ວັນພະຫັດ, ວັນທີ 21 ພຶດສະພາ 2026
ກອງພັນໃຫຍ່ 279 ມອບເງິນອຸດໜູນ ໃຫ້ນາຍທະຫານຂັ້ນສູງ ພັກການ ຮັບບຳນານ
ເວລາອອກຂ່າວ: 2025-08-08 08:57:35 | ຜູ້ຂຽນ : admin1 | ຈຳນວນຄົນເຂົ້າຊົມ: 1221 | ຄວາມນິຍົມ: 
ວັນທີ 5 ສິງຫາ 2025 ນີ້, ກອງພັນໃຫຍ່ 279 ໄດ້ຈັດພິທີມອບເງິນອຸດໜູນໃຫ້ນາຍທະ ຫານຂັ້ນສູງພັກການຮັບບຳນານ ຢູທີ່ຫ້ອງປະຊຸມຂອງກົມກອງ, ໂດຍການເປັນປະທານຂອງສະຫາຍ ພັນເອກ ເມກສະຫວັນ ແກ້ວດວງ ຫົວໜ້າການເມືອງ ກອງພັນໃຫຍ່ 279, ມີຄະນະພັກ-ຄະນະບັນຊາ ກອງພັນໃຫຍ່, ພະ
ແນກການ, ຂະແໜງການທີ່ກ່ຽວ ຂ້ອງ ພ້ອມດ້ວຍນາຍທະຫານຜູ້ທີ່ພັກການຮັບບຳນານເຂົ້າຮ່ວມ.
ສະຫາຍ ພັນໂທ ອິດ ພົມມະທອນ ຫົວໜ້າຂະແໜງນະໂຍບາຍ ກອງ
ພັນໃຫຍ່ 279, ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະ ຫານຂັ້ນສູງ ພັກການ ຮັບບຳນານ ອີງຕາມກົດໝາຍ ວ່າດ້ວຍນາຍທະຫານກອງທັບປະຊາຊົນລາວ, ອີງຕາມກົດໝາຍວ່າດ້ວຍປະກັນສັງຄົມ, ອີງຕາມຂໍ້ຕົກລົງ ໃນກອງ ປະຊຸມກົມການເມືອງຮ່ວມກັບຄະນະເລຂາທິການສູນກາງພັກ ອີງຕາມຂໍ້ຕົກລົງ ວ່າດ້ວຍການປະຕິບັດເງິນອຸດໜູນ ແລະ ເງິນນະໂຍບາຍຕ່າງໆ ກະຊວງປ້ອງກັນປະເທດຕົກລົງ: ອະນຸມັດໃຫ້ ສະຫາຍ ພັນເອກ ບຸນຍັງ ແກ້ວດາມສີ ຫົວໜ້າການເມືອງ ກອງພັນໃຫຍ່ 279 ພັກການ ຮັບເງິນອຸດໜູນບຳນານ ຈຳນວນ 31.818.150 ກີບ, ໂດຍໃຫ້ກຽດມອບຂອງ ສະຫາຍ ພັນເອກ ເມກສະຫັວນ ແກ້ວດວງດີ ຫົວໜ້າການເມືອງກອງພັນໃຫຍ່ 279.
ໂອກາດນີ້, ສະຫາຍ ພັນເອກ ເມກສະຫັວນ ແກ້ວດວງດີ ໄດ້ສະແດງຄວາມຍ້ອງຍໍຊົມເຊີຍ ຕໍ່ ຜົນງານການເຄື່ອນໄຫວອຸທິດຊີວິດເລືອດເນື້ອ, ທຸ່ມເທເຫື່ອແຮງສະຕິປັນຍາ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ປັບປຸງກໍ່ສ້າງກອງທັບ, ກໍ່ສ້າງກົມກອງຢ່າງບໍ່ຮູ້ອິດຮູ້ເມື່ອຍ, ມີຜົນສຳເລັດໃນໜ້າທີ່ວຽກງານອັນມີກຽດສະຫງ່າຕາມການມອບໝາຍ ຂອງປະເທດຊາດກໍ່ຄື ປະຊາຊົນມອບໝາຍໃຫ້, ພ້ອມທັງຮຽກຮ້ອງໃຫ້ສະຫາຍສືບຕໍ່ເຮັດໜ້າເປັນເຈົ້າການໃນການສຶກສາອົບຮົມປະຊາຊົນ, ສືບຕໍ່ຮັກສາມູນເຊື້ອຄວາມສາມັກຄີຊ່ວຍເຫຼື່ອເຊິ່ງກັນ ແລະ ກັນ ເປັນແກ່ນສານໃຫ້ອົງການປົກຄອງທ້ອງຖິ່ນ ແລະ ນຳເອົາເງິນຈຳນວນດັ່ງກ່າວນີ້ ໄປໝູນໃຊ້ໃນການສ້າງສາເສດຖະກິດຄອບຄົວໃຫ້ມີຄວາມເຂັ້ມແຂງ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
