POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດຕະຫຼອດໄປ
ເວລາອອກຂ່າວ: 2025-12-04 09:21:32 | ຜູ້ຂຽນ : admin1 | ຈຳນວນຄົນເຂົ້າຊົມ: 3608 | ຄວາມນິຍົມ:

ເພື່ອເປັນການທົບທວນຫວນຄືນມູນເຊື້ອ, ປະຫວັດສາດ, ຄຸນງາມຄວາມດີຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາຮົບຮັກຂອງປວງຊົນລາວທັງຊາດ ພໍມາຮອດວັນທີ 13 ທັນວາ ຂອງທຸກໆ ປີ, ທົ່ວພັກ, ທົ່ວກອງທັບ ແລະ ທົ່ວປວງຊົນລາວບັນດາເຜົ່າໃນທົ່ວປະເທດ ໄດ້ພ້ອມກັນກະກຽມສະ ເຫຼີມສະຫຼອງວັນຄ້າຍວັນເກີດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກ ແລະ ປີຊາສາມາດ, ສະຫຼາດສ່ອງໃສຂອງພັກ-ລັດ ແລະ ປະຊາຊົນລາວ. ສຳລັບປີ 2025 ນີ້, ວັນຄ້າຍວັນເກີດຂອງປະທານ ໄກສອນ ພົມວິຫານ ໄດ້ໝູນວຽນມາບັນຈົບ ຄົບຮອບ 105 ປີພໍ ດີ ແລະ ກໍນອນຢູ່ໃນທ່າມກາງບັນຍາກາດທີ່ປະຊາຊົນລາວໃນ ທົ່ວປະເທດ ພວມເບີກບານມ່ວນ ຊື່ນຕໍ່ຜົນງານ ແລະ ຜົນສຳເລັດແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະ 50 ປີທີ່ຜ່ານມາ ແລະ ແຂ່ງຂັນສ້າງຜົນງານຂໍ່າ ນັບຮັບຕ້ອນ ກອງປະຊຸມໃຫຍ່ ຄັ້ງ ທີ XII ຂອງພັກປະຊາຊົນປະຕິ ວັດລາວ ທີ່ຈະໄຂຂຶ້ນໃນຕໍ່ໜ້ານີ້ ຢ່າງເປັນຂະບວນກວ້າງຂວາງ. ປະທານ ໄກສອນ ພົມວິຫານ ກຳເນີດ ແລະ ເຕີບໃຫຍ່ໃນຄອບ ຄົວທີ່ກ້າວໜ້າ, ໃນສະພາວະທີ່ ປະເທດຊາດຕົກເປັນຫົວເມືອງ ຂຶ້ນຂອງຕ່າງຊາດ ແລະ ປະຊາ ຊົນຕົກຢູ່ໃນຄວາມລຳບາກຍາກເຂັນນັ້ນ, ປະທານໄດ້ມີຄວາມຕື່ນຕົວປະຕິວັດ ໂດຍໄດ້ຮ່ວມມື ກັບເພື່ອນສະຫາຍຈຳນວນໜຶ່ງ ທີ່ມີນໍ້າໃຈຮັກຊາດຊອກຫາເສັ້ນ ທາງທີ່ຖືກຕ້ອງ ເພື່ອປົດປ່ອຍປະເທດຊາດອອກຈາກແອກຄອບ ຄອງຂອງຈັກກະພັດຕ່າງດ້າວ. ພາຍຫຼັງທີ່ປະທານ ໂຮ່ຈີມິນ ໄດ້ນຳເອົາລັດທິມາກ-ເລນິນ ເຂົ້າສູ່ຂະບວນການປົດປ່ອຍຊາດ ຂອງປະຊາຊົນ ສາມຊາດອິນດູ ຈີນແລ້ວ, ປະທານ ໄກສອນ ພົມວິຫານ ກໍຊອກເຫັນເສັ້ນທາງທີ່ຖືກຕ້ອງ ເພື່ອຕໍ່ສູ້ປົດປ່ອຍຊາດ, ທ່ານໄດ້ປຸກລະດົມເຕົ້າໂຮມຄວາມສາມັກຄີບັນດາເຜົ່າ ແລະ ຊັ້ນຄົນຕ່າງໆຢ່າງກວ້າງຂວາງ, ສົມທົບກັບການຕໍ່ສູ້ທາງດ້ານການເມືອງ, ການທະຫານ ແລະ ການຕ່າງປະເທດຢ່າງແໜ້ນແຟ້ນ, ເສີມຂະຫຍາຍກຳລັງແຮງຂອງຊາດໃນລະດັບສູງ, ຍາດແຍ່ງເອົາການສະໜັບສະໜູນ ຢ່າງກວ້າງຂວາງຂອງສາກົນ ດຳເນີນການຕໍ່ສູ້ດ້ວຍຄວາມທົນ ທານ, ກ້າແກ່ນ, ຍາດເອົາໄຊຊະ ນະເປັນແຕ່ລະກ້າວໆ ແລະ ກ້າວຂຶ້ນຍາດເອົາໄຊຊະນະຢ່າງສົມ ບູນ. ທ່ານໄດ້ຮ່ວມມືກັບນັກປະ ຕິວັດອາວຸໂສຂອງພັກເຮົາ ຈັດຕັ້ງແນວລາວອິດສະຫຼະ ເຊິ່ງແມ່ນຕົ້ນກຳເນີດຂອງແນວລາວຮັກຊາດ ກໍຄື ແນວລາວສ້າງຊາດໃນປັດຈຸບັນ, ໄດ້ກໍຕັ້ງພັກປະຊາຊົນປະຕິວັດລາວ ເຊິ່ງແມ່ນພັກຂອງຊົນຊັ້ນກຳມະກອນລາວ ໂດຍຖືເອົາລັດທິມາກ-ເລນິນ ເປັນເຂັມຊີ້ທິດໃນການເຄື່ອນໄຫວຂອງພັກ, ນຳພາດຳເນີນການຕໍ່ສູ້ຈົນເຖິງໄຊຊະນະຢ່າງສົມບູນ, ກ້າວຂຶ້ນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງແມ່ນລັດທີ່ເປັນຕົວແທນອັນແທ້ຈິງແຫ່ງສິດຜົນປະໂຫຍດຂອງປະຊາຊົນ, ໄດ້ຮັບການອູ້ມຊູສະໜັບສະໜູນຈາກປະຊາຊົນລາວບັນດາເຜົ່າ. ຕະຫຼອດຊີວິດແຫ່ງການຕໍ່ສູ້ອັນລຳບາກຍາວນານຂອງຕົນ, ປະທານ ໄກສອນ ພົມວິຫານ ໄດ້ສົມທົບກົມກຽວລັດທິຮັກຊາດອັນແທ້ຈິງ ກັບລັດ ທິສາກົນອັນຜ່ອງໃສ. ພ້ອມກັນນັ້ນ, ກໍໄດ້ປະກອບສ່ວນອັນໃຫຍ່ຫຼວງເຂົ້າໃນພາລະກິດສັນຕິພາບ, ຄວາມກ້າວໜ້າທາງສັງຄົມ, ໃນການເສີມສ້າງມິດຕະພາບ ແລະ ການພົວພັນຮ່ວມມືລະຫວ່າງປະ ເທດເຮົາ ກັບບັນດາປະເທດໃກ້ຄຽງ ແລະ ບັນດາປະຊາຊາດໃນໂລກ. ພາຍຫຼັງປະເທດຊາດໄດ້ຮັບການປົດປ່ອຍປະທານ ໄກສອນ ພົມວິຫານ ຈຶ່ງໄດ້ເພີ່ມທະວີຄວາມຮັບຜິດຊອບຂອງຕົນ ຮ່ວມກັບໝູ່ຄະນະວາງແນວທາງຂອງການປະຕິວັດໃນໄລຍະໃໝ່ຢ່າງຖືກຕ້ອງ ບົນຈຸດໝາຍກ້າວຂຶ້ນສູ່ຄວາມວັດທະນະຖາວອນ, ໂດຍຖືເອົາ 2 ໜ້າທີ່ຍຸດທະສາດ ເປັນພາລະກິດອັນສຳຄັນຂອງທົ່ວ ພັກທົ່ວກອງທັບ ແລະ ທົ່ວປວງຊົນ ເຊິ່ງເພິ່ນໄດ້ຊີ້ນຳ-ນຳພາການຈັດຕັ້ງປະຕິບັດຢ່າງຈົດຈໍ່ ເຮັດໃຫ້ວຽກງານອັນໜັກໜ່ວງ ໃນການຮຳບາດແຜຂອງສົງຄາມ ບັນລຸຜົນສຳເລັດ, ຊີວິດການເປັນຢູ່ຂອງປະຊາຊົນເຂົ້າສູ່ຄວາມສະຫງົບປົກກະຕິ, ສ້າງພື້ນຖານອັນຈຳເປັນຕ່າງໆ ສຳລັບການສືບຕໍ່ກ້າວຂຶ້ນສັງຄົມນິຍົມໃນຕໍ່ໄປ. ໂດຍມີຄວາມສະດຸ້ງໄວຕໍ່ບັນ ຫາ, ກຳແໜ້ນສະຖານະການຂອງ ປະເທດ ແລະ ການນຳໃຊ້ບົດ ຮຽນຂອງປະເທດເພື່ອນມິດ, ປະ ທານ ໄກສອນ ພົມວິຫານ ໄດ້ນຳ ພາລິເລີ່ມພາລະກິດປ່ຽນແປງໃໝ່ຢູ່ປະເທດເຮົາ. ພ້ອມກັນນັ້ນ, ເພິ່ນກໍໄດ້ສຸມຈິດສຸມໃຈເຂົ້າໃສ່ການຊີ້ນຳ-ນຳພາການຈັດຕັ້ງປະຕິບັດ ໃຫ້ດຳເນີນໄປຢ່າງມີຫຼັກການ ດ້ວຍບາດກ້າວອັນເໝາະສົມ, ໜັກແໜ້ນ ແລະ ໄດ້ຮັບໝາກຜົນທີ່ໜ້າພາກພູມໃຈ, ສາມາດຖອດຖອນໄດ້ບົດຮຽນຈາກພຶດຕິກຳ. ປະທານ ໄກສອນ ພົມວິຫານ ຍາມໃດກໍເອົາໃຈໃສ່ຈົດຈໍ່ຕໍ່ການເພີ່ມທະວີບົດບາດ ແລະ ການປ່ຽນແປງແບບແຜນ, ວິທີນຳພາຂອງພັກໃນເງື່ອນໄຂທີ່ພັກໄດ້ກຳອຳນາດ. ຍາມໃດເພິ່ນກໍຖືສຳ ຄັນການກໍ່ສ້າງ ແລະ ປັບປຸງພັກດ້ານການເມືອງ-ແນວຄິດ ແລະ ການຈັດຕັ້ງ. ເພີ່ມທະວີວຽກງານ ສຶກສາອົບຮົມ, ເຝິກຝົນທົດສອບສະມາຊິກພັກໃຫ້ຮັກສາທາດແທ້ຂອງຊົນຊັ້ນກຳມະກອນ ແລະ ທັດ ສະນະປະຕິວັດຂອງພັກ, ສ້າງໃຫ້ພັກເຕີບໃຫຍ່ທຽມທັນກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ. ປະທານ ໄກສອນ ພົມວິຫານ ຍາມໃດກໍເປັນແບບຢ່າງໃນການດຳລົງຊີວິດທີ່ຜ່ອງໃສ, ງ່າຍດາຍມີມານະຈິດບຸກບືນຊອກຮູ້ອັນໃໝ່, ເພິ່ນເປັນຜູ້ມີທັດສະນະມະ ຫາຊົນທີ່ຖືກຕ້ອງ ແລະ ໄດ້ເຄື່ອນໄຫວຕິດພັນກັບຊີວິດຕົວຈິງຂອງມະຫາຊົນ, ໄດ້ເອົາໃຈໃສ່ຢ່າງບໍ່ລົດລະ ຕໍ່ການເພີ່ມທະວີຄວາມສາມັກຄີເປັນເອກະພາບ ຂອງທົ່ວປວງຊົນໃນຊາດ ຕິດພັນແໜ້ນກັບການເສີມຂະຫຍາຍບົດບາດ ຂອງອົງການຈັດຕັ້ງມະຫາຊົນ. ອຸດົມຄະຕິ ແລະ ການອຸທິດຂອງປະທານ ໄກສອນ ພົມວິຫານ ຍາມໃດກໍຕິດພັນສະໜິດແໜ້ນ ກັບການເຄື່ອນໄຫວນຳພາຂອງພັກເຮົາ. ພວກເຮົາຈຶ່ງສືບຕໍ່ເພີ່ມພູນຄູນສ້າງມໍລະດົກອັນລ້ຳຄ່າທີ່ປະທານ ໄກສອນ ພົມວິຫານ ໄດ້ສ້າງໄວ້ ເຮັດໃຫ້ອຸດົມຄະຕິຂອງເພິ່ນຍືນຍົງໃນພາລະກິດປະຕິວັດຕະຫຼອດໄປ. ເພື່ອຈາລຶກຄຸນງາມຄວາມດີ ແລະ ສະແດງເຖິງຄວາມຮັກ, ຄວາມເຄົາລົບຕໍ່ອຸດົມຄະຕິປະຕິ ວັດຂອງປະທານ ໄກສອນ ພົມວິ ຫານ, ເວລານີ້ຍິ່ງກວ່າເວລາໃດໝົດ, ທົ່ວພັກ, ທົ່ວກອງທັບ ແລະ ທົ່ວປວງຊົນເຮົາ ຕ້ອງໄດ້ເພີ່ມ ທະວີກ້ອນກຳລັງສາມັກຄີເປັນປຶກແຜ່ນແໜ້ນໜາ ເພື່ອປົກປັກຮັກສາ ແລະ ພັດທະນາປະເທດຊາດໃຫ້ຮັ່ງມີເຂັ້ມແຂງ, ສືບຕໍ່ເຮັດໃຫ້ປະເທດຊາດມີສະຖຽນລະພາບທາງການເມືອງ, ມີຄວາມສະຫງົບປອດໄພ ແລະ ເປັນລະ ບຽບຮຽບຮ້ອຍທາງສັງຄົມ, ສ້າງສະພາບແວດລ້ອມອຳນວຍໃຫ້ແກ່ການພັດທະນາປະເທດຊາດ, ເຮັດໃຫ້ເສດຖະກິດ-ສັງຄົມ ມີຈັງຫວະການຂະຫຍາຍຕົວຕໍ່ເນື່ອງ ແລະ ໄວຂຶ້ນກວ່າເກົ່າ, ປັບປຸງ ແລະ ຍົກສູງຊີວິດການ ເປັນຢູ່ຂອງປະຊາຊົນ, ພະນັກ ງານ, ທະຫານ ແລະ ຕຳຫຼວດໃຫ້ດີຂຶ້ນກວ່າເກົ່າ, ເຮັດໃຫ້ປະເທດຊາດຮັ່ງມີເຂັ້ມແຂງ, ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທຳ ແລະ ສີ ວິໄລຢ່າງບໍ່ຢຸດຢັ້ງ. ແນວຄິດ, ອຸດົມການ, ຊື່ສຽງ ແລະ ຄຸນ ງາມຄວາມດີຂອງປະທານ ໄກສອນ ພົມວິຫານ ຈະບໍ່ມີວັນຫ່າງຫາຍໄປຈາກຄວາມຊົງຈຳຂອງປະຊາຊົນລາວບັນດາເຜົ່າ ຕາບຊົ່ວກາລະນານ. ໂດຍ: ບຸນນ້ອຍ ສີລາວົງ

news to day and hot news