ວັນພຸດ, ວັນທີ 19 ສິງຫາ 2026
ຄະນະພັກສອງກອງບັນຊາການທະຫານແຂວງເຂົ້າຮ່ວມ ພິທີສະເຫຼີມສະຫຼອງວັນສ້າງຕັ້ງກຳລັງປະກອບອາວຸດນະຄອນເຫວ້ ສສ ຫວຽດນາມ
ເວລາອອກຂ່າວ: 2025-09-11 09:19:59 | ຜູ້ຂຽນ : admin1 | ຈຳນວນຄົນເຂົ້າຊົມ: 5086 | ຄວາມນິຍົມ: 
ໃນວັນທີ 4 ກັນຍາ 2025 ນີ້, ສະຫາຍ ພັນເອກ ໂພໄຊ ໂພໄຊຍະວົງ ຫົວໜ້າການເມືອງ ທະຫານແຂວງສາລະວັນ ແລະ ສະຫາຍ ພັນເອກ ສົມຈິດ ນິລະພົນ ຫົວໜ້າການເມືອງທະຫານແຂວງເຊກອງ ພ້ອມດ້ວຍຄະນະ, ໄດ້ເຂົ້າຮ່ວມພິທີສະເຫຼີມສະຫຼອງວັນສະຖາປານາ ສາທາລະນະລັດສັງຄົມນິຍົມຫວຽດນາມ, ເວົ້າລວມ-ເວົ້າສະເພາະ ແມ່ນວັນສ້າງຕັ້ງກຳລັງປະກອບອາວຸດ ນະຄອນເຫວ້ ສສ ຫວຽດນາມ ຄົບຮອບ 80 ປີ (5 ກັນຍາ 1945-5 ກັນຍາ 2025) ເຊິ່ງພິທີດັ່ງກ່າວໄດ້ຈັດຂື້ນ ຢູ່ທີ່ສະໂມສອນ ນະຄອນເຫວ້ ສສ ຫວຽດນາມ ໂດຍໃຫ້ກຽດການຕ້ອນຮັບອັນອົບອຸ່ນຈາກບັນດາສະຫາຍຄະນະພັກກອງບັນຊາການທະຫານນະຄອນເຫວ້ ສສ ຫວຽດນາມ
ໃນພິທີດັ່ງກ່າວມີ ສະຫາຍ ພົນໂທ ຟາມ ເຈື່ອງ ເຊີນ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ສະຫາຍ ພົນຕີ ຮ່າ ທໍ ບິງ, ຜູ້ບັນຊາການທະຫານເຂດ 4, ສະຫາຍ ພົນຈັດຕະວາ ຫວໍ ຕຽນ ງິ ຮອງຜູ້ບັນຊາການທະຫານຊາຍແດນສູງສຸດ, ສະຫາຍ ເລ ເຈືອງ ລິວ, ກຳມະການຄະນະບໍລິຫານສູນກາງພັກ, ເລຂາຄະນະກຳມະການພັກນະຄອນ, ປະທານສະພາປະຊາຊົນ, ຫົວໜ້າຄະນະຜູ້ແທນສະພານະຄອນເຫວ້ ແລະ ສະຫາຍ ຫງຽວນ ວັນເຟືອງ, ຮອງເລຂາຄະນະກຳມະການພັກນະຄອນ, ປະທານຄະນະກຳມະການປົກຄອງ ນະຄອນເຫວ້, ພ້ອມດ້ວຍ ພະນັກງານອາວຸໂສປະຕິວັດ, ອົງ
ກ່ຽວຂ້ອງ, ຕະຫຼອດຮອດນາຍ ແລະ ພົນທະຫານເຂົ້າຮ່ວມ; ກ່ອນເຂົ້າພິທີຢ່າງເປັນທາງການຄະນະຜູ້ແທນໄດ້ຮັບຊົມລາຍການສະແດງສິລະປະວັນນະຄະດີ, ກ່ຽວກັບບົດມູນເຊື້ອໃນສະໄໝແຫ່ງການຕໍ່ສູ້ກູ້ຊາດ, ເບິ່ງຮູບພາບວີດີໂອກ່ຽວກັບມູນເຊື້ອການເຄື່ອນໃຫວຕໍ່ສູ້, ບັ້ນຮົບ-ບັນຕີ ແຕ່ລະບາດກ້າວ, ແຕ່ລະໄລຍະຂອງກອງທັບ ແລະ ປະຊາຊົນຫວຽດນາມ ຈົນໄດ້ຮັບໄຊຊະນະຢ່າງມີໄຊ; ຈາກນັ້ນກໍໄດ້ຮັບຟັງປະຫວັດຄວາມເປັນມາ ແລະ ມູນເຊື້ອຢ່າງພິລະອາດຫານ ຂອງກອງທັບ ແລະ ປະຊາຊົນຫວຽດນາມ ທີ່ໄດ້ອຸທິດຊີວິດເລືອດເນື້ອເພື່ອພາ
