ວັນອາທິດ, ວັນທີ 08 ກຸມພາ 2026
ຫ້ອງເຕັກນິກ ທະຫານແຂວງວຽງຈັນ ເປີດອົບຮົມ-ຫັດແອບ ປະຈຳປີ 2025
ເວລາອອກຂ່າວ: 2025-07-18 09:00:37 | ຜູ້ຂຽນ : admin1 | ຈຳນວນຄົນເຂົ້າຊົມ: 4002 | ຄວາມນິຍົມ: 
ວັນທີ 15 ກໍລະກົດ 2025 ນີ້, ຫ້ອງເຕັກນິກກອງບັນຊາການທະຫານແຂວງວຽງຈັນ ໄດ້ເປີດຊຸດອົບຮົມ-ຫັດແອບການທະຫານ, ການເມືອງ, ພະ ລາທິການ-ເຕັກນິກ ປະຈຳປີ 2025, ໂດຍການເປັນປະທານຂອງ ສະຫາຍ ພັນໂທ ວຽງຄຳ ວິລະວົງ ຫົວໜ້າຫ້ອງເຕັກນິກ ກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາ, ພະແນກການ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສີເຟືອງ ນ້ອຍມະນີວອນ ຮອງຫົວໜ້າຫ້ອງເຕັກນິກ ໄດ້ຜ່ານແຜນການອົບຮົມ-ຫັດແອບປະຈຳປີ ອີງຕາມຄຳສັ່ງຂອງກົມໃຫຍ່ເຕັກນິກກອງທັບ ວ່າດ້ວຍການອົບຮົມ-ຫັດແອບວຽກງານເຕັກນິກໃຫ້ກຳ ລັງຫຼວງ ແລະ ກຳລັງທ້ອງຖິ່ນ ປະຈຳປີ 2024, ອີງຕາມຄຳສັ່ງ ຂອງກອງບັນຊາການທະຫານແຂວງວຽງຈັນ ວ່າດ້ວຍການອົບຮົມ-ຫັດແອບການທະຫານ, ການເມືອງ ປະຈຳປີ 2025. ເພື່ອເປັນການອົບຮົມ-ຫັດແອບ, ປັບປຸງລະບຽບແບບແຜນ, ເຝິກ ຝົນກຳລັງແຮງກາຍ ເຮັດໃຫ້ພະນັກງານ-ນັກຮົບ ມີຄວາມຮູ້ ຄວາມສາມາດທາງດ້າງວິຊາ ສະເພາະເຕັກນິກ, ສິລະປະຍຸດ, ຍຸດທະວິທີສູ້ຮົບໃຫ້ມີຄວາມຊຳນິຊຳນານ ແລະ ຍົກສູງລະດັບຄວາມຮູ້, ຄວາມສາມາດທາງ ດ້ານການຄຸ້ມຄອງນຳໃຊ້, ບົວ ລະບັດປົກປັກຮັກສາພາຫະນະ, ອາວຸດຍຸດໂທປະກອນທີ່ມີໃນກົມກອງຂອງຕົນ, ເປັນການທວນຄືນບັນດາບົດຮຽນ, ຂໍ້ກຳ ນົດ, ກົດລະບຽບຕ່າງໆ ທີ່ໄດ້ຮຽນມາຂອງບັນດາພະນັກງານວິຊາສະເພາະເຕັກນິກ ແລະ ຈັດຕັ້ງປະຕິບັດຕົວຈິງຢູ່ໃນກົມກອງ, ກວດກາຄວາມຮູ້ຄວາມ ສາມາດຂອງພະນັກງານເຕັກນິກສ້ອມແປງ ແລະ ນັກຂັບຂີ່ ຕໍ່ກັບການຍົກສູງນໍ້າໃຈຮັບຜິດຊອບ ໃນການປົກປັກຮັກສາວັດຖຸ, ພາ ຫະນະອາວຸດຍຸດໂທປະກອນທີ່ຂັ້ນເທິງປະກອບໃຫ້ມີອາຍຸການນຳໃຊ້ຍາວນານ. ການອົບຮົມ-ຫັດແອບຄັ້ງນີ້ ກຳນົດເວລາ 145 ວັນ ໃນນີ້, ອົບຮົມວິຊາການເມືອງ 15 ວັນ, ການທະຫານ 20 ວັນ, ພະລາທິການ 10 ວັນ ແລະ ວຽກງານເຕັກນິກ 100 ວັນ.
ສະຫາຍ ພັນໂທ ວຽງຄຳ ວິລະວົງ ໄດ້ເນັ້ນໜັກໃຫ້ຄະນະຊີ້ນຳອົບຮົມ-ຫັດແອບ ຕະຫຼອດຮອດພະນັກງານ-ນັກຮົບ ຈົ່ງພ້ອມກັນຈັດຕັ້ງປະຕິບັດແຜນ ການອົບຮົມ-ຫັດແອບໃຫ້ເຂັ້ມງວດ ແລະ ຮັບປະກັນຄຸນນະພາບ, ເອົາໃຈໃສ່ປະຕິບັດຕາມໂມງເວລາຫັດແອບ ແລະ ຖືເອົາວຽກງານອົບຮົມ-ຫັດແອບ ໃນຄັ້ງນີ້ ເພື່ອປັບປຸງກໍ່ສ້າງກົມກອງໃຫ້ມີຄວາມເຕີບໃຫຍ່, ເຂັ້ມແຂງ ແລະ ທັນສະໄໝ ເທື່ອລະກ້າວ.
ໂດຍ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
