ວັນພຸດ, ວັນທີ 19 ສິງຫາ 2026
ຫ້ອງພະລາທິການ ກອງພົນທີ 3 ສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ 2025
ເວລາອອກຂ່າວ: 2025-08-06 09:21:35 | ຜູ້ຂຽນ : admin1 | ຈຳນວນຄົນເຂົ້າຊົມ: 1358 | ຄວາມນິຍົມ: 
ວັນທີ 31 ກໍລະກົດ 2025, ຫ້ອງພະລາທິການ ກອງພົນທີ 3 ໄດ້ສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ 2025 ແລະ ວ່າງທິດທາງແຜນການ ປະຈຳ 6 ເດືອນທ້າຍປີ 2025, ໂດຍການເປັນປະທານຂອງ ສະຫາຍ ພັນໂທ ວິໄຊ ຫຼວງໄຊສຸກ ຫົວໜ້າຫ້ອງພະລາທິການ ກອງພົນທີ 3, ມີຄະນະພັກ-ຄະນະບັນຊາ ຫ້ອງ ພ້ອມດ້ວຍ ພະນັກງານ-ນັກຮົບ ເຂົ້າຮ່ວມ.
ສະຫາຍ ຮ້ອຍເອກ ສົມນິດ ທານຸເຈີ ຕ່າງໜ້າພະແນກບໍລິຫານຫ້ອງພະລາທິການ ໄດ້ຜ່ານບົດສະຫຼຸບວຽກງານຮອບດ້ານ ປະ ຈຳ 6 ເດືອນຕົ້ນປິ 2025 ແລະ ທິດທາງແຜນການ ປະຈຳ 6 ເດືອນທ້າຍປີ 2025; ຄະນະພັກ-ຄະນະບັນຊາ ໄດ້ຖືເອົາວຽກງານການສືກສາອົບຮົມການເມືອງ-ນຳພາແນວຄິດເປັນກົກ, ເຂົ້າຮ່ວມຂະບວນການຕ່າງໆເປັນຕົ້ນແມ່ນການເຝິກແອບຮ່ຳຮຽນການເມືອງ, ການທະຫານ, ພະລາ ທິການເຕັກນິກ ແລະ ເຂົ້າຮ່ວມຮັບຟັງປາຖະກະຖາບັນດາມູນເຊື້ອວັນປະຫວັດສາດສຳຄັນຕ່າງໆ ຂອງຊາດ, ຂອງກອງທັບ, ການປະຕິບັດຂໍ້ກຳນົດກົດລະບຽບຂອງກອງທັບວາງອອກ ໂດຍສະເພາະແມ່ນ 7 ລະບອບ 18 ວຽກມື້ໜຶ່ງຂອງກອງທັບ; ຈັດຕັ້ງປະຕິບັດວຽກງານພະລາທິການເພື່ອລ້ຽງດູທັບ, ຮັບປະກັນການເບີກ-ຈ່າຍຕາມລະບົບອັດຕາຂອງຂັ້ນເທິງຮັບປະກັນດ້ານງົບປະມານເປັນຕົ້ນແມ່ນນ້ຳມັນເຊື່ອໄຟ, ເງິນເດື່ອນ, ເງິນອັດຕາກິນ, ເຂົ້າກິນ, ເຄື່ອງນຸ່ງຫົ່ມ, ຢາປິ່ນປົວພະຍາດ, ວຽກງານການປັບປຸງກໍ່ສ້າງກົມກອງໄດ້ປັບປຸງເຄຫາສະຖານທີ່ຄ້າຍຄູໄດ້ປັບປຸງຫ້ອງການບໍລິຫານ 1 ຫຼັງ, ສ່າງເຂົ້າ 1 ຫຼັງ, ປັບປຸງເຮືອນເດີນກີລາເປຕັງ ແລະ ເຮືອນຄົວ, ວຽກງານພັກ-ພະນັກງານຂະຫຍາຍພັກໄດ້ 2 ສະຫາຍ, ເລື່ອນສຳ ຮອງຂຶ້ນສົມບູນ 2 ສະຫາຍ, ສະ
ເໜີເລື່ອນຊັ້ນໃຫ້ນາຍ ແລະ ພົນທະຫານ 13 ສະຫາຍ, ແກ້ໄຂສ້າງຄອບຄົວ 2 ຄູ່, ວຽກງານຜະລິດແກ້ໄຂຊີວິດການເປັນຢູ່ ໄດ້ປູກພຶດຜັກລົ້ມລຸກ, ພຶດເປັນສິນຄ້າຕາມລະດູການໄດ້ 750 ກິໂລກຣາມ, ລ້ຽງງົວ 24 ໂຕ, ມີໜອງປາ 7 ໜອງ
ປ່ອຍປາ 21.000 ໂຕ, ລ້ຽງສັດປີກອີກຈຳນວນໜຶ່ງ.
ໂອກາດດຽວກັນນີ້, ຍັງໄດ້ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ 8 ໜ່ວຍພັກ ທີ່ຂຶ້ນກັບ ຄະນະພັກຮາກຖານຫ້ອງພະລາທິການ ກອງພົນທີ 3 ຕື່ມອີກ.
ໂດຍ: ທອງເລື່ອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
