ວັນເສົາ, ວັນທີ 24 ມັງກອນ 2026
ຮັບປະກັນການເບີກ-ຈ່າຍ ເຄື່ອງອຸປະໂພກ-ບໍລິໂພກ ໃຫ້ບັນດາກຳລັງຫຼວງ-ກຳລັງທ້ອງຖິ່ນ
ເວລາອອກຂ່າວ: 2025-08-12 09:35:56 | ຜູ້ຂຽນ : admin1 | ຈຳນວນຄົນເຂົ້າຊົມ: 1236 | ຄວາມນິຍົມ: 
ສາງອຸປະໂພກ-ບໍລິໂພກ ກົມອຸປະໂພກ-ບໍລິໂພກ ກົມໃຫຍ່ພະ ລາທິການກອງທັບ ແມ່ນກົມກອງໜຶ່ງ ມີໜ້າທີ່ຮັບປະກັນການເບີກ-ຈ່າຍ ເຄື່ອງອຸປະໂພກ-ບໍລິໂພກ ໃຫ້ບັນດາກົມກອງກຳລັງຫຼວງ-ກຳລັງທ້ອງຖິ່ນ ຖືກຕ້ອງຕາມຫຼັກ ການວິຊາສະເພາະ ແລະ ຂໍ້ກຳນົດກົດລະບຽບຂອງຂັ້ນເທິງວາງອອກຢ່າງເຂັ້ມງວດ.
ສະຫາຍ ພັນໂທ ແສງອາລຸນ ແກ້ວອຸທອງ ຫົວໜ້າການເມືອງ ສາງອຸປະໂພກ-ບໍລິໂພກ ກົມອຸປະ ໂພກ-ບໍລິໂພກ ກົມໃຫຍ່ພະລາ ທິການກອງທັບ ໄດ້ໃຫ້ສຳພາດເນື່ອງໃນໂອກາດວັນສ້າງຕັ້ງ ກົມ ໃຫຍ່ພະລາທິການກອງທັບ ຄົບ ຮອບ 69 ປີ (5 ສິງຫາ 1956-5 ສິງຫາ 2025) ແລະ ການສ້າງຂະບວນການເພື່ອຂ່ຳນັບຮັບຕ້ອນກອງປະຊຸມໃຫຍ່ຜູ້ແທນສະມາຊິກພັກທົ່ວກອງທັບ ຄັ້ງທີ VI ຂອງອົງຄະນະພັກກະຊວງປ້ອງກັນປະ ເທດ ນີ້ວ່າ: ໃນໄລຍະຜ່ານມາ, ຄະນະພັກ-ຄະນະບັນຊາສາງອຸ ປະໂພກ-ບໍລິໂພກ ໄດ້ຈັດຕັ້ງນຳ ພາ-ຊີ້ນຳປະຕິບັດການຄຸ້ມຄອງ ປົກປັກຮັກສາ, ອະນາໄມສັບຊ້ອນພິກປີ້ນວັດຖຸອຸປະໂພກ-ບໍລິໂພກ ແລະ ການຮັບ-ການຈ່າຍ ໃຫ້ບັນ ດາກຳລັງຫຼວງ-ກຳລັງທ້ອງຖິ່ນໃນທົ່ວກອງທັບໄດ້ຄົບຖ້ວນ ແລະ ທັນເວລາ, ພ້ອມທັງປະຕິບັດກຽມພ້ອມສູ້ຮົບໃນພາວະເພີ່ມທະວີ ແລະ ພາວະຄົບຖ້ວນ ຕາມຄຳສັ່ງ, ແຈ້ງການຂັ້ນເທິງວາງອອກເມື່ອມີສະພາບການເກີດຂຶ້ນ.
ໄປຄຽງຄູ່ກັບວຽກງານຮັບປະກັນດ້ານວິຊາສະເພາະແລ້ວຍັງໄດ້ຊີ້ນຳພະນັກ ງານ-ນັກຮົບ ຈັດຕັ້ງປະຕິບັດຕາມທິດ 4 ປູກ 4 ລ້ຽງ ຂອງກົມໃຫຍ່ພະລາທິການກອງທັບວາງອອກ ຕາມເງື່ອນໄຂທ່າແຮງ ແລະ ຄວາມອາດສາ ມາດຂອງກົມກອງໃນການສ້າງເສດຖະກິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໃນນັ້ນກົມກອງມີໜອງປາ 1 ໜອງປ່ອຍປາແລ້ວ 16 ພັນໂຕ ຂາຍໄດ້ 709 ກິໂລກຣາມ ເປັນເງິນ 18.969.000 ກີບ, ລ້ຽງໄກ່ພັນໄຂ່ 100 ກວ່າໂຕ, ເກັບໄຂ່ໄດ້ 1.060 ແຕະ, ຊື້ໝູມາຂ້າຂາຍແກ້ໄຂຊີວິດການ ເປັນຢູ່ຂອງພະນັກງານ-ນັກຮົບຈຳນວນ 7 ໂຕ ເປັນເງິນ 28.542.000 ກີບ, ປູກພືດຜັກຕາມລະດູການສາມາດເກັບກູ້ໄດ້ 497 ກິໂລກຣາມ; ວຽກງານການເງິນ ໄດ້ເອົາໃຈໃສ່ຄຸ້ມຄອງການເບີກຈ່າຍຕາມລະບອບອັດຕາທີ່ ຂັ້ນເທິງກຳນົດ ຮັບປະກັນໄດ້ເງິນເດືອນ, ເງິນກິນ, ເງິນອຸດໜູນ ແລະ ຮ່ວງເງິນບໍລິຫານ ຖືກຕ້ອງຕາມລະບຽບຫຼັກການ ແລະ ນະໂຍບາຍຂອງຂັ້ນເທິງວາງອອກ; ວຽກງານນ້ຳມັນເຊື້ອໄຟ ໄດ້ມີ ການຄຸ້ມຄອງ, ເບີກຈ່າຍຮັບໃຊ້ ບໍລິຫານສາມາດຮັບປະກັນໜ້າ ທີ່ການເມືອງຂອງກົມກອງ ເຊິ່ງໃນ 6 ເດືອນຕົ້ນປີ 2025 ໄດ້ຮັບ ນ້ຳມັນເຊື້ອໄຟ ປະເພດນ້ຳມັນ ແອັດຊັງ 480 ລິດ, ນ້ຳມັນກາຊວນ 800 ລິດ; ວຽກງານຮັບ ປະກັນສຸຂະພາບ ໄດ້ເອົາໃຈໃສ່ໂຄສະນາສຸຂະສຶກສາ ຕ້ານພະ ຍາດຕາມລະດູການ ແລະ ອະນາ ໄມສະຖານທີ່ຄ້າຍຄູໃຫ້ສະອາດຈົບງາມ ຮັບປະກັນການປິ່ນປົວສຸຂະພາບຂອງນາຍ ແລະ ພົນ ທະຫານ ເມື່ອເຈັບເປັນກໍໄດ້ມີການປິ່ນປົວຂັ້ນຕົ້ນ ແລະ ນຳສົ່ງໄປໂຮງໝໍ; ວຽກງານການພົວພັນໄລຍະຜ່ານມາໄດ້ຮັບເຄື່ອງຈາກບັນດາບໍລິສັດ, ໂຮງງານທັງພາຍໃນ ແລະ ຕ່າງປະເທດ ຈຳນວນ 55 ຄັ້ງ, ມີ 207 ລາຍການ ແລະ ເບີກ-ຈ່າຍເຄື່ອງໃຫ້ກົມກອງໃນທົ່ວກອງທັບ ຈຳນວນ 232 ຄັ້ງ, ມີ 38.256 ແຮງງານ, ສັບຊ້ອນພິກປີ້ນເຄື່ອງພາຍໃນສາງຈຳນວນ 366 ຄັ້ງ ມີ 8.469 ແຮງງານ.
ສະຫາຍ ພັນໂທ ແສງອາລຸນ ແກ້ວອຸທອງ ໃຫ້ຮູ້ຕື່ມອີກວ່າ: ນອກນັ້ນ, ຍັງໄດ້ຊີ້ນຳຈຸປະຈຳ ການແຕ່ລະຂັ້ນເປັນປົກກະຕິຮັບ ປະກັນຄວາມປອດໄພພາຍໃນກົມກອງ ແລະ ຊີ້ນຳກຳລັງລົງກໍ່ ສ້າງຮາກຖານປະສານສົມທົບ ບັນດາກົມກອງອ້ອມຂ້າງໃກ້ຊິດ ຕິດແທດກັບອຳນາດການປົກ ຄອງທ້ອງຖິ່ນ ແລະ ປະຊາຊົນເພື່ອເກັບກຳສະພາບການຊ່ວຍເຫຼືອຮາກຖານປະຊາຊົນໃນການຕ້ານໄພນ້ຳຖ້ວມ, ອັກຄີໄພ, ຂີ້ລັກງັດແງະ ແລະ ບັນຫາອື່ນໆ ໂດຍເອົາການສຶກສາອົບຮົມການເມືອງ-ນຳພາແນວຄິດເປັນສຳຄັນຜ່ານການຈັດຕັ້ງປະຕິບັດເຫັນວ່າແຕ່ລະບັນຫາໄດ້ຮັບການແກ້ໄຂຫຼຸດ ໜ້ອຍຖ່ອຍລົງ; ດ້ານວຽກງານ ນະໂຍບາຍຍັງໄດ້ປະຕິບັດນະໂຍ ບາຍຕໍ່ພະນັກງານ-ນັກຮົບ ຢ່າງສົມເຫດສົມຜົນແທດເໝາະກັບເງື່ອນໄຂຕົວຈິງ ແລະ ໄດ້ມີການໄປຢ້ຽມຢາມພ້ອມທັງຊ່ວຍເຫຼືອເປັນເງິນ 6.675.000 ກີບ. ຈາກ ຜົນງານທີ່ກ່າວມານັ້ນກົມກອງ ໄດ້ຮັບການຍ້ອງຍໍປະເພດຕ່າງໆໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໄດ້ຮັບໃບຍ້ອງຍໍກົມໃຫຍ່ການເມືອງກອງທັບ 10 ສະຫາຍ, ໃບຍ້ອງຍໍກະຊວງປ້ອງກັນປະເທດ 16 ສະ ຫາຍ, ຫຼຽນໄຊພິລະອາດຫານ ຊັ້ນ III ຈຳນວນ 10 ສະຫາຍ ແລະ ຫຼຽນໄຊພິລະອາດຫານຊັ້ນ II ຈຳນວນ 4 ສະຫາຍ ຢ່າງສົມກຽດ.
ໂດຍ: ບຸນຊ້ອຍ ວິໄລພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
