POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 13 ມີນາ 2026

ສຸມໃສ່ອົບຮົມ-ຫັດແອບ ສ້າງກຳລັງໃຫ້ມີຄວາມເຂັ້ມແຂງໜັກແໜ້ນ
ເວລາອອກຂ່າວ: 2025-11-07 09:16:35 | ຜູ້ຂຽນ : admin1 | ຈຳນວນຄົນເຂົ້າຊົມ: 762 | ຄວາມນິຍົມ:

ວຽກງານອົບຮົມ-ຫັດແອບ, ປັບປຸງລະບຽບແບບແຜນ, ເຝິກ ຝົນກຳລັງແຮງກາຍ ແມ່ນວຽກງານໜຶ່ງທີ່ມີພາລະບົດບາດສຳ ຄັນ ຕັດສິນເຖິງຄຸນນະພາບສັງລວມ, ກຳລັງແຮງສູ້ຮົບ ແລະ ການກຳເນີດເຕີບໃຫຍ່ຂະຫຍາຍ ຕົວ ກໍຄື ຄວາມເຂັ້ມແຂງຂອງກອງທັບ ໃນນີ້, ສະເພາະຢູ່ກອງບັນຊາການທະຫານແຂວງບໍລິ ຄຳໄຊ ແມ່ນກົມກອງໜຶ່ງທີ່ໄດ້ ເອົາໃຈໃສ່ນຳພາ-ຊີ້ນຳ ຈັດຕັ້ງປະ ຕິບັດວຽກງານອົບຮົມ-ຫັດແອບ, ປັບປຸງກໍ່ສ້າງກຳລັງຢ່າງ ເປັນຂະບວນການຟົດຟື້ນຕໍ່ເນື່ອງ ສາມາດຮັບປະກັນເຮັດໃຫ້ພະນັກງານ-ນັກຮົບ ໃນກົມກອງມີສຸຂະພາບແຂງແຮງ, ທົນທານໜຽວແໜ້ນ, ມີໄຫວພິກ, ມີຄວາມຊຳນິຊຳນານ ຕໍ່ການຈັດຕັ້ງປະຕິບັດ ໜ້າທີ່ວຽກງານປົກປັກຮັກສາ ແລະ ສ້າງສາພັດທະນາປະເທດຊາດ ຕາມການມອບໝາຍຂອງຂັ້ນເທິງ ໃນທຸກສະພາບການ. ສະຫາຍ ພັນໂທ ວິສັນ ທິບວົງສາ ຫົວໜ້າຫ້ອງເສນາທິການກອງບັນຊາການທະຫານ ແຂວງບໍລິຄຳໄຊ ໄດ້ໃຫ້ຮູ້ວ່າ: ໄລຍະທີ່ຜ່ານມາ ຄະນະພັກ-ຄະ ນະບັນຊາ ໄດ້ຊີ້ນຳຂະແໜງການທີ່ກ່ຽວຂ້ອງ ແລະ ພະນັກງານທີ່ຮັບຜິດຊອບວຽກງານອົບຮົມ-ຫັດແອບໃນທົ່ວກົມກອງຍົກສູງຄວາມຮັບຜິດຊອບໜ້າທີ່ວິຊາສະເພາະຂອງຕົນ ສຸມໃສ່ການ ຈັດຕັ້ງປະຕິບັດວຽກງານອົບ ຮົມ-ຫັດແອບຕາມແຜນການຂອງຂັ້ນເທິງຢ່າງຕໍ່ເນື່ອງເຊິ່ງສາມາດຍາດໄດ້ຜົນສຳເລັດອັນຈົບງາມ ໃນນີ້, ໄດ້ຖືເອົາພາກທິດສະດີ ຫຼັກການເປັນພື້ນຖານ, ພາກປະຕິບັດຕົວຈິງເປັນບັນຫາສຳຄັນ, ໄດ້ຈັດຕັ້ງອົບຮົມ-ຫັດແອບປະຈຳປີ ໃຫ້ບັນດາກົມກອງ, ໄດ້ລົງໃກ້ຊິດຕິດແທດກວດກາ ຊຸກຍູ້ບັນດາກົມກອງ ຈັດຕັ້ງອົບ ຮົມ-ຫັດແອບຢ່າງຖືກຕ້ອງຕາມເນື້ອໃນ ແລະ ກຳນົດເວລາຕາມທີ່ຂັ້ນເທິງໄດ້ກຳນົດ, ສະເພາະປີ 2025 ທົ່ວທະຫານແຂວງ ໄດ້ຈັດຕັ້ງອົບຮົມ-ຫັດແອບທັງໝົດ 27 ກົມກອງຄົບຖ້ວນຕາມແຜນການ, ຜ່ານການອົບ ຮົມ-ຫັດແອບ ສາມາດຕີລາຄາໝາກຜົນໄດ້ 89% ຕິດພັນກັບວຽກງານອົບຮົມ-ຫັດແອບ ຍັງໄດ້ປັບປຸງລະບຽບແບບແຜນ ເຝິກຝົນກຳລັງແຮງກາຍ ແລະ ໄດ້ປະຕິບັດບັນດາຂໍ້ກຳນົດ ກົດລະບຽບຂອງກອງທັບວາງອອກ ໂດຍສະເພາະ 7 ລະບອບ 18 ວຽກຂອງກອງທັບວາງອອກຢ່າງເຂັ້ມງວດ. ນອກຈາກວຽກງານອົບຮົມ-ຫັດແອບໃຫ້ບັນດາອົງການ ແລະ ກົມກອງຮາກຖານແລ້ວ ຍັງໄດ້ຈັດຕັ້ງອົບຮົມ-ຫັດແອບໃຫ້ກອງຫຼອນ, ກຳລັງປ້ອງກັນຕົວໂດຍປະຕິບັດຕາມຄຳສັ່ງແນະນຳຂອງກົມທະຫານທ້ອງຖິ່ນ ກົມໃຫຍ່ເສນາທິການກອງທັບ. ສະຫາຍ ພັນໂທ ວິສັນ ທິບວົງສາ ໃຫ້ຮູ້ຕື່ມອີກວ່າ: ເພື່ອເຮັດໃຫ້ການຈັດຕັ້ງປະຕິບັດວຽກ ງານອົບຮົມ-ຫັດແອບ ມີຄວາມໜັກແໜ້ນເຂັ້ມແຂງຂຶ້ນເລື້ອຍໆໃນຕໍ່ໜ້າຄະນະພັກ-ຄະນະບັນຊາ, ຜູ້ຮັບຜິດຊອບຊີ້ນຳວຽກງານອົບຮົມ-ຫັດແອບ ທຸກຂັ້ນໃນທົ່ວກົມກອງ ຈະໄດ້ພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງ ແລະ ວິຊາສະເພາະຂອງຕົນ, ເພີ່ມທະວີຄວາມຮັບຜິດຊອບໃຫ້ສູງຂຶ້ນຕື່ມ ພ້ອມທັງມີວິທີການມາດຕະການອັນເດັດຂາດ ເຮັດໃຫ້ການອົບຮົມ-ຫັດແອບ ພາຍໃນກົມກອງມີອັນປ່ຽນແປງໃໝ່ ດີຂຶ້ນກວ່າເກົ່າ, ເປັນເຈົ້າການເຂົ້າຮ່ວມການອົບຮົບ-ຫັດແອບ ໃນແຕ່ລະໄລຍະ ຕາມຄຳສັ່ງແນະນຳຂອງຂັ້ນເທິງ ທີ່ກົມກອງຈັດຂຶ້ນ ໃຫ້ມີຂະບວນການຟົດຟື້ນ ແນໃສ່ເຮັດໃຫ້ກົມກອງມີຄວາມໜັກແໜ້ນເຂັ້ມແຂງໃນທຸກດ້ານກຽມພ້ອມເຮັດສຳເລັດໜ້າທີ່ໃນພາລະກິດປົກປັກຮັກສາ ແລະ ສ້າງສາພັດທະນາປະ ເທດຊາດຕາມຄວາມໄວ້ເນື້ອເຊື່ອໃຈຂອງຂັ້ນເທິງ ຢ່າງຈົບງາມ. ໂດຍ: ແສງເດືອນ

news to day and hot news