ວັນເສົາ, ວັນທີ 24 ມັງກອນ 2026
ຂະແໜງສະຫະພັນແມ່ຍິງ ກອງພັນໃຫຍ່ 643 ຈັດກິດຈະກຳຕ້ອນຮັບວັນສ້າງຕັ້ງແມ່ຍິງລາວ
ເວລາອອກຂ່າວ: 2025-07-18 08:58:42 | ຜູ້ຂຽນ : admin1 | ຈຳນວນຄົນເຂົ້າຊົມ: 4028 | ຄວາມນິຍົມ: 
ເພື່ອເປັນການສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ ໃຫ້ມີບັນຍາກາດຟົດຟື້ນນັ້ນ. ໃນວັນທີ 14 ກໍລະກົດ 2025 ນີ້, ຂະແໜງສະຫະພັນແມ່ຍິງກອງ ພັນໃຫຍ່ 643 ໄດ້ຈັດກິດຈະກຳແລ່ນລານ ໄລຍະ 50 ແມັດ, 100 ແມັດ ແລະ ແລ່ນ 3 ຂາ, ໂດຍການເປັນປະທານຂອງ ສະຫາຍ ພັນໂທ ນາງ ຈັນພຸດ ສົມໄພວັນ ຫົວໜ້າຂະແໜງສະຫະພັນແມ່ຍິງ ກອງພັນໃຫຍ່ 643.
ຜ່ານການແຂ່ງຂັນຕົວຈິງ ແລ່ນລານ ໄລຍະ 50 ແມັດ ທີ I ແມ່ນໜ່ວຍສະຫະພັນແມ່ຍິງພະແນກບໍລິຫານ, ທີ II ໜ່ວຍແມ່ຍິງກອງພັນ 975, ທີ III ໜ່ວຍແມ່ຍິງກອງພັນ 977; ແລ່ນລານ ໄລຍະ 100 ແມັດ ທີ I ໜ່ວຍແມ່ຍິງກອງພັນ 975, ທີ II ໜ່ວຍແມ່ຍິງ ກອງຮ້ອຍ 159, ທີ III ໜ່ວຍແມ່ ຍິງ ກອງຮ້ອຍ 207 ແລະ ກິລາແລ່ນສາມຂາ ຫຼື ແລ່ນຄູ່ ທີ I ແມ່ນໜ່ວຍແມ່ຍິງ ກອງພັນ 975, ທີ II ໜ່ວຍແມ່ຍິງພະແນກການເມືອງ-ເສນາ, ທີ III ໜ່ວຍແມ່ຍິງພະລາ-ເຕັກນິກ. ກິດຈະກຳຄັ້ງນີ້, ນອກຈາກສ້າງໄດ້ບັນຍາກາດຟົດຟື້ນ ເພື່ອຂໍ່ານັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີແລ້ວ ຍັງສ້າງໄດ້ ຄວາມສາມັກຄີເຊິ່ງກັນ ແລະ ກັນ ລະຫວ່າງສະມາຊິກແມ່ຍິງພາຍໃນກົມກອງ ອີກດ້ວຍ.
ໂດຍ: ຄຳໝັ້ນ ຄົງວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
