະພັກ-ຄະນະບັນຊາ ພະແນກການທີ່ກ່ຽວຂ້ອງ ຕະຫຼອດຮອດສະ ມາຊິກພັກສົມບູນ-ສຳຮອງ ເຂົ້າຮ່ວມ.
ສະຫາຍ ພັນຕີ ສີສະຫວ່າງ ແດງສະຫວັນ ຮອງຫົວໜ້າພະແນກຈັດຕັ້ງພັກ ກອງບັນຊາການທະຫານແຂວງອຸດົມໄຊ ໄດ້ຜ່ານມະຕິຕົກລົງຂອງຄະນະປະຈຳພັກກອງບັນຊາການທະຫານແຂວງອຸດົມໄຊ ວ່າດ້ວຍການອະນຸມັດເລື່ອນສະມາຊິກພັກສຳຮອງເປັນສະມາຊິກພັກສົມບູນ, ອີງຕາມກົດລະບຽບພັກປະຊາຊົນປະຕິວັດລາວ ສະ ໄໝທີ XI ວ່າດ້ວຍການພິຈາລະນາເລື່ອນສະມາຊິກພັກສຳ
ຮອງເປັນສະມາຊິກພັກສົມບູນຈຳ ນວນ 5 ສະຫາຍ ແລະ ມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 7 ສະຫາຍ.
ສະຫາຍ ພັນໂທ ສົມພອນ ແສນອາລິນ ໄດ້ເນັ້ນໜັກຕໍ່ຄະນະໜ່ວຍພັກ-ສະມາຊິກພັກເອົາ ໃຈໃສ່ໃນການສຶກສາອົບຮົມການເມືອງ-ນຳພາແນວຄິດ, ການຂະ ຫຍາຍພັກຕ້ອງຍຶດເອົາຫຼັກການ ແລະ ກົດລະບຽບຂອງພັກຢ່າງຖືກຕ້ອງເຂັ້ມງວດ, ສະມາຊິກພັກຕ້ອງເອົາໃຈໃສ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການ
ເມືອງ, ຄຸນສົມບັດສິນທຳປະຕິ ວັດ, ເພີ່ມທະວີຄວາມສາມັກຄີທັງພາຍໃນ ແລະ ພາຍນອກ, ລົງໃກ້ ຊິດຕິດແທດກັບມະຫາຊົນ, ຊອກຮູ້ຮ່ຳຮຽນຍົກສູງວິຊາສິເພາະ, ເປັນເຈົ້າການໃນການປະຕິບັດມະຕິຄຳສັ່ງຂອງຂັ້ນເທີງວາງອອກຢ່າງເຂັ້ມງວດ, ເຂົ້າຮ່ວມດຳເນີນຊີວິດການເມືອງໃຫ້ເປັນປົກກະຕິ, ຈັດຕັ້ງປະຕິບັດໜ້າທີ່ທີ່ພັກ ແລະ ຂັ້ນເທີງມອບໝາຍໃຫ້ສຳເລັດ ແລະ ຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ກາຍເປັນສະ ມາຊິກພັກແບບຢ່າງນຳໜ້າໃຫ້ແກ່ມະຫາຊົນ.
ໂດຍ: ເພັດໄຊ ສີສຸແພງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
