POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 24 ມັງກອນ 2026

ກອງປະຊຸມຄົບຄະນະບໍລິຫານງານພັກແຂວງຊຽງຂວາງ ທ້າຍສະໄໝທີ VIII
ເວລາອອກຂ່າວ: 2025-08-12 08:37:47 | ຜູ້ຂຽນ : admin2 | ຈຳນວນຄົນເຂົ້າຊົມ: 1854 | ຄວາມນິຍົມ:

ໃນວັນທີ 11 ສິງຫາ 2025 ນີ້, ທີ່ຫ້ອງວ່າການປົກຄອງແຂວງຊຽງຂວາງ ໄດ້ຈັດກອງປະຊຸມຄົບຄະນະບໍລິຫານງານພັກແຂວງຊຽງຂວາງ ທ້າຍສະໄໝທີ VIII ພາຍໃຕ້ການເປັນປະທານ ຂອງສະຫາຍ ບຸນຈັນ ສີວົງພັນ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ແຂວງຊຽງຂວາງ; ໂດຍການເຂົ້າຮ່ວມ ແລະ ມີຄໍາເຫັນໂອ້ລົມ ຂອງສະຫາຍ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນຳວຽກງານຮອບດ້ານແຂວງຊຽງຂວາງ; ມີສະຫາຍ ນາງ ບຸດສະດີ ທະນະເມືອງ ກຳມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ ພ້ອມດ້ວຍພາກສ່ວນກ່ຽວຂ້ອງ ທັງສູນກາງ ແລະ ແຂວງ ເຂົ້າຮ່ວມ. ໃນກອງປະຊຸມ ສະຫາຍ ເລຂາພັກແຂວງ ແຂວງຊຽງຂວາງ ໄດ້ກ່າວບາງຕອນວ່າ: ການດຳເນີນກອງປະຊຸມຄັ້ງນີ້ ຈະໄດ້ພ້ອມກັນພິຈາລະນາ ຮັບຮອງເອົາເນື້ອໃນຮ່າງລາຍງານການເມືອງ; ຮ່າງແຜນພັດທະນາເສດຖະກິດ-ສັງຄົມຂອງແຂວງ ແລະ ຮ່າງບົດສໍາຫຼວດການນໍາພາລວມ ຂອງຄະນະບໍລິຫານງານພັກແຂວງ; ລາຍງານຄວາມພ້ອມ ການດໍາເນີນກອງປະຊຸມໃຫຍ່ຜູ້ແທນ ອົງຄະນະພັກແຂວງຊຽງຂວາງ ຄັ້ງທີ IX ຈາກບັນດາອະນຸກຳມະການ ເປັນຕົ້ນ ອະນຸກຳມະການເນື້ອໃນ, ອະນຸກຳມະການບຸກຄະລາກອນ, ອະນຸກຳມະການຂະບວນການ, ໂຄສະນາຖະແຫຼງຂ່າວ, ອະນຸກຳມະການ ປ້ອງກັນຊາດ-ປ້ອງກັນຄວາມສະຫງົບ, ອະນຸກຳມະການເສດຖະກິດ, ອະນຸກຳມະການພິທີການ, ສະຖານທີ່, ສຸຂະພາບ ແລະ ຮັບແຂກ ແລະ ອະນຸກຳມະການກອງເລຂາ; ພິຈາລະນາຮັບຮອງເອົາບຸກຄະລາກອນ ຂອງກອງປະຊຸມ (ຜູ້ແທນສົມບູນ, ແຂກຖືກເຊີນ, ຈໍານວນຄະນະພັກ ແລະ ເປົ້າໝາຍຜູ້ຮັບສະໝັກເລືອກຕັ້ງ); ຈາກນັ້ນ, ຈະໄດ້ຜ່ານຮ່າງລາຍງານການກະກຽມຄວາມພ້ອມດ້ານຕ່າງໆ ແລະ ການສະເໜີ ຂໍອະນຸມັດເປີດກອງປະຊຸມ ຈາກຂັ້ນເທິງ. ໂອກາດນີ້, ສະຫາຍ ກິແກ້ວ ໄຂຄຳພິທູນ ໄດ້ມີຄຳເຫັນໂອ້ລົມ ເຊິ່ງໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາຜົນສຳເລັດອັນພົ້ນເດັ່ນ ຕະຫຼອດໄລຍະໜຶ່ງສະໄໝຜ່ານມາ ຍ້ອນພາຍໃຕ້ການນໍາພາ-ຊີ້ນໍາ ຂອງຄະນະພັກ-ຄະນະນໍາ ທຸກຂັ້ນ ລວມທັງ ການປະກອບສ່ວນຂອງປະຊາຊົນບັນດາເຜົ່າຊາວແຂວງຊຽງຂວາງ ຈິ່ງເຮັດໃຫ້ເສດຖະກິດພາຍໃນແຂວງ ສືບຕໍ່ໄດ້ຮັບການພັດທະນາຢ່າງຕໍ່ເນື່ອງ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ, ຊີວິດການເປັນຢູ່ ຂອງປະຊາຊົນ ນັບມື້ນັບໄດ້ຮັບການປັບປຸງດີຂຶ້ນເປັນກ້າວໆ. ພ້ອມນັ້ນ, ສະຫາຍ ໄດ້ຮຽກຮ້ອງໃຫ້ຄະນະພັກ-ຄະນະນຳ, ສະມາຊິກພັກ-ພະນັກງານ ແລະ ປະຊາຊົນທົ່ວແຂວງ ສືບຕໍ່ຕັ້ງໜ້າປະຕິບັດແນວທາງຍຸດທະສາດປ້ອງກັນຊາດ-ປ້ອງກັນຄວາມສະຫງົບ; ປັບປຸງ, ກໍ່ສ້າງກໍາລັງ ປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄຸນນະພາບ, ຮັບປະກັນຄວາມເຂັ້ມແຂງດ້ານການຈັດຕັ້ງ, ມີລະບຽບວິໄນ ຢ່າງເຂັ້ມງວດ, ຍົກສູງຄວາມສາມາດໃນການສະກັດກັ້ນ ແລະ ແກ້ໄຂປະກົດການຫຍໍ້ທໍ້ ເຮັດໃຫ້ສັງຄົມມີສະຫງົບປອດໄພ; ຊຸກຍູ້ການສ້າງເສດຖະກິດ, ການຜະລິດພາຍໃນ ໃຫ້ເຂັ້ມແຂງ ຮັບປະກັນການພັດທະນາແບບຍືນຍົງ, ເອົາໃຈໃສ່ຈັດເກັບລາຍຮັບໃຫ້ໄດ້ຕາມແຜນ ແລະ ເກີນແຜນ; ສຸມໃສ່ການຜະລິດກະສິກໍາ ເພື່ອຄໍ້າປະກັນສະບຽງອາຫານ ແລະ ຜະລິດເປັນສິນຄ້າ ໄປຄຽງຄູ່ກັບການຄຸ້ມຄອງສິ່ງແວດລ້ອມ; ສຸມໃສ່ການສ້າງ ແລະ ປັບປຸງພື້ນຖານໂຄງລ່າງ ໂດຍສະເພາະ ເສັ້ນທາງຄົມມະນາຄົມຂົນສົ່ງ ໃຫ້ມີຄວາມໂລ່ງລ່ຽນສະດວກສະບາຍ ບົນພື້ນຖານຍາດແຍ່ງການຊ່ວຍເຫຼືອຈາກພາກສ່ວນຕ່າງໆ ທັງພາຍໃນ ແລະ ຕ່າງປະເທດ; ສົ່ງເສີມຍູ້ແຮງດ້ານການບໍລິການ, ການທ່ອງທ່ຽວ ໃຫ້ແຂງແຮງກວ່າເກົ່າ; ປັບປຸງ ແລະ ຍົກລະດັບຕາໜ່າງການສຶກສາ-ຕາໜ່າງບໍລິການສາທາລະນະສຸກ ໃຫ້ທົ່ວເຖິງປະຊາຊົນ; ເອົາໃຈໃສ່ວຽກງານ ກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ ໃຫ້ໄດ້ຮັບການພັດທະນາດີຂຶ້ນເປັນກ້າວໆ; ຍົກລະດັບຄຸນນະພາບວຽກງານການເມືອງ-ແນວຄິດ ແລະ ທິດສະດີຂອງພັກ ເພື່ອສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງ ໃນວຽກງານພັກ-ພະນັກງານ ໃຫ້ຮັບຮູ້, ເຂົ້າໃຈ, ມີຄວາມເປັນເອກະພາບສູງ ຮັບປະກັນໃຫ້ມີຄວາມສະຫງົບ, ບໍ່ເກີດມີການສວຍໂອກາດກະທໍາສິ່ງທີ່ບໍ່ຖືກຕ້ອງ; ເພີ່ມທະວີຄວາມເປັນເຈົ້າການ, ຄວາມຕື່ນຕົວ ແລະ ຄວາມເປັນແບບຢ່າງ ຂອງບັນດາສະມາຊິກພັກ-ພະນັກງານທຸກຂັ້ນ ໃນການປະຕິບັດລະບຽບກົດໝາຍ; ສືບຕໍ່ເຄື່ອນໄຫວວຽກງານຕ່າງປະເທດ ຢ່າງສະເໝີຕົ້ນສະເໝີປາຍ ຕ່າງຝ່າຍຕ່າງໄດ້ຮັບຜົນປະໂຫຍດ; ສືບຕໍ່ກະກຽມວຽກງານຮອບດ້ານ ໃຫ້ແກ່ກອງປະຊຸມໃຫຍ່ຂອງອົງຄະນະພັກແຂວງ ໃຫ້ກາຍເປັນຂະບວນການເຄື່ອນໄຫວທາງການເມືອງ ທີ່ເລິກເຊິ່ງ, ກວ້າງຂວາງ, ຮັບປະກັນຄວາມສາມັກຄີເປັນປຶກແຜ່ນ, ຄວາມສະຫງົບຢູ່ພາຍໃນພັກ, ສ້າງຂະບວນການຮອບດ້ານ ໃຫ້ແຂງແຮງ, ຟົດຟື້ນຕໍ່ເນື່ອງ ແລະ ເອົາໃຈໃສ່ນໍາພາວຽກງານໂຄສະນາ, ສຶກສາອົບຮົມການເມືອງ-ແນວຄິດ ດ້ວຍຫຼາຍຮູບຫຼາຍສີ ແລະ ຫັນສູ່ຄຸນນະພາບໃໝ່, ຮັບປະກັນໃຫ້ປະເທດຊາດ ກໍຄືແຂວງຊຽງຂວາງ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມປອດໄພ ແລະ ເປັນລະບຽບຮຽບຮ້ອຍ. ຂ່າວ-ພາບ: ກົມປະຊາສຳພັນ ຫສນຍ.

news to day and hot news