ວັນສຸກ, ວັນທີ 16 ມັງກອນ 2026
ທະຫານແຂວງໄຊຍະບູລີ ປາຖະກະຖາມູນເຊື້ອວັນສຳຄັນຂອງຊາດ
ເວລາອອກຂ່າວ: 2025-08-01 09:01:41 | ຜູ້ຂຽນ : admin1 | ຈຳນວນຄົນເຂົ້າຊົມ: 980 | ຄວາມນິຍົມ: 
ວັນທີ 29 ກໍລະກົດ 2025, ຢູ່ທີ່ກອງບັນຊາການທະຫານແຂວງໄຊຍະບູລີ ໄດ້ປາຖະກະຖາວັນປະຫວັດສາດສຳຄັນຂອງຊາດ, ຂອງພັກ, ຂອງສາກົນ ແລະ
ເຊື່ອມຊຶມເອກະສານຂອງຂັ້ນເທິງ, ໂດຍການເປັນປະທານຂອງ ສະຫາຍ ພັນໂທ ສີປະເສີດ ສອນພັນ ວ່າການຫົວໜ້າຫ້ອງການເມືອງ ກອງບັນຊາການທະ
ຫານແຂວງໄຊຍະບູລີ, ມີຄະນະພັກ-ຄະນະບັນຊາ ອົງການ 5 ຫ້ອງ, ພະແນກການ, ໂຮງຮຽນ, ໂຮງໝໍ, ກອງພັນ ແລະ ກອງຮ້ອຍເອກະລາດ ເຂົ້າຮ່ວມ.
ຄະນະພັກ-ຄະນະບັນຊາ ກອງບັນຊາການທະຫານແຂວງໄຊຍະບູລີ ໄດ້ຜັດປ່ຽນກັນກ່າວປາຖະກະຖາມູນເຊື້ອ 2 ວັນປະຫັວດສາດ ຄື: ວັນຄ້າຍວັນເກີດປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909-13 ກໍລະກົດ 2025), ວັນເຊັນສົນທິສັນຍາມິດຕະພາບການຮ່ວມມື ລາວ-ຫວຽດນາມ ຄົບ
ຮອບ 48 ປີ (18 ກໍລະກົດ 1977-18 ກໍລະກົດ 2025), ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 63 ປີ (5 ກັນຍາ 1962-5 ກັນຍາ 2025) ແລະ ເຊື່ອມຊຶມຜົນສຳເລັດການເປັນປະທານອາຊຽນຂອງກະຊວງປ້ອງກັນປະເທດແຫ່ງ ສປປ ລາວ ປີ 2024, ເອກະສານຮ່ຳຮຽນເອົາແບບແຜນວິທີເຮັດເຮັດ ແລະ ຄຸນສົມບັດສິນທຳປະຕິວັດຂອງປະທານ ໄກສອນ ພົມວິຫານ ແລະ ເອກະສານຄຸນທາດການເມືອງ ແລະ ຄຸນສົມບັດສິນທຳປະຕິວັດຂອງພະນັກງານສະມາຊິກພັກໃນເງື່ອນໄຂປັດຈຸບັນ. ທັງນີ້, ເພື່ອເຮັດໃຫ້ພະນັກງານສະມາຊິກພັກ ພະນັກງານຫຼັກແຫຼ່ງໄດ້ຮັບຮູ້ ເຊື່ອມຊຶມກ່ຽວກັບມູນເຊື້ອວິລະກຳອັນລ້ຳເລີດ, ຜົນງານ, ຄຸນງາມຄວາມດີ ແລະ ຄຸນສົມບັດສິນທຳປະຕິວັດຂອງປະທານ ສຸພານຸວົງ, ສຶກສາເອົາແບບແຜນວິທີເຮັດ ແລະ ຄຸນສົມບັດສິນທຳປະຕິວັດຂອງຜູ້ນຳລາວໃນເມື່ອກ່ອນ ເພື່ອເປັນແບບຢ່າງມາໝູນໃຊ້ເຂົ້າໃນພາ
ລະກິດໃນໄລຍະໃໝ່ຂອງພັກຂອງຕົນເອງ ແລະ ຮັບຮູ້ປະຫວັດຄວາມເປັນມາ, ການເຕີບໃຫຍ່ຂະຫຍາຍຕົວຂອງຄວາມສາມັກຄີແບບພິເສດ ແລະ ການຮ່ວມມື
ຮອບດ້ານລະຫວ່າງ ລາວ-ຫວຽດນາມ ຕະຫຼອດໄລຍະຕໍ່ສູ້ກູ້ຊາດ, ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່; ພ້ອມທັງ ໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ຂອງສອງຊາດ ລາວ-ຫວຽດນາມ ຈົນເຖິງປັດຈຸບັນ.
ໂດຍ: ນາງ ບົວລິວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
