POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 19 ເມສາ 2026

ຄະນະເຝິກອົບຮົມວິຊາສະເພາະສື່ມວນຊົນ ໜັງສືພິມກອງທັບປະຊາຊົນລາວ ທັດສະນະສຶກສາ ຢູ່ ຫໍພິພິທະພັນປະຫວັດສາດການທະຫານຫວຽດນາມ
ເວລາອອກຂ່າວ: 2025-08-12 09:25:21 | ຜູ້ຂຽນ : admin1 | ຈຳນວນຄົນເຂົ້າຊົມ: 1329 | ຄວາມນິຍົມ:

ວັນທີ 9 ສິງຫາ 2025 ນີ້, ຄະນະເຝິກອົບຮົມວິຊາສະເພາະສື່ມວນຊົນ ໜັງສືພິມກອງທັບປະຊາຊົນລາວ ນຳໂດຍ ສະຫາຍ ພັນໂທ ອາໄພ ອະໄພຍະວົງ ຮອງຫົວໜ້າກອງບັນນາທິການກອງທັບປະຊາຊົນລາວ ໄດ້ທັດສະນະສຶກສາ ແລະ ທ່ຽວຊົມຫໍພິພິທະພັນປະຫວັດສາດການທະຫານຫວຽດນາມ. ສະຫາຍ ຮ້ອຍເອກ ດວ້ານ ທິ ມີ ລິງ ພະນັກງານນຳທ່ຽວ ຫໍພິພິທະພັນປະຫວັດສາດການທະຫານຫວຽດນາມ ໄດ້ໃຫ້ຮູ້ວ່າ: ພິພິທະພັນປະຫວັດສາດການທະຫານຫວຽດນາມ ໄດ້ຮັບການສ້າງຕັ້ງ ແລະ ພັດທະນາເປັນສະຖານທີ່ ທີ່ໜ້າສົນໃຈ ແລະ ມີຄວາມສຳຄັນທາງປະຫວັດສາດຫຼາຍແຫ່ງ. ເຊິ່ງຫໍພິພິທະພັນແຫ່ງ ນີ້ ຕັ້ງຢູ່ນະຄອນຫຼວງຮ່າໂນ້ຍ ແລະ ເປັນໜຶ່ງໃນ 7 ຫໍພິພິທະພັນແຫ່ງຊາດຂອງຫວຽດນາມ ທີ່ໄດ້ເກັບກຳ ແລະ ວາງສະແດງເລື່ອງລາວອັນກ້າຫານຜ່ານວັດ ຖຸບູຮານ ແລະ ການຈັດສະແດງຕ່າງໆ ຜ່ານວັດຖຸພັນ, ຮູບພາບ, ວີດີໂອ ແລະ ເອກະສານຕ່າງໆທີ່ກ່ຽວຂ້ອງກັບປະຫວັດສາດການທະຫານ ຂອງຫວຽດນາມ ນັບຕັ້ງແຕ່ສະໄໝບູຮານຈົນເຖິງຍຸກປະຈຸບັນ. ເຊິ່ງໄດ້ສະແດງໃຫ້ເຫັນເຖິງການຕໍ່ສູ້ຢ່າງພິລະອາດຫານ ເພື່ອເອກະລາດ ໃນພາລະກິດປົດປ່ອຍຊາດ, ສ້າງສາ ແລະ ປົກປັກຮັກສາປະເທດຊາດ. ໂອກາດນີ້, ສະຫາຍ ພັນໂທ ອາໄພ ອະໄພຍະວົງ ຕາງໜ້າໃຫ້ຄະນະເຝິກອົບຮົມ ໄດ້ສະແດງຄວາມຂອບໃຈຕໍ່ຄະນະຮັບຜິດຊອບ, ພະນັກງານຫໍພິພິທະພັນ ທີ່ໄດ້ໃຫ້ການຕ້ອນຮັບ ແລະ ອຳນວຍຄວາມສະດວກທຸກຢ່າງ ໃຫ້ຄະນະພວກເຮົາ ໄດ້ມີປະສົບການ, ຮຽນຮູ້ກ່ຽວກັບປະຫວັດສາດອັນດີງາມຂອງກອງທັບ ແລະປະຊາຊົນຫວຽດນາມ ຕະຫຼອດໄລຍະການຕໍ່ສູ້, ກໍ່ສ້າງ ແລະ ເຕີບໃຫຍ່ຂະຫຍາຍຕົວ ປະກອບສ່ວນອັນໃຫຍ່ຫຼວງໃນພາລະກິດສ້າງສາ ແລະ ປົກປັກຮັກສາປະເທດຊາດຫວຽດນາມ ຜ່ານບັນດາຮູບພາບ, ວັດຖຸບູຮານ, ຮູບເງົາສາລະຄະດີ ແລະ ບັນດາຮ່ອງຮອຍປະຫວັດສາດ ຂອງຂະບວນການຕໍ່ສູ້ ຕ່າງໆ ພິເສດແມ່ນເຂດວາງສະແດງກ່ຽວກັບສາຍພົວພັນສາມັກຄີແບບພິເສດ ລະຫວ່າງສອງຊາດ ຫວຽດນາມ-ລາວ ໄດ້ສ້າງຄວາມປະທັບໃຈຢ່າງເລິກເຊິ່ງ ໃຫ້ແກ່ ຄະນະໜັງສືພິມກອງທັບປະຊາຊົນລາວ. ບັນດາຮູບພາບແຫ່ງການສົມທົບກັນໃນການຊ້ອມຮົບລະຫວ່າງສອງກອງທັບ ແມ່ນບັນດາພະຍານຫຼັກຖານສະແດງໃຫ້ ເຫັນເຖິງສາຍພົວພັນມິດຕະພາບທີ່ເປັນມູນເຊື້ອອັນສະໜິດສະໜົມລະຫວ່າງປະຊາຊົນສອງປະເທດ ເພື່ອໂຄສະນາເຜີຍແຜ່ ແລະ ສຶກສາມູນເຊື້ອຮັກຊາດ ໃຫ້ພະນັກງານ-ນັກຮົບ ຮຸ່ນສືບທອດໄດ້ຮຽນຮູ້.

news to day and hot news