ວັນພະຫັດ, ວັນທີ 16 ເມສາ 2026
ກອງພັນໃຫຍ່ 497 ມອບບັດສະມາຊິກພັກສົມບູນ ຊຸດທີ VIII
ເວລາອອກຂ່າວ: 2025-09-11 09:15:53 | ຜູ້ຂຽນ : admin1 | ຈຳນວນຄົນເຂົ້າຊົມ: 5115 | ຄວາມນິຍົມ: 
ວັນທີ 4 ກັນຍາ 2025 ນີ້, ກອງພັນໃຫຍ່ 497 ໄດ້ຈັດພິທີມອບ-ຮັບບັດສະມາຊິກພັກສົມບູນຊຸດທີ VIII ໃຫ້ພະນັກງານສະມາຊິກພັກສົມບູນ ໂດຍການເປັນປະທານຂອງ ສະຫາຍ ພັນເອກ ພອນໄຊ ບໍລະດົມ ເລຂາຄະນະພັກ
ຫົວໜ້າການເມືອງ ກອງພັນໃຫຍ່ 497, ມີຄະນະບໍລິຫານງານພັກກອງພັນໃຫຍ່, ຄະນະພັກຮາກຖານ, ໜ່ວຍພັກ ຂະແໜງການທີ່ກ່ຽວ ຂ້ອງ ຕະຫຼອດຮອດບັນດາສະຫາຍສະມາຊິກພັກສົມບູນເຂົ້າຮ່ວມ.
ສະຫາຍ ພັນໂທ ບຸນທອນ ໝື່ນແກ້ວ ຄະນະພັກກອງພັນໃຫຍ່
ຮອງຫົວໜ້າພະແນກການເມືອງ ກອງພັນໃຫຍ່ 497 ໄດ້ຂຶ້ນຜ່ານມະຕິຕົກລົງ; ຂອງຄະນະພັກກະຊວງປ້ອງກັນປະເທດ ວ່າດ້ວຍການຮັບຮອງອອກບັດສະມາຊິກພັກສົມບູນ ປະຕິບັດຕາມມະຕິຕົກລົງຂອງກົມການເມືອງສູນກາງພັກ ແລະ ບົດແນະນຳຂອງ ຄະນະຈັດຕັ້ງສູນກາງພັກ ວ່າດ້ວຍການ ອອກບັດ-ມອບບັດ ສະມາຊິກພັກໃຫ້ສະມາຊິກພັກສົມບູນຂອງພັກປະຊາຊົນປະຕິວັດລາວ. ອີງຕາມ
ການຄົ້ນຄວ້າເຫັນດີເປັນເອກະພາບຂອງຄະນະຊີ້ນຳ ອອກບັດ ໃຫ້ສະມາຊິກພັກສົມບູນຢູ່ກອງພັນໃຫຍ່ 497 ຄະນະພັກກະຊວງປ້ອງກັນປະເທດ ຕົກລົງ: ຮັບຮອງການ ອອກບັດ-ມອບບັດສະມາຊິກພັກສົມບູນ ຊຸດທີ VIII ໃຫ້ບັນ
ດາສະຫາຍສະມາຊິກພັກສົມບູນ ຢູ່ຄະນະພັກກອງພັນໃຫຍ່ 497 ຈຳນວນ 75 ສະຫາຍ, ຍິງ 14 ສະຫາຍ. ໃຫ້ກຽດມອບບັດສະມາຊິກພັກສົມບູນໃນຄັ້ງນີ້ ໂດຍແມ່ນສະຫາຍ ພັນໂທ ນານ ວັນທອງ ຄະນະພັກກອງພັນໃຫຍ່ ຫົວໜ້າພະແນກເສນິການ ກອງພັນໃຫຍ່ 497 ຢ່າງສົມກຽດ.
ໂອກາດນີ້, ສະຫາຍ ພັນເອກ ພອນໄຊ ບໍລະດົມ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ສະມາຊິກພັກສົມບູນຍາດມາໄດ້, ພ້ອມທັງຍົກໃຫ້ເຫັນຄວາມໝາຍ, ຄວາມສຳຄັນ ແລະ ຄວາມຈຳເປັນ ຂອງການອອກບັດ, ການນຳໃຊ້ບັດສະມາຊິກພັກ, ພ້ອມທັງຮຽກຮອງໃຫ້ເອົາໃຈໃສ່ຮັກສາຜົນງານ ແລະ ຮັກ
ສາບັດຂອງຕົນໃຫ້ດີ, ສືບຕໍ່ປະຕິບັດແນວທາງນະໂຍບາຍຂອງພັກ ກົດໝາຍຂອງລັດ ແລະ ຂໍ້ກຳນົດກົດລະບຽບຂອງກອງທັບ, ຂອງພັກໃຫ້ເຂັ້ມງວດ ພ້ອມກັນຕັ້ງໜ້າເຝິກຝົນຫຼໍ່ຫຼອມຕົນເອງຢ່າງຮອບດ້ານ ເຊີດຊູຄວາມເປັນແບບຢ່າງທີ່ດີໃຫ້ແກ່ມະຫາຊົນ, ອອກແຮງປະກອບສ່ວນເຂົ້າໃນການປັບປຸງກໍ່ສ້າງພັກ, ໃຫ້ປອດໃສ
ເຂັ້ມແຂງ ໜັກແໜ້ນ.
ໂດຍ: ເປີ້ນ ແສງຄຳມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
