ວັນພະຫັດ, ວັນທີ 13 ພະຈິກ 2025
ຫ້ອງການເມືອງ ກມທ ເປີດຮຽນສະໜັບສະໜູນ ແລະ ກົດລະບຽບພັກໃຫ້ມະຫາຊົນຜູ້ກ້າວໜ້າ
ເວລາອອກຂ່າວ: 2025-10-17 09:03:32 | ຜູ້ຂຽນ : admin1 | ຈຳນວນຄົນເຂົ້າຊົມ: 1016 | ຄວາມນິຍົມ: 
ໃນລະຫວ່າງວັນທີ 14 -16 ຕຸລາ 2025 ນີ້, ຫ້ອງການເມືອງ ກົມໃຫຍ່ການເມືອງກອງທັບ ໄດ້ເປີດຮຽນເອກະສານສະໜັບສະໜູນ ແລະ ກົດລະບຽບພັກໃຫ້ມະຫາຊົນຜູ້ກ້າວໜ້າ, ເປົ້າໝາຍຈະເຂົ້າເປັນສະມາຊິກພັກໃໝ່ ຢູ່ບັນດາກົມ, ຫ້ອງການ, ກອງໃນທົ່ວກົມໃຫຍ່ການເມືອງກອງທັບ, ໂດຍການບັນຍາຍຂອງ ສະຫາຍ ພັນໂທ ສອນໄຊ ອິນທະວົງ, ຄະນະພັກຫ້ອງການເມືອງ, ຮອງຫົວ
ໜ້າຫ້ອງການເມືອງກົມໃຫຍ່ການເມືອງກອງທັບ, ມີມະຫາ ຊົນຜູ້ກ້າວໜ້າ, ເປົ້າໝາຍຈະ ເຂົ້າເປັນສະມາຊິກພັກໃໝ່ໃນ ທົ່ວກົມໃຫຍ່ການເມືອງກອງທັບເຂົ້າຮ່ວມ ຈຳນວນ 52 ສະຫາຍ, ຍິງ 24 ສະຫາຍ.
ສະຫາຍ ພັນຕີ ທັດຊາຍ ລຸດຈະດາ ຊ່ວຍວຽກພະແນກໂຄສະນາອົບຮົມ ຫ້ອງການເມືອງ ກົມໃຫຍ່ການເມືອງກອງທັບ, ໄດ້ຜ່ານມະຕິຕົກລົງຂອງຄະ ນະປະຈຳພັກກົມໃຫຍ່ການ ເມືອງກອງທັບ ສະບັບເລກທີ 76-77/ຄປຈພ, ລົງວັນທີ 24 ຕຸລາ 2025 ວ່າດ້ວຍການອະນຸມັດ ເປີດຮຽນສະໜັບສະໜູນ ແລະ ວ່າດ້ວຍການອະນຸມັດເປີດຮຽນ ກົດລະບຽບພັກໃຫ້ມະຫາຊົນຈະຂະຫຍາຍເຂົ້າເປັນສະມາ ຊິກພັກ ຢູ່ ກມທ ຄັ້ງທີ III ປີ 2025 ໂດຍປະຕິບັດຕາມກົດລະ ບຽບພັກປະຊາຊົນປະຕິວັດລາວ ສະໄໝທີ XI ໝວດທີ I ມາດຕາ 2 ວ່າດ້ວຍລະບຽບການຂະ ຫຍາຍພັກ. ໃນນີ້, ມີມະຫາຊົນ ຜູ້ກ້າວໜ້າເຂົ້າຮຽນສະໜັບສະ ໜູນ 30 ສະຫາຍ, ຍິງ 14 ສະ ຫາຍ ແລະ ມີມະຫາຊົນຜູ້ກ້າວໜ້າເຂົ້າຮຽນກົດລະບຽບພັກ 22 ສະຫາຍ, ຍິງ 10 ສະຫາຍ.
ສຳລັບເອກະສານທີ່ນຳມາເປີດຮຽນໃຫ້ເປົ້າໝາຍທີ່ຈະຂະຫຍາຍເຂົ້າພັກຄັ້ງນີ້ມີເອກະສານຮຽນສະໜັບສະໜູນພັກ ແລະ ເອກະສານກົດລະບຽບພັກປະຊາ
ຊົນປະຕິວັດລາວສະໄໝທີ XI. ເພື່ອຮັບປະກັນໃຫ້ແກ່ເປົ້າໝາຍທີ່ຈະຂະຫຍາຍເຂົ້າເປັນສະມາຊິກພັກໃຫ້ມີຄວາມຮັບຮູ້ເຂົ້າໃຈແຈ້ງຢ່າງເລິກເຊິ່ງ ແລະ ກຳແໜ້ນບັນດາເນື້ອໃນສຳຄັນ ເປັນຕົ້ນແມ່ນ ຮັບຮູ້ໄດ້ມາດຖານເງື່ອນໄຂ, ສິດ ແລະ ຂໍ້ຫ້າມຂອງສະມາຊິກພັກ ຂອງພັກປະຊາຊົນປະຕິວັດລາວ.
ໂດຍ: ຄຳແພງ ພົມມະສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
