ວັນຈັນ, ວັນທີ 09 ມີນາ 2026
ຫ້ອງພະລາທິການ ວພກ ສະຫຼຸບວຽກງານ ປະຈຳ 6 ເດືອນຕົ້ນປີ 2025
ເວລາອອກຂ່າວ: 2025-08-12 09:20:45 | ຜູ້ຂຽນ : admin1 | ຈຳນວນຄົນເຂົ້າຊົມ: 1198 | ຄວາມນິຍົມ: 
ວັນທີ 6 ສິງຫາ 2025, ຫ້ອງພະລາທິການ ວິທະຍາຄານພະລາທິການກອງທັບ(ວພກ) ໄດ້ສະຫຼຸບວຽກງານພະລາທິການ ປະຈຳ 6 ເດືອນຕົ້ນປີ 2025 ແລະ ວາງທິດທາງແຜນການ 6 ເດືອນທ້າຍປີ 2025, ໂດຍການເປັນປະທານຂອງ ສະຫາຍ
ພັນໂທ ທະໂນສິນ ໄຊຍະວົງ ຫົວໜ້າຫ້ອງພະລາທິການ ວພກ, ມີຄະພັກ-ຄະນະບັນຊາ ພ້ອມດ້ວຍ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ຈັນທະພອນ ສີລືໄຊ ຮອງຫົວໜ້າຫ້ອງພະລາທິການ ໄດ້ຜ່ານບົດສະຫຼຸບວຽກງານພະລາທິການ ປະຈຳ 6 ເດືອນຕົ້ນປີ 2025, ຕະຫຼອດໄລຍະ 6 ເດືອນທີ່ຜ່ານມາ ຫ້ອງພະລາທິການ ໄດ້ຖືເອົາວຽກງານສຶກສາ
ອົບຮົມການເມືອງ-ແນວຄິດເປັນກົກ ດ້ວຍການຈັດຕັ້ງປະຕິບັດ, ຜັນຂະຫຍາຍມະຕິ, ຄຳສັ່ງຕ່າງໆຂອງພັກ-ລັດ, ລະບຽບວິໄນຂອງກອງທັບດ້ວຍຫຼາຍຮູບການ ເພື່ອເຮັດໃຫ້ສະມາຊິກພັກ, ພະນັກງານ-ນັກຮົບ ໄດ້ຮັບຮູ້ເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດຢ່າງເລິກເຊິ່ງ ເຮັດໃຫ້ກົມກອງມີຄວາມສະຫງົບໂດຍພື້ນຖານ, ເອົາໃຈໃສ່ລົງເລິກໃກ້ຊິດຕິດແທດການເຄື່ອນໄຫວໃນທຸກຂົງເຂດໜ້າທີ່ວຽກງານປິ່ນອ້ອມດ້ານຕ່າງໆ, ປະຕິບັດນະໂຍບາຍຍ້ອງຍໍ, ເລື່ອນຊັ້ນ, ຂະຫຍາຍມະຫາຊົນຜູ້ກ້າວໜ້າເຂົ້າເປັນສະມາຊິກພັກ, ເບິ່ງແຍງຊ່ວຍເຫຼືອທາງດ້ານວັດຖຸປັດໃຈແກ່ບຸກຄົນ, ຄອບຄົວຜູ້ທີ່ເຈັບປ່ວຍ, ເສຍຊີວິດ ແລະ ອື່ນໆ; ໄດ້ຈັດຕັ້ງຄຸ້ມຄອງປົກປັກຮັກສາ ວັດຖຸ, ພາຫະນະ ຮັບປະກັນໄດ້ທາງດ້ານຈຳນວນ ແລະ ຄຸນນະພາບ, ຄົບຊຸດ; ປັບປຸງການເບີກຈ່າຍວັດຖຸຕ່າງໆ ຖືກຕາມເປົ້າໝາຍ, ໜ້າທີ່ຕົວຈິງຂອງກົມກອງເປັນຕົ້ນ: ສະບຽງອາຫານ, ນ້ຳມັນເຊື້ອໄຟ, ພາຫະນະ, ຢາປົວພະຍາດ, ເງິນສົດ ແລະ ວັດຖຸອື່ນໆ. ຄຽງຄູ່ກັນນີ້, ຍັງໄດ້ຊອກຫາເງື່ອນໄຂສ້າງແຫຼ່ງລາຍຮັບດ້ວຍການປູກຝັງ-ລ້ຽງສັດ, ຂາຍນ້ຳດື່ມ ແລະ ບໍລິການອື່ນໆ ສາມາດສ້າງລາຍຮັບໄດ້ທັງໝົດ 35.410.000 ກີບ.
ສະຫາຍ ພັນໂທ ທະໂນສິນ ໄຊຍະວົງ ໄດ້ຮຽກຮ້ອງໃຫ້ ຄະນະພັກ-ຄະນະບັນຊາ ສືບຕໍ່ຍົກສູງວຽກງານການເມືອງ-ນຳພາແນວຄິດໃຫ້ພະນັກງານ-ນັກຮົບ, ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ໂດຍສະເພາະຂົງເຂດວຽກພະລາທິການ, ຕັ້ງໜ້າປະຕິບັດທຸກຂໍ້ກຳນົດກົດລະບຽບທີ່ຂັ້ນເທິງວາງອອກຢ່າງເຂັ້ມງວດ, ເປັນເຈົ້າການປະກອບສ່ວນເຂົ້າໃນທຸກວຽກງານຂະບວນການຕ່າງໆ, ສຸມກຳລັງແຮງກາຍສະຕິບັນຍາປະກອບສ່ວນພັດທະນາກົມກອງໃຫ້ນັບມື້ເຂັ້ມແຂງໜັກແໜ້ນ ແລະ ທັນສະໄໝ.
ໂດຍ: ແກ້ວອຸດອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
