POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 21 ພຶດສະພາ 2026

ເຜີຍແຜ່ຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະບັນຊາ ສູນແກ້ໄຂລະເບີດບໍ່ທັນແຕກ ແລະ ເຝິກອົບຮົມ ບັນເທົາໄພພິບັດກອງທັບ (ສູນ 523)
ເວລາອອກຂ່າວ: 2025-08-01 09:08:12 | ຜູ້ຂຽນ : admin1 | ຈຳນວນຄົນເຂົ້າຊົມ: 1104 | ຄວາມນິຍົມ:

ໃນວັນທີ 31 ກໍລະກົດ 2025 ນີ້, ຢູ່ກອງກວດກູ້ລະເບີດເພື່ອມະນຸດສະທຳ 58 ໄດ້ຈັດຕັ້ງເຜີຍແຜ່ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະບັນຊາສູນແກ້ໄຂລະເບີດບໍ່ທັນແຕກ ແລະ ເຝິກອົບຮົມ ບັນເທົາໄພພິບັດກອງທັບ (ສູນ 523), ໂດຍການເປັນປະທານ ຂອງ ສະຫາຍ ພັນໂທ ພອນແກ້ວ ອໍລະດົມ ຫົວໜ້າການທະຫານກອງກວດ-ກູ້ລະເບີດເພື່ອມະນຸດສະທຳ 58, ມີຄະນະພັກ-ຄະນະບັນຊາ, ພະແນກການ, ພ້ອມດ້ວຍພະນັກງານ-ນັກງານນັກຮົບເຂົ້າຮ່ວມ. ສະຫາຍ ພັນໂທ ແດງ ບຸດຕະວົງ ຫົວໜ້າການເມືອງ ກອງກວດກູ້ລະເບີດເພື່ອມະນຸດສະທຳ 58 ໄດ້ເຜີຍແຜ່ຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະບັນຊາສູນແກ້ໄຂລະເບີດບໍ່ທັນແຕກ ແລະ ເຝິກອົບຮົມ ບັນເທົາໄພພິບັດກອງທັບ (ສູນ 523) ໂດຍອີງຕາມ ກົດໝາຍນາຍທະຫານກອງທັບປະຊາຊົນລາວ ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນກຳລັງປະກອບ ອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກ ຮັກສາ ແລະ ພັດທະນາປະເທດຊາດ, ອີງຕາມ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການຍົກລະດັບກອງຮ້ອຍ 58 ຂຶ້ນເປັນສູນແກ້ໄຂລະເບີດບໍ່ທັນແຕກ ແລະ ເຝິກອົບຮົມບັນເທົ່າໄພພິບັດ ກອງທັບ. ອີງຕາມ ການຄົ້ນຄວ້າ ແລະ ນຳສະເໜີຂອງກົມໃຫຍ່ການເມືອງກອງທັບ ກະຊວງປ້ອງກັນປະເທດ ຕົກລົງແຕ່ງຕັ້ງ ບັນດາຫົວໜ້າ ແລະ ຮອງຫົວໜ້າສູນແກ້ໄຂລະເບີດບໍ່ທັນແຕກ ແລະ ເຝິກອົບຮົມບັນເທົ່າ ໄພພິບັດກອງທັບ, ໃນນີ້ ແຕ່ງຕັ້ງ ພັນເອກ ປາດຖະໜາ ບຸດຕິຈັກ ເປັນຫົວໜ້າການເມືອງສູນ, ພັນໂທ ພອນແກ້ວ ອໍລະດົມ ເປັນຫົວໜ້າການທະຫານສູນ, ພັນໂທ ແກ້ວມະນີ ເພັງບຸນເຮືອງ ເປັນຮອງຫົວໜ້າການທະຫານສູນ, ທັງເປັນຫົວໜ້າພະແນກເສນາທິການສູນ, ພັນໂທ ແດງ ບຸດຕະວົງ ເປັນຮອງຫົວໜ້າການເມືອງສູນ, ທັງເປັນຫົວໜ້າພະແນກ ການເມືອງສູນ. ໃນການຈັດຕັ້ງເຜີຍແຜ່ຄັ້ງນີ້ກໍເຮັດໃຫ້ພະນັກງານຫຼັກແຫຼງພາຍໃນກົມກອງຮັບຮູ້ ແລະ ນຳໄປຈັດຕັ້ງຈັດຕັ້ງປະຕິບັດພ້ອມກັນເຮັດສຳເລັດໜ້າທີ່ການເມືອງຂອງກອງທັບໃນໄລຍະໃໝ່ໃຫ້ກ້າວຂຶ້ນເລື້ອຍໆ.

news to day and hot news