ວັນອັງຄານ, ວັນທີ 03 ທັນວາ 2024
ແພດທະຫານລາວ - ຈີນ ຂະບວນລົດໄຟສັນຕິພາບ 2019 ສຳເລັດການໃຫ້ບໍລິການປິ່ນປົວ ແລະ ກວດສຸຂະພາບຢູ່ລາວ
ເວລາອອກຂ່າວ: 2019-08-27 09:01:18 | ຜູ້ຂຽນ : admin3 | ຈຳນວນຄົນເຂົ້າຊົມ: 399297605 | ຄວາມນິຍົມ: 
ຄະນະແພດຂະບວນລົດໄຟ ສັນຕິພາບ 2019 ກອງທັບປະ ຊາຊົນລາວ ແລະ ກອງທັບປົດ ປ່ອຍປະຊາຊົນຈີນ ໄດ້ສໍາເລັດ ການໃຫ້ບໍລິການປິ່ນປົວ ແລະ ກວດສຸຂະພາບໃຫ້ແກ່ນາຍ ແລະ ພົນທະຫານ ແລະ ພໍ່ແມ່ປະຊາ ຊົນຢູ່ໂຮງໝໍບໍລິເວນ 101 ກອງ ທັບຢູ່ແຂວງຊຽງຂວາງ ແລະ ໂຮງໝໍກອງພົນທີ 5 ແຂວງຈໍາ ປາສັກ ພາຍຫຼັງທີ່ເລີ່ມໃຫ້ການ ບໍລິການປິ່ນປົວສຸຂະພາບແຕ່ ວັນທີ 23 -25 ສິງຫານີ້ ຈຶ່ງໄດ້ ສຳເລັດ, ໂດຍການນຳພາຂອງ ຄະນະກົມເສນາຮັກສອງກອງ ທັບ ລາວ-ຈີນ ພ້ອມຄະນະ ແພດ ຂະບວນລົດໄຟສັນຕິພາບ ລາວ - ຈີນ 2019 .
ສະຫາຍ ພັນໂທ ດຣ ສີທະວົງ ບຸນປະສົງ ຮອງຫົວໜ້າກົມເສນາ ຮັກ ກົມໃຫຍ່ພະລາທິການກອງ ທັບ ນຳພາຄະນະແພດກອງທັບ ລາວ-ຈີນລົງເຄື່ອນໄຫວໃຫ້ການ ບໍລິການກວດສຸຂະພາບແກ່ ນາຍ ແລະ ພົນທະຫານ ແລະ ພໍ່ແມ່ປະຊາຊົນຢູ່ໂຮງໝໍບໍລິ ເວນ 101 ກອງທັບ ແຂວງ ຊຽງຂວາງ ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນສໍາເລັດທີ່ ສອງຄະນະໄດ້ຮ່ວມແຮງຮ່ວມໃຈ ກັນປະຕິບັດໜ້າທີ່ທາງການເມືອງ ແລະ ວິຊາສະເພາະຂອງຕົນສໍາ ເລັດຜົນໄປດ້ວຍດີ ເຊິ່ງການກວດ ສຸຂະພາບ, ປິ່ນປົວຢູ່ໂຮງໝໍບໍລິ ເວນ 101 ກອງທັບ ແຂວງຊຽງ
ຂວາງໃນຄັ້ງນີ້ບໍ່ເປັນພຽງແຕ່ ການກວດສຸຂະພາບ ແລະ ປິ່ນ ປົວເທົ່ານັ້ນແຕ່ຍັງເປັນການຮັດ ແໜ້ນຄວາມສາມັກຄີ, ໄມຕີຈິດ ມິດຕະພາບ ແລະ ການຮ່ວມມື ຊ່ວຍເຫຼື່ອເຊິ່ງກັນ ແລະ ກັນຕາມ ທິດ 4 ດີ, ບົນພື້ນຖານຄູ່ຮ່ວມມື ຍຸດທະສາດອີກດ້ວຍ. ຜ່ານການ ກວດສຸຂະພາບ ແລະ ປິ່ນປົວເຫັນ ວ່າ: ຄະນະຊີ້ນໍາ ແລະ ອ້າຍນ້ອງ ແພດທະຫານທັງສອງຝ່າຍໄດ້ມີ ຄວາມຕັດສິນໃຈສູງ ແລະ ປະຕິບັດ ໜ້າທີ່ການເມືອງຂອງຕົນຢ່າງ ມີຜົນສໍາເລັດຕາມແຜນການລະ ດັບຄາດໝາຍທີ່ວາງໄວ້. ພ້ອມ ດຽວກັນນີ້, ຂະບວນລົດໄຟສັນຕິ ພາບລາວ - ຈີນ 2019 ກອງທັບ ປົດປ່ອຍປະຊາຊົນຈີນ ຍັງໄດ້ ມອບຢາປິ່ນປົວ ແລະ ອຸປະກອນ ການແພດຈໍານວນໜຶ່ງໃຫ້ແກ່ ໂຮງໝໍບໍລິເວນ 101 ກອງທັບ ເພື່ອສືບຕໍ່ຮັບໃຊ້ວຽກງານກວດ ພະຍາດ, ບົ່ງມະຕິ ແລະ ປິ່ນປົວ ພະຍາດມູນຄ່າ 1.175.000 ຢວນ
( ສະກຸນເງິນຈີນ ).
