POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 16 ເມສາ 2026

ວຕກ ມອບເງິນອຸດໜູນບຳນານໃຫ້ນາຍທະຫານຂັ້ນສູງ ແລະ ເງິນເສຍຊີວິດໃຫ້ແກ່ຄອບຄົວນາຍທະຫານ
ເວລາອອກຂ່າວ: 2025-07-18 16:38:23 | ຜູ້ຂຽນ : admin2 | ຈຳນວນຄົນເຂົ້າຊົມ: 6321 | ຄວາມນິຍົມ:

ພິທີມອບເງິນອຸດໜູນບໍານານໃຫ້ນາຍທະຫານຂັ້ນສູງ ແລະ ເງິນເສຍຊີວິດໃຫ້ແກ່ຄອບຄົວນາຍທະຫານ ໄດ້ຈັດຂຶ້ນໃນວັນທີ 17 ກໍລະກົດ 2025 ນີ້, ໂດຍການເປັນປະທານ ແລະ ກ່າວມອບໂດຍ ສະຫາຍ ພົນຈັດຕະວາ ແສງຍືນ ລັດສະໝີ ຫົວໜ້າ ການເມືອງ ວິທະຍາຄານເຕັກນິກການທະຫານ, ມີບັນດາຄະນະພັກ-ຄະນະອຳນວຍການ, ຕ່າງໜ້າຫ້ອງ ແລະ ພາກສ່ວນກ່ຽວຂ້ອງເຂົ້າຮ່ວມ. ສະຫາຍ ພັນໂທ ສົມສຸກ ແກ້ວຄຳພົນ ຫົວໜ້າພະແນກພະນັກງານ ວິທະຍາຄານເຕັກນິກການທະຫານ ຂຶ້ນຜ່ານ ຂໍ້ຕົງລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານຂັ້ນສູງພັກການຮັບບຳນານ, ໂດຍອະນຸມັດໃຫ້ ສະຫາຍ ພັນເອກ ສີສະໝອນ ໂນລະສິນ ອໍານວຍການຫົວໜ້າການທະຫານ ວິທະຍາຄານເຕັກນິກ ການທະຫານ ພັກການຮັບບຳນານ ນັບແຕ່ງວດ 2 ປີ 2025 ເປັນຕົ້ນໄປ ໂດຍໄດ້ຍົກຂັ້ນເງິນເດືອນໃຫ້ທຽບເທົ່າຊັ້ນພົນຈັດຕະວາ ເຊິ່ງເປັນຈຳນວນເງິນທັງໝົດ 22.044.469 ກີບ. ການມອບເງິນໃນຄັ້ງນີ້ ກໍເພື່ອເປັນທຶນຮອນ ໃນການຊ່ວຍເຫຼືອແກ້ໄຂຊີວິດການເປັນຢູ່ ໃຫ້ແກ່ພະນັກງານທີ່ໄດ້ຮັບບຳນານ ແລະ ເພື່ອເປັນການປະຕິບັດນະໂຍບາຍລວມຂອງພັກ-ລັດ ທີ່ມີຕໍ່ນາຍ ແລະ ພົນທະຫານ ໃນຖັນແຖວກອງທັບປະຊາຊົນລາວ ທີ່ໄດ້ປະກອບສ່ວນເຂົ້າໃນພາລະກິດປົກປັກຮັກສາປະເທດຊາດ ກໍ່ຄືກົມກອງຕາມໜ້າທີ່ວຽກງານ ທີ່ໄດ້ຮັບການມອບໝາຍຕະຫຼອດໄລຍະຜ່ານມາ ທັງເປັນການປະຕິບັດຕາມຂໍ້ຕົກລົງຂອງ ກະຊວງປ້ອງກັນປະເທດ ວ່າດ້ວຍການຕອບບຸນແທນຄຸນ ຂອງບັນດາ ສະຫາຍ ທີ່ໄດ້ເສຍສະຫຼະແຮງກາຍ ສະຕິປັນຍາຂອງຕົນເພື່ອພາລະກິດປົກປັກຮັກສາ ແລະ ສ້າງສາປະເທດຊາດ ກໍຄືການປະກອບສ່ວນເຂົ້າໃນການປັບປຸງກໍ່ສ້າງກົມກອງໃນໄລຍະຜ່ານມາເຊິ່ງມີຜົນງານອັນ ໃຫຍ່ຫຼວງຫຼາຍດ້ານ. ໃນພິທີຍັງໄດ້ມອບເງິນອູດໜູນໃຫ້ແກ່ຄອບຄົວຜູ້ເສຍຊີວິດ 1 ສະຫາຍ. ເຊິ່ງ ສະຫາຍ ພັນໂທ ກອງມະນີ ບົວລະວົງສາ ຫົວໜ້າພະແນກປະກັນສັງຄົມ ວຕກ ໄດ້ຜ່ານບົດບັນທຶກຂອງ ວຕກ ວ່າດ້ວຍການມອບເງິນອູດໜູນເສຍຊີວິດຂອງສະຫາຍ ພັນໂທ ຟອງທະເລ ຈັນທະດາລາອະດີດຮອງຫົວໜ້າພະແນກນະໂຍບາຍ ວຕກ ສະບັບເລກທີ 141/ພປຄ ໂດຍມອບຮ່ວງເງິນດັ່ງກ່າວຈຳນວນ 135.153.000 ກີບໃຫ້ແກ່ຄອບຄົວຜູ້ກ່ຽວ. ສະຫາຍ ພົນຈັດຕະວາ ແສງຍືນ ລັດສະໝີ ກໍ່ໄດ້ສະແດງຄວາມຮູ້ບຸນຄຸນຕໍ່ຜົນງານການເຄື່ອນໄຫວປະຕິວັດຂອງສະຫາຍທີ່ໄດ້ຮັບເງິນອູດໜູນບຳນານທີ່ໄດ້ມີຜົນງານປະກອບສ່ວນໃນພາລະກິດປະຕິວັດກໍຄືການສ້າງສາພັດທະນາກອງທັບ ເວົ້າສະເພາະຕິດແທດກັບການເຕີບໃຫຍ່ຂອງວິທະຍາຄານເຕັກນິກການທະຫານຕະຫຼອດໄລຍະຜ່ານມາ ພ້ອມທັງໃຫ້ຄຳໝັ້ນສັນຍາວ່າ ຈະຈາລຶກຄຸນງາມຄວາມດີ ແລະ ປູກຈິດສຳນຶກເຖິງຜົນງານຂອງສະຫາຍໃຫ້ພະນັກງານສືບທອດຮຸ່ນໜຸ່ນໄດ້ຮ່ຳຮຽນ ແລະ ຈົດຈຳ ພ້ອມທັງຮຽກຮ້ອງໃຫ້ ພະນັກງານທີ່ໄດ້ຮັບການພັກບໍານານ ສືບຕໍ່ເປັນພະນັກງານຫຼັກແຫຼ່ງທີ່ ດີ, ເປັນແບບຢ່າງໃຫ້ແກ່ສັງຄົມ, ຊ່ວຍເຫຼືອອໍານາດການປົກຄອງທ້ອງຖິ່ນທີ່ຕົນເອງສັງກັດຢູ່ ໃນການສຶກສາອົບຮົມການເມືອງແນວຄິດ,ເຕົ້າໂຮມຄວາມສາມັກຄີ, ປຸກລະດົມສັງຄົມໃຫ້ເຂົ້າໃຈແຈ້ງຕໍ່ແນວທາງແນວທາງນະໂຍບາຍຂອງພັກ-ລັດ, ຍົກສູງສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ, ສຶກສາອົບຮົມລູກຫຼານໃຫ້ເປັນຄົນດີ, ມີຄຸນທາດການເມືອງໜັກແໜ້ນ ແລະ ເນັ້ນໜັກໃຫ້ຄອບຄົວຜູ້ເສຍຊີວິດທີ່ໄດ້ ເງິນອູດໜູນໃນຄັ້ງ ຈົ່ງນຳໃຊ້ເງິນຈຳນວນດັ່ງກ່າວເຂົ້າໃນການແກ້ໄຂຊີວິດການເປັນຢູ່ ແລະ ພັດທະນາຄອບຄົວໃຫ້ອີ່ມໜຳສຳລານໃນສັງຄົມ. ໂດຍ: ເພັດນາລີ

news to day and hot news