POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ມັງກອນ 2026

ວຕກ ສະຫຼຸບຕີລາຄາການນຳພາ ຂອງຄະນະບໍລິຫານງານພັກ ປະຈຳ 6 ເດືອນຕົ້ນປີ
ເວລາອອກຂ່າວ: 2025-07-18 15:59:27 | ຜູ້ຂຽນ : admin2 | ຈຳນວນຄົນເຂົ້າຊົມ: 3159 | ຄວາມນິຍົມ:

ວັນທີ 16 ກໍລະກົດ 2025 ນີ້, ວິທະຍາຄານເຕັກນິກການທະຫານ (ວຕກ) ໄດ້ສະຫຼຸບຕີລາຄາການນຳພາ ຂອງຄະນະບໍລິຫານງານພັກ ປະຈຳ 6 ເດືອນຕົ້ນປີ ໂດຍພາຍໃຕ້ການເປັນປະທານ ຂອງສະຫາຍ ພົນຈັດຕະວາ ແສງຍືນ ລັດສະໝີ ເລຂາຄະນະພັກ, ຫົວໜ້າການເມືອງ, ມີສະຫາຍ ພົນຈັດຕະວາ ປອ ຟອງສະໝຸດ ພົນທິລາດ ຮອງເລຂາຄະນະພັກ, ຫົວໜ້າການທະຫານ ວິທະຍາຄານເຕັກນິກການທະຫານ ພ້ອມດ້ວຍຄະນະພັກ-ຄະນະອຳນວຍການ, ປະທານ ແລະ ຮອງປະທານກວດກາພັກຕະຫຼອດຮອດ ພະແນກການທີ່ກ່ຽວຂ້ອງເຂົ້າຮ່ວມ. ສະຫາຍ ພັນໂທ ຄຳເຜີຍ ທຳມະນີວົງ ກຳມະການຄະນະພັກ, ຫົວໜ້າຫ້ອງການເມືອງ ໄດ້ຜ່ານບົດສະຫຼຸບ ຕີລາຄາການນໍາພາຂອງຄະນະບໍລິຫານງານພັກ ວິທະຍາຄານເຕັກນິກການທະຫານ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025 ເຊິ່ງເຫັນໄດ້ວ່າ ໃນໄລຍະຜ່ານມາ, ສະພາບພາຍໃນກົມກອງ ມີຄວາມສະຫງົບໂດຍພື້ນຖານ, ສະພາບການເມືອງ-ແນວຄິດຂອງພະນັກງານ-ນັກຮົບ, ນັກສຶກສາມີຄວາມອຸ່ນອຽນທຸ່ນທ່ຽງ ເນື່ອງມາຈາກຄະນະພັກ ວິທະຍາຄານເຕັກນິກການທະຫານໄດ້ເປັນໃຈກາງເຕົ້າໂຮມຄວາມສາມັກຄີ, ເປັນຫຼັກແຫຼ່ງໃນການນຳພາ-ຊີ້ນຳທຸກຂົງເຂດວຽກງານຢ່າງມີຈຸດສຸມ ແລະ ແທດເໝາະກັບສະພາບຕົວຈິງຂອງກົມກອງ ຄຽງຄູ່ກັບການປະຕິບັດບັນດາຂໍ້ກຳນົດ, ກົດລະບຽບຕ່າງໆ, ປັບປຸງລະບົບປະຈຳການ, ການປ້ອງກັນເວນຍາມຢ່າງມີລະບຽບແບບແຜນ. ວຽກງານລົງກໍ່ສ້າງຮາກຖານການເມືອງ ໄດ້ສົມທົບກັບອໍານາດການປົກຄອງ 11 ບ້ານ ກຸ່ມບ້ານໂຄກສີວິໄລ ໃນການເກັບກໍາຂໍ້ມູນສະພາບການຮອບດ້ານ ໃນນີ້, ໄດ້ສ່ອງແສງ, ແລກປ່ຽນບົດຮຽນກັບກຸ່ມບ້ານ 24 ຄັ້ງ, ເກັບກຳແກ້ໄຂປາກົດການຫຍໍ້ທໍ້ໄດ້ 25 ເລື່ອງ; ຈັດກຳລັງປ້ອງກັນເວນຍາມ ຕະຫຼອດ 24 ຊົ່ວໂມງ ແລະ ສາລະເວຂອບເຂດກົມກອງຕັ້ງທັບ ເພື່ອໃຫ້ ວຕກ ມີຄວາມສະຫງົບ; ຊີ້ນຳຄະນະພັກ-ຄະນະບັນຊາທຸກຂັ້ນເພື່ອປຸກລະດົມພະນັກງານ-ສະມາຊິກພັກເຊື່ອມຊຶມ ກຳແໜ້ນແນວທາງການນຳພາຂອງພັກ ດ້ວຍຫຼາຍຮູບການ ໃນນີ້, ໄດ້ຈັດພິທີປາຖະກະຖາວັນສຳຄັນຕ່າງໆ ຂອງຊາດ, ຂອງພັກ, ຂອງກອງທັບ ນອກນັ້ນ, ຍັງໄດ້ຊຸກຍູ້ຂະບວນການຢູ່ພາຍໃນຢ່າງຟົດຟື້ນ ເປັນຕົ້ນຂະບວນການແຂ່ງຂັນສອນດີ-ຮຽນເກັ່ງ, ຂະບວນການກິລາ, ອອກແຮງງານ ແລະ ສິລະປະ-ວັນນະຄະດີ, ສົ່ງເສີມການຂຽນຂ່າວ ວຽກດີຄົນເດັ່ນ, ກົມກອງດີເດັ່ນຜ່ານສື່ຕ່າງໆ ເຊັ່ນ ສົ່ງຂ່າວໃຫ້ໜັງສືພິມ, ວິທະຍຸ, ໂທລະພາບກອງທັບ ແລະ ລົງເຟສບຸກຂອງ ວຕກ ໄດ້ 175 ບົດ; ວຽກງານກ່ໍສ້າງພັກ ໄດ້ຂະຫຍາຍມະຫາຊົນເຂົ້າພັກໄດ້ທັງໝົດ 52 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ, ຮຽນເອກະສານສະໜັບສະໜູນ-ກົດລະບຽບພັກ 41 ສະຫາຍ, ຈັດກອງປະຊຸມຄົບຄະນະບໍລິຫານງານພັກ ວຕກ 8 ຄັ້ງ ເພື່ອຕິດຕາມກວດກາ ແບບແຜນການນຳພາ, ແບບແຜນວິທີເຮັດວຽກຂອງຄະນະພັກແຕ່ລະຂັ້ນ ໂດຍຈັດກອງປະຊຸມຮັບສ່ອງແສງປະຈຳເດືອນເປັນປົກກະຕິ ບົນພື້ນຖານຫລັກການລວມສູນປະຊາທິປະໄຕ; ເອົາໃຈໃສ່ສັບຊ້ອນຄຸ້ມຄອງພະນັກງານເຂົ້າສູ່ລະບົບການຈັດຕັ້ງຢ່າງເປັນເອກະພາບ ພ້ອມທັງ ຄົ້ນຄວ້າປັບປຸງບູລະນະການຈັດຕັ້ງຢູ່ແຕ່ລະຫົວໜ່ວຍກົມກອງເປັນປົກກະຕິ ແລະ ທະນຸບໍາລຸງພະນັກງານສືບທອດປ່ຽນແທນ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນສະເພາະໜ້າ ແລະ ຍາວນານ ພ້ອມທັງປະຕິບັດນະໂຍບາຍຕໍ່ນາຍ ແລະ ພົນທະຫານຕາມຂໍ້ກຳນົດຂອງຂັ້ນເທິງ ອັນທີ່ພົ້ນເດັ່ນແມ່ນປະກາດການປະດັບຊັ້ນໃຫ້ພົນທະຫານ ທັງໝົດ 154 ສະຫາຍ; ໃກ້ຊິດຕິດແທດ ຊີ້ນຳອົງການຈັດຕັ້ງມະຫາຊົນ ເພື່ອເຄື່ອນໄຫວເປັນກຳລັງແຮງໃຫ້ແກ່ທຸກຂະບວນການໃນນີ້ ມີເງິນກອງທຶນໝູນວຽນພັດທະນາຊາວໜຸ່ມ-ແມ່ຍິງ ທັງໝົດ 1.649.010.000 ກີບ. ຍາມໃດຄະນະພັກ ວຕກ ກ່ໄດ້ຍົກສູງການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຕິດພັນກັບການກ່ໍສ້າງກົມກອງ 3 ປອດ ຄຽງຄູ່ກັບການປະຕິບັດນະໂຍບາຍຕໍ່ພະນັກງານ-ນັກຮົບ, ນັກສຶກສາ ຢ່າງທົ່ວເຖິງ ແລະ ມອບໃບຍ້ອງຍໍບຸກຄົນ, ກົມກອງລວມໝູ່ ເພື່ອປຸກລະດົມຈິດໃຈ ນາຍ ແລະ ພົນທະຫານໃຫ້ຫ້າວຫັນໃນການປະຕິບັດໜ້າທີ່ວຽກງານ. ໄປຄຽງຄູ່ກັນນັ້ນ, ຍັງໄດ້ຖືເອົາວຽກງານອົບຮົມກໍ່ສ້າງກຳລັງເປັນເປົ້າໝາຍໃຈກາງຂອງກົມກອງ ເພື່ຶອຕອບສະໜອງເຫຼົ່າຮົບເຕັກນິກໃຫ້ແກ່ກອງທັບ ພົ້ນເດັ່ນແມ່ນສຳເລັດການອົບຮົມກໍ່ສ້າງນັກສຶກສາ ທັງ 5 ລະບົບ ໃນສົກຮຽນ 2024-2025 ທັງໝົດ 136 ສະຫາຍ; ວຽກງານພະລາທິການ ໄດ້ ຖືສຳຄັນຊອກຫາແຫຼ່ງລາຍຮັບເຂົ້າກົມກອງ ຕາມທິດເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບພາຍໃນຕາມຄວາມອາດສາມາດບົ່ມຊ້ອນຂອງກົມກອງ ແລະ ປະຕິບັດລະບົບເສດຖະກິດເປີດເຜີຍ, ເບີກຈ່າຍອັດຕາໃຫ້ນາຍ ແລະ ພົນທະຫານ, ນັກສຶກສາຕາມການແບ່ງປັນຂອງຂັ້ນເທິງ ເພື່ອຊ່ວຍໃຫ້ກຳລັງພາຍໃນກົມກອງຂອງຕົນມີຄວາມເຂັ້ມແຂງ, ອີ່ມໜຳສຳລານເທື່ອລະກ້າວ. ໃນກອງປະຊຸມ ຍັງໄດ້ຜັດປ່ຽນກັນປະກອບຄຳຄິດເຫັນເພື່ອແກ້ໄຂຂໍ້ຄົງຄ້າງໃຫ້ດີຂຶ້ນໃນຕໍ່ໜ້າ. ໂດຍ: ເພັດນາລີ.

news to day and hot news