ພ້ອມດຽວກັນນີ້, ສະຫາຍ ພັນ ເອກ ນາງວັນເພັງ ພວງສາວະດີ ຮອງຫົວໜ້າກົມເສນາຮັກກົມ ໃຫຍ່ພະລາທິການກອງທັບທີ່ນຳພາຄະນະເຄື່ອນໄຫວໃຫ້ບໍລິການ ທາງການແພດ “ ຂະບວນລົດໄຟ ສັນຕິພາບ 2019” ລາຍງານວ່າ: ໄດ້ເລັ່ງໃສ່ການບໍລິການກວດ ເຊັກ ແລະ ປິ່ນປົວສຸຂະພາບໂດຍ ບໍເສຍຄ່າໃຫ້ແກ່, ນາຍ ແລະ ພົນ ທະຫານ , ພໍ່ແມ່ປະຊາຊົນ ຢູ່ໂຮງ ໝໍກອງພົນທີ 5 ແຂວງຈໍາປາ ສັກທີ່ໄດ້ຈັດຂຶ້ນເປັນເວລາ 3 ວັນ ແລະ ເຄື່ອນໄຫວໃຫ້ການກວດ ແລະ ປິ່ນປົວສຸຂະພາບພໍ່ແມ່ປະ ຊາຊົນທີ່ໄດ້ຮັບຜົນກະທົບຈາກໄພ ພິບັດເຫດການຄູກັ້ນນໍ້າເຂື່ອນໄຟ ຟ້າເຊປຽນ-ເຊນໍ້ານ້ອຍແຕກ ຢູ່ ສູນພັກຊົ່ວຄາວດົງບາກ ເມືອງສະ
ໜາມໄຊ ແຂວງອັດຕະປື 1 ວັນ.
ສໍາລັບການໃຫ້ບໍລິການປິ່ນ ປົວສຸຂະພາບແກ່ນາຍ ແລະ ພົນ ທະຫານ, ພໍ່ແມ່ປະຊາຊົນຢູ່ໂຮງ ໝໍກອງພົນທີ 5 ມີຈຳນວນຄົນ ເຂົ້າກວດເຊັກສຸຂະພາບທັງໝົດ 675 ຄົນ, ຍິງ 439 ຄົນ ແລະ ລົງ
ປິ່ນປົວສຸຂະພາບໃຫ້ພໍ່ແມ່ປະຊາ ຊົນຢູ່ສູນ ດົງບາກ ເມືອງ ສະໜາມ ໄຊ ແຂວງອັດຕະປື ມີຄົນເຂົ້າກວດ ແລະ ເຊັກສຸຂະພາບທັງໝົດ 293 ຄົນ,ຍິງ186 ຄົນ,ພ້ອມນີ້ທີມງານ ແພດກອງທັບປົດປ່ອຍປະຊາຊົນ ຈີນ ຍັງໄດ້ມອບຢາປິ່ນປົວ ແລະ ເຄື່ອງອຸປະກອນການແພດໃຫ້ ໂຮງກອງພົນທີ 5 ມີມູນຄ່າ 50 ລ້ານກວ່າກີບ ແລະ ໂຮງໝໍກອງ ບັນຊາການທະຫານແຂວງອັດຕະ ປື ມູນຄ່າ 20 ລ້ານກວ່າກີບ.
ສະຫາຍ ພັນເອກ ນາງວັນ
ເພັງ ພວງສາວະດີ ກ່າວຕື່ມວ່າ: ຈາກການປະຕິບັດໜ້າທີ, ກວດ ເຊັກ ແລະ ປິ່ນປົວສຸຂະພາບຂະ ບວນແພດລົດໄຟສັນຕິພາບກອງ ທັບ ລາວ-ຈີນ ໄດ້ສຳເລັດຕາມ ແຜນການເປັນຕົ້ນການກວດພະ ຍາດສາມາດປະຕິບັດໄດ້ລື່ນ ຄາດໝາຍທີ່ວາງໄວ້ ເຊິ່ງໄດ້ກວດ
ເຊັກພະຍາດດັ່ງນີ້: ພະຍາດຫົວ ໃຈ-ເສັ້ນເລືອດ, ລະບົບຖ່າຍເທ, ລະບົບຫາຍໃຈ, ພະຍາດພາຍ ນອກ, ພະຍາດກະດູກ, ສ່ອງກະ ເພາະອາຫານ, ກວດຫູ, ຕາ, ດັງ, ຄໍ, ແຂ້ວ,ຄາງ, ເອໂກ, ແທກກະ ແສໄຟຟ້າຫົວໃຈ, ປິ່ນປົວຢາພື້ນ ເມືອງຈີນ, ກວດເຊຶ້ອໄວຣັສຕັບ ບີ,ຊີ, ນອກຈາກນັ້ນ, ຍັງໄດ້ສົມ ທົບກວດ ແລະວາງຢາໃຫ້ຄົນ ເຈັບຢູ່ໂຮງໝໍກອງພົນທີ 5 ຈຳ ນວນໜຶ່ງ. ພ້ອມນີ້ ຄະນະແພດຈີນ ຍັງໄດ້ເຜີຍແຜ່ກ່ຽວກັບວິທີປ້ອງ ກັນການຕິດເຊື້ອ ແລະ ການປ້ອງ ກັນ ພະຍາດຕັບອັກເສບໄວຣັສບີ, ໃຫ້ຄຳແນະນຳສຸຂະສຶກສາປ້ອງ ກັນພະຍາດໃນກອງທັບພ້ອມທັງ ແຈກ ຢາຍ ຢາປິ່ນປົວພະຍາດຫຼາຍ ຊະນິດ ແລະ ອີກຈໍານວນໜຶ່ງ ເພື່ອ
ນໍາໃຊ້ເຂົ້າໃນການປິ່ນປົວຕໍ່ໄປ. ພ້ອມນີ້ຄະນະແພດກອງທັບຝ່າຍ ລາວໄດ້ມອບໃບກຽດຕິຄຸນໃຫ້ແກ່ ຄະນະແພດກອງທັບຝ່າຍຈີນຢ່າງ ສົມກຽດ.
ໂດຍ : ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
