ວັນສຸກ, ວັນທີ 16 ມັງກອນ 2026
ທະຫານແຂວງຄຳມ່ວນ ມອບເງິນຊົດເຊີຍ ໃຫ້ພະນັກງານ ພັກການຮັບບຳນານ
ເວລາອອກຂ່າວ: 2025-09-11 09:07:37 | ຜູ້ຂຽນ : admin1 | ຈຳນວນຄົນເຂົ້າຊົມ: 4603 | ຄວາມນິຍົມ: 
ວັນທີ 5 ກັນຍາ 2025, ກອງບັນຊາການທະຫານແຂວງຄຳມ່ວນ ໄດ້ມອບເງິນຊົດເຊີຍ 15% ແລະ 5% ໃຫ້ພະນັກງານທີ່ພັກການ ຮັບບຳນານ, ໂດຍການເປັນປະທານຂອງ ສະຫາຍ ພັນເອກ ພັນມະຫາ ຈູມມະນີ ຫົວໜ້າຫ້ອງການເມືອງ ກອງບັນຊາການທະ ຫານແຂວງຄຳມ່ວນ, ມີຄະນະພັກ-ຄະນະບັນຊາ ພະແນກການທີ່ກ່ຽວຂ້ອງ ພ້ອມດ້ວຍ ພະນັກງານທີ່ພັກການຮັບບຳນານ ເຂົ້າຮ່ວມ.
ສະຫາຍ ພັນໂທ ເຂືອງຄຳ ສີດາຄຳ ຫົວໜ້າພະແນກພະນັກ ງານ ກອງບັນຊາການທະຫານແຂວງຄຳມ່ວນ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານ ພັກການຮັບບຳນານ, ອີງຕາມກົດໝາຍ ວ່າດ້ວຍນາຍທະຫານກອງທັບປະຊາຊົນລາວ ແລະ ອີງຕາມຂໍ້ຕົກລົງ ວ່າດ້ວຍການປະຕິບັດເງິນອຸດໜູນ ແລະ ເງິນນະໂຍບາຍຕ່າງໆ ກະຊວງປ້ອງກັນປະເທດອະນຸມັດຈ່າຍເງິນນະໂຍບາຍອຸດໜູນ ແລະ ເງິນຊົດເຊີຍ 15% ແລະ 5% ໃຫ້ພະນັກງານ ທີ່ພັກການຮັບບຳນານ ຢູ່ ກອງບັນຊາການທະ ຫານແຂວງຄຳມ່ວນ ຈຳນວນ 19 ສະຫາຍ ລວມເປັນເງິນທັງໝົດ 312.233.877 ກີບ.
ສະຫາຍ ພັນເອກ ພັນມະຫາ ຈູມມະນີ ໄດ້ຮຽກຮ້ອງມາຍັງ ພະ ນັກງານ ທີ່ພັກການຮັບບຳນານຄັ້ງນີ້ ຈົ່ງສືບຕໍ່ຮັກສາມູນເຊື້ອອັນດີງາມຂອງຕົນ ເຂົ້າໃນການປຸກລະດົມຊຸກຍູ້ລູກຫຼານ ໃຫ້ເຂົາເຈົ້າໄດ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ-ກົດໝາຍຂອງລັດ ໃນໄລຍະໃໝ່, ພ້ອມນັ້ນ ກໍຕ້ອງຮັກສາສຸຂະພາບຂອງຕົນໃຫ້ແຂງແຮງ ເພື່ອເປັນແວ່ນແຍງໃຫ້ແກ່ລູກຫຼານ ແລະ ສ້າງໃຫ້ເຂົາເຈົ້າກາຍເປັນພະນັກງານຮຸ່ນສືບທອດໃນອະນາຄົດ.
ໂດຍ: ລາກີ ພົມມີສິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
