ວັນພຸດ, ວັນທີ 19 ສິງຫາ 2026
ກອງພັນໃຫຍ່ປືນໃຫຍ່ໜ້າດິນ 619 ປະກາດການຍົກຂັ້ນເງິນເດືອນ ແລະ ທຽບຊັ້ນໃຫ້ນັກຮຽນທີ່ຮຽນຈົບສາຍລັດ
ເວລາອອກຂ່າວ: 2025-09-05 09:39:03 | ຜູ້ຂຽນ : admin1 | ຈຳນວນຄົນເຂົ້າຊົມ: 1119 | ຄວາມນິຍົມ: 
ທ້າຍເດືອນສິງຫາ 2025 ນີ້, ກອງພັນໃຫຍ່ 619 ໄດ້ປະກາດການຍົກຂັ້ນເງິນເດືອນ ແລະ ທຽບຊັ້ນໃຫ້ນັກຮຽນທີ່ຮຽນຈົບຈາກສາຍລັດ ໂດຍການເປັນປະທານຂອງ ສະຫາຍ ພັນເອກ ແສງຟອງ ທິບທິລາດ ຫົວໜ້າການເມືອງກອງພັນໃຫຍ່ປືນໃຫຍ່ໜ້າດິນ 619, ມີຄະນະພັກ-ຄະນະບັນຊາ 5 ພະແນກການ 3 ກອງພັນນ້ອຍ, 4 ກອງຮ້ອຍເອກະລາດ, ພ້ອມດ້ວຍນັກຮຽນທີ່ຮຽນຈົບຈາກສາຍລັດເຂົ້າຮ່ວມ.
ສະຫາຍ ພັນຕີ ແດງ ສຸລິວັນໄຕ ຫົວໜ້າຂະແໜງພະນັກງານພະແນກການເມືອງ ກອງພັນໃຫຍ່ 619 ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ວ່າດ້ວຍ ຍົກຂັ້ນເງິນເດືອນໃຫ້ນາຍທະຫານ ແລະ ວ່າດ້ວຍການທຽບຊັ້ນໃຫ້ນາຍທະຫານທີ່ຮຽນຈົບຈາກສາຍລັດ ຢູ່ກອງພັນໃຫຍ່ປືນໜ້າດິນ 619 ໃນນີ້ ຍົກຂັ້ນເງິນເດືອນ ມີ 3 ສະຫາຍ ພັນໂທ ຂຶ້ນກິນເງິນ ພັນເອກ 2 ສະຫາຍ, ຮ້ອຍເອກ ຂຶ້ນກິນເງິນ ພັນຕີ 1 ສະຫາຍ ແລະ ທຽບຊັ້ນ ຮ້ອຍໂທ ມີ 12 ສະຫາຍ ຮ້ອຍຕີ ມີ 1 ສະຫາຍ.
ໂອກາດດັ່ງກ່າວ ສະຫາຍ ພັນເອກ ແສງຟອງ ທິບທິລາດ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍທີ່ໄດ້ຮັບການປະດັບຊັ້ນໃໝ່ຄັ້ງນີ້ ພ້ອມທັງຮຽກຮ້ອງໃຫ້ຈົ່ງສືບຕໍ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ ຄຸນສົມບັດສິນທຳປະຕິວັດ ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນພ້ອມທັງປະຕິບັດກົດລະບຽບຂອງກອງທັບ-ກົດໝາຍຂອງລັດໃຫ້ເຂັ້ມງວດ ຍົກສູງຄວາມຮັບຜິດຊອບຕໍ່ໜ້າທີ່ວຽກງານເປັນແບບຢ່າງທີ່ດີໃຫ້ພະນັກງານ-ນັກຮົບເຮັດສຳເລັດໜ້າທີ່ທີໄດ້ຮັບມອບໝາຍ
ພາບ: ສອນພາໄຊ ສີລິປັນຍາທອງ;
ຂ່າວ: ພູກັນ ສັນຕິວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
