ວັນອັງຄານ, ວັນທີ 18 ພະຈິກ 2025
ກອງສິລະປະກອນກອງທັບ ສະຫຼຸບການຈັດຕັ້ງປະຕິບັດງານ ປະຈໍາໄຕມາດ III
ເວລາອອກຂ່າວ: 2025-10-10 09:08:06 | ຜູ້ຂຽນ : admin1 | ຈຳນວນຄົນເຂົ້າຊົມ: 841 | ຄວາມນິຍົມ: 
ໃນວັນທີ 9 ຕຸລາ 2025 ນີ້, ກອງສິລະປະກອນກອງທັບ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານປະຈຳໄຕມາດ III ແລະ ວາງທິດທາງປະ ຈຳໄຕມາດ IV ປີ 2025, ໂດຍການເປັນປະທານຂອງ ສະຫາຍ ພັນເອກ ອຸດົມ ບຸດຕະວົງ ຫົວໜ້າການທະຫານ ກອງສິລະປະກອນກອງທັບ, ມີຄະນະພັກ-ຄະນະບັນຊາ, ພະນັກງານນັກຮົບ ທົ່ວກອງສິລະປະກອນກອງທັບເຂົ້າຮ່ວມ.
ສະຫາຍ ພັນໂທ ຄຳເພັດ ທອງຄຳພັນ ຮອງຫົວໜ້າພະແນກແຜນການ-ສັງລວມ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານ ປະຈຳໄຕມາດ III ແລະ ວາງທິດທາງແຜນການປະຈຳໄຕມາດ IV ປີ 2025 ຂອງກອງສິ
ລະປະກອນກອງທັບ ຄະນະພັກ-ຄະນະບັນຊາ ໄດ້ເອົາໃຈໃສ່ສຶກສາ
ອົບຮົມການເມືອງ-ນຳພາແນວຄິດໃຫ້ພະນັກງານ, ສະມາຊິກພັກ ເຊື່ອມຊຶມ, ກຳແໜ້ນແນວທາງ ແຜນນະໂບຍາຍຂອງພັກ, ບັນດາມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດ, ຈັດຕັ້ງເຜີຍແຜ່ເຊື່ອມຊຶມບັນດາເອກະສານຂອງ ພັກ-ລັດ, ຂອງກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ທັງໝົດ 18 ຄັ້ງ, ມີພະນັກງານ-ນັກຮົບ ເຂົ້າຮ່ວມຮັບຟັງ ຈຳນວນ 257 ເທື່ອຄົນ, ຂະຫຍາຍມະຫາຊົນກ້າວໜ້າຮຽນສະໜັບສະໜູນໄດ້ 6 ຄົນ, ຮຽນກົດລະບຽບພັກໄດ້ 4 ສະຫາຍ, ຂະຫຍາຍສະມາຊິກພັກໃໝ່ໄດ້ 4 ສະຫາຍ, ເລື່ອນສຳຮອງຂຶ້ນສົມບູນ 4 ສະຫາຍ, ບັນດາໜ່ວຍພັກສຳເລັດບັ້ນດຳເນີນຊີວິດ
ການເມືອງ ຄັດເລືອກຈັດປະເພດຄຸນທາດການເມືອງຂອງພະນັກງານສະມາຊິກພັກ ແລະ ຄັດເລືອກໜ່ວຍພັກປອດໃສ ປອດໄພ ປອດຄະດີ ທັງ 4 ໜ່ວຍພັກ ນອກນີ້, ຍັງໄດ້ປັບປຸງການຈັດຕັ້ງຂັ້ນພະແນກ, ຂັ້ນຂະແໜງມີຜົນສຳເລັດ, ໄດ້ສົ່ງພະນັກງານໄປບຳລຸງພາສາອັງກິດຢູ່ອົດສະຕຣາລີ ລະບົບ 3 ເດືອນ, ໄດ້ເຂົ້າເຝິກອົບຮົມທິດສະດີການເມືອງ ລະບົບບຳລຸງ 10 ວັນ 2 ຊຸດ ທີ່ກົມໂຄສະນາອົບຮົມຈັດຂຶ້ນ ມີ 12 ສະຫາຍ ແລະ 15 ວັນ ຢູ່ໂຮງຮຽນທິດສະດີ ກອງທັບ 1 ສະຫາຍ, ວຽກວິຊາສະເພາະ ສ້າງລາຍການສະແດງຮັບໃຊ້ກອງປະຊຸມໃຫຍ່ອົງຄະນະພັກກະຊວງປ້ອງກັນປະເທດ ຄັ້ງທີ VI ມີຜົນສຳເລັດ, ໄດ້ໄປສະແດງແລກປ່ຽນວັດທະນະທຳຢູ່ ສສ ຫວຽດນາມ ເນື່ອງໃນໂອກາດວັນຊາດ ສສ ຫວຽດນາມ ຄົບຮອບ 80 ປີ ຈຳນວນ 6 ເທື່ອສະແດງ ແລະ ເຄື່ອນໄຫວສະແດງຮັບໃຊ້ພິທີການຕ່າງໆ ທັງໝົດ 27 ຄັ້ງ ມີນັກສະແດງເຂົ້າຮ່ວມ 502 ເທື່ອຄົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