ລະກິດປະຕິວັດ ກໍຄືພາລະກິດປະຫວັດສາດຂອງຊາດ, ທັງເປັນຜູ້ສ້າງພາລະກຳປະຫວັດສາດ ອັນຍິ່ງໃຫຍ່ ຮັບໃຊ້ການສູ້ຮົບປົດປ່ອຍປະເທດຊາດ ຕ້ານການຮຸກຮານ ຂອງພວກຈັກກະພັດຕ່າງດ້າວຢ່າງອັນລະອິດ, ລະອ້ຽວ, ຍືດເຍື້ອຍາວນານມາຫຼາຍສິບປີ, ວິລະກຳຂອງພວກເພີ່ນຍັງເປັນອຳມະຕະ ແລະ ສະຖິດຢູ່ໃນໃຈ
ຂອງປະຊາຊົນຫວຽດນາມຜູ້ຮັກຊາດ, ຮັກຄວາມເປັນເອກະລາດ-ອິດສະຫຼະພາບ ປະຊາຊົນຫວຽດນາມ ຍາມໃດກໍມີຄວາມເດັດດ່ຽວໜ້ຽວແໜ້ນ, ຮັກສາທາດແທ້ມູນເຊື້ອປະຕິວັດ, ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ ຢ່າງບໍ່ມີຂອບເຂດ, ມີຄວາມຕັດສິນໃຈ ແລະ ເສຍສະຫຼະຢ່າງສູງສົ່ງ, ເພື່ອຜົນປະໂຫຍດສ່ວນລວມຂອງປະເທດຊາດ, ມີແບບແຜນດຳລົງຊີວິດທີ່ປອດໃສຂາວສະອາດ, ເປັນແວ່ນແຍງໃຫ້ຄົນລຸ້ນສືບທອດ, ບໍ່ວ່າທາງດ້ານແບບແຜນດຳລົງຊີວິດ, ອຸດົມຄະຕິຫຼັກໝັ້ນຊົນຊັ້ນ ກໍຄືການພັດທະນາເສດຖະກິດ-ສັງຄົມ, ດູດດື່ມເປັນກຳລັງແຮງທາງດ້ານສະຕິປັນຍາ, ມັນສະໝອງ, ເພື່ອເຂົ້າຮ່ວມກໍ່ສ້າງລະບອບການເມືອງປະຊາ
ທິປະໄຕປະຊາຊົນ ທີ່ມີພັກປະຊາຊົນຫວຽດນາມ ເປັນແກ່ນນຳ-ນຳໜ້າໃນທຸກໆຂະບວນການຕໍ່ສູ້ປົດປ່ອຍປະເທດຊາດ ຕະຫຼອດໄລຍະ 80 ປີຜ່ານມາ ຢ່າງໜັກແໜ້ນ- ເຂັ້ມແຂງ, ຮອບດ້ານ; ມາຮອດປັດຈຸບັນ ຍັງໄດ້ພ້ອມກັນຕັ້ງໜ້າປະກອບສ່ວນສ້າງສາພັດທະນາປະເທດຊາດໃຫ້ມີຄວາມຮັ່ງມີຜາສຸກ ທັງໝົດນີ້ ກໍເພື່ອແນ່ໃສ່ເຮັດໃຫ້ພະນັກງານ-ນັກຮົບລຸ້ນສືບທອດປຽ່ນແທນ, ຕ້ອງໄດ້ພ້ອມກັນນຳ
ເອົາມູນເຊື້ອອັນສຳຄັນດັ່ງກ່າວ ນຳໄປໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຕົວຈິງ, ເພື່ອສືບຕໍ່ປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອປະຕິວັດ, ເຕົ້າໂຮມຄວາມສາມັກຄີພາຍໃນ ແລະ ເພື່ອນມິດຍຸດທະສາດ ລະຫວ່າງ ຫວຽດນາມ-ລາວ, ລາວ-ຫວຽດນາມໃຫ້ມີຄວາມໝັ້ນຄົງທະນົງແກ່ນຕະຫຼອດໄປ.
ພາບ-ຂ່າວ: ທອງມີ ຈັນທະວີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
