ວັນອາທິດ, ວັນທີ 19 ເມສາ 2026
ກອງພົນທີ 3 ລຸລ່ວງນາຍທະຫານ ພັກການກຽມຮັບບຳນານ
ເວລາອອກຂ່າວ: 2025-09-05 09:43:46 | ຜູ້ຂຽນ : admin1 | ຈຳນວນຄົນເຂົ້າຊົມ: 1024 | ຄວາມນິຍົມ: 
ວັນທີ 2 ກັນຍາ 2025 ນີ້, ກອງພົນທີ 3 ໄດ້ຈັດພິທີປະກາດການລຸລ່ວງໃຫ້ນາຍທະຫານ ພັກການເພື່ອກຽມຮັບບຳນານ, ໂດຍການເປັນປະທານຂອງ ສະຫາຍ ພົນຈັດຕະວາ ສາຍທອງ ປີຊາຈັນ ຫົວໜ້າການເມືອງ ກອງພົນທີ 3, ມີຄະນະຫ້ອງ, ພະແນກການທີ່ກ່ຽວຂ້ອງ ເຂົ້າຮ່ວມ.
ໃນພິທີ ສະຫາຍ ພັນໂທ ວົງປະເສີດ ນັດອຸດົມ ຫົວໜ້າພະ ແນກພະນັກງານ ກອງພົນທີ 3 ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ ສະຫາຍ ພັນເອກ ບຸນຫຼາຍ ອຸດົມຮຸນ ຫົວໜ້າຫ້ອງການເມືອງ ກອງພົນທີ 3 ພັກການກຽມຮັບບຳນານ.
ໂອກາດນີ້, ສະຫາຍ ພົນຈັດ ຕະວາ ສາຍທອງ ປີຊາຈັນ ໄດ້ສະ ແດງຄວາມຍ້ອງຍໍຊົມເຊີຍຕໍ່ສະຫາຍ ຫົວໜ້າຫ້ອງການເມືອງ ທີ່ໄດ້ສຸມສະຕິປັນຍາ, ອຸທິດເຫື່ອ ແຮງປະກອບສ່ວນເຂົ້າໃນພາ ລະກິດປົກປັກຮັກສາ ແລະ ສ້າງ ສາພັດທະນາປະເທດຊາດ, ເຮັດສຳເລັດໜ້າທີ່ ທີ່ພັກ-ລັດ ກໍຄື ການຈັດຕັ້ງຂັ້ນເທິງມອບໝາຍໃຫ້ ແລະ ນີ້ກໍເປັນການປະຕິບັດນະໂຍບາຍຂອງພັກ-ລັດ ແລະ ກະຊວງປ້ອງກັນປະເທດ ທີ່ມີຕໍ່ ພະນັກງານ-ນັກຮົບໃນກອງທັບ ປະຊາຊົນລາວ ເມື່ອຮອດອາຍຸກະສຽນ ກໍຕ້ອງມີການປະຕິບັດນະໂຍບາຍ ໃຫ້ຖືກຕ້ອງຕໍ່ແນວ ທາງຂອງພັກ, ພ້ອມທັງເນັ້ນໜັກ ໃຫ້ສະຫາຍ ຈົ່ງສືບຕໍ່ສຶກສາອົບ ຮົມລູກຫຼານ ໃຫ້ປະຕິບັດລະບຽບກົດໝາຍຂອງລັດ, ປະກອບສ່ວນເຂົ້າໃນການເຄື່ອນໄຫວວຽກງານນຳອຳນາດການປົກຄອງທ້ອງ ຖິ່ນ ແລະ ເປັນແບບຢ່າງທີ່ດີໃຫ້ແກ່ພະນັກງານຮຸ່ນສືບທອດຕໍ່ໄປ.
ໂດຍ: ຄຳຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
