ວັນອາທິດ, ວັນທີ 08 ກຸມພາ 2026
ກອງພົນທີ 1 ປິດຊຸດຮຽນນາຍສິບ ແລະ ຊຸດຮຽນບຳລຸງການທະຫານຂັ້ນພື້ນຖານ
ເວລາອອກຂ່າວ: 2025-07-18 08:54:09 | ຜູ້ຂຽນ : admin1 | ຈຳນວນຄົນເຂົ້າຊົມ: 2687 | ຄວາມນິຍົມ: 
ວັນທີ 10 ກໍລະກົດນີ້, ສູນເຝິກອົບຮົມ ກອງພົນທີ 1 ໄດ້ຈັດພິທີປິດຊຸດຮຽນນາຍສິບ ຊຸດທີ XIII ແລະ ຊຸດຮຽນບຳລຸງການທະຫານຂັ້ນພື້ນຖານ ລະບົບ 6 ເດືອນ ຊຸດທີ II ປະຈຳສົກຮຽນ 2024-2025. ໂດຍການເປັນປະທານຂອງ ສະຫາຍ ພັນເອກ ພົງສຸລິຍາ ເພັງຄູນ ຫົວໜ້າກົມໂຮງຮຽນ ກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ, ຄູ-ອາຈານ ແລະ ນັກຮຽນເຂົ້າຮ່ວມ.
ສະຫາຍ ພັນໂທ ສົມຄິດ ໄຊຍະບຸດ ຮອງຫົວໜ້າການທະຫານ ຫົວໜ້າພະແນກເສນາ-ອົບຮົມສູນເຝິກອົບຮົມ ກອງພົນທີ 1 ໄດ້ສະຫຼຸບຕີລາຄາການຈັດຕັ້ງປະຕິບັດການຮຽນ-ການສອນ ຕະຫຼອດໄລຍະຜ່ານມາ, ຄະນະຮັບ
ຜິດຊອບແຕ່ລະຂັ້ນໄດ້ເອົາໃຈໃສ່ນຳພາ-ຊີ້ນຳຢ່າງໃກ້ຊິດເຮັດໃຫ້ຄູ-ອາຈານ ແລະ ນັກຮຽນມີຄວາມຕື່ນຕົວເປັນເຈົ້າການໃນການສິດສອນ ແລະ ຮ່ຳຮຽນ ເຮັດໃຫ້ມີຄູ-ອາຈານສອນດີ-ສອນເກັ່ງ 26 ສະຫາຍ ແລະ ສາມາດຕີລາຄາຜົນໄດ້ຮັບໃນການຮ່ຳຮຽນຂອງນັກຮຽນທັງ 2 ລະບົບ ຄື: 1. ລະບົບນາຍສິບ ຊຸດທີ XIII ຈຳນວນພົນ147 ສະຫາຍ ໄດ້ເກດ B+ ຈຳນວນ 34 ສະຫາຍ ເທົ່າກັບ 23,12 %, ເກດ B ຈຳນວນ 113 ສະຫາຍ ເທົ່າກັບ 76,87%. 2. ນັກຮຽນບໍລຸງການທະຫານ 60 ສະຫາຍ ໄດ້ເກດ B+ ຈຳນວນ 2 ສະຫາຍ ເທົ່າກັບ 3,33%, ເກດ B ຈຳນວນ 55 ສະຫາຍ ເທົ່າກັບ 91,87%, ເກດ C+ ຈຳນວນ 3 ສະຫາຍ ເທົ່າກັບ 5,00%. ການຈັດຕັ້ງອົບຮົມ-ຫັດແອບສາມາດຮັບປະກັນໄດ້ຄວາມປອດໄພ 100%.
ຈາກນັ້ນ; ສະຫາຍ ພັນຕີ ຄຳດວນ ລໍຫງຽນສິມ ຮອງຫົວໜ້າພະແນກກຳລັງພົນ ກອງພົນທີ 1 ໄດ້ຂຶ້ນຜ່ານຂໍ້ຕົກລົງປະກາດການເລື່ອນຊັ້ນສິບຕີ ຂຶ້ນ ສິບເອກ ຈຳນວນ 98 ສະຫາຍ, ສິບໂທ ຂຶ້ນ ຊັ້ນສິບເອກ ຈຳນວນ 12 ສະຫາຍ, ສິບເອກ ຂຶ້ນ ວາທີ ຈຳນວນ 7 ສະຫາຍ. ພ້ອມນີ້ ຍັງໄດ້ມອບໃບປະກາສະນີຍະບັດ ໃຫ້ນັກຮຽນທັງສອງລະບົບ ຈຳນວນ 207 ສະຫາຍ; ພ້ອມທັງ ມອບໃບຍ້ອງຍໍ ແລະ ຂອງຂວັນລາງວັນໃຫ້ອາຈານສອນດີ-ສອນເກັ່ງ ແລະ ນັກຮຽນດີ-ຮຽນເກັ່ງ ຕືມອີກ.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